Josua 15:10 - O Debleskro Drom 2021 (Sinte)

¹⁰ Un fun o foro Baala djas o drom pash i berge Seir, hoi kote tchiddo hi, kai o kham tele djal. Fun kotar djas dureder ap i nordetikri rig koi bergatar Jearim – lakro wawar lab hi Kesalon – un palle tele pash o foro Bet-Shemesh un dureder an o foro Timna;

O Debleskro Lab 2024 (Sinte-Manouche)

¹⁰ Oun foun o foro Baala djas o drom pash i berge Seir, hoy kote čiddo hi, kay o kham tele djal. Foun kotar djas doureder ap i nordetikri rig koy bergatar Yearim – lakro vavar lab hi Kesalon – oun palle tele pash o foro Bet-Shemesh oun doureder an o foro Timna;

Josua 15:10 Iomraidhean Croise

2. Samuel 6:2

Un djas lentsa an o foro Baala, an ko them Juda, te anell job kotar o Debleskro mochton win, kai o Debleskre deesh laba dren hi. Ko mochton was kharedo pal o baro Debleste, ko rajeste pral o bolepen un i phub. Kowa hi beshdo pral i bolepangre, kai kharenna Cherubim.

2. Rajengro liil 14:11

Un o Amazja shunas gar koi pre. Kote djas o Joash pral. Un jon dui, o Joash un o Amazja, kuran pen khetne pash Bet-Shemesh. Kowa hi an o them Juda tchiddo.

2. Familjakro liil 28:18

Ninna i Filistarja peran an i forja an o them Juda dren – an kol forja, kai hi an o bergetikro them un an o mulo them Negev. Un jon lan penge kal forja: Bet-Shemesh, Ajalon, Gederot un Socho un i tsele gaba koi trujel, un Timna un i tsele gaba koi trujel, un Gimso un i tsele gaba koi trujel, un jon djiwan kote.

Josua 15:11

un palle dureder ap i tikni berga, hoi ap i nordetikri rig o forestar Ekron hi, un dureder pash o foro Shikkaron un dureder pash i berga Baala, un dureder bis pash o foro Jabneel un pash o Baro Pani.

Josua 15:57

Kajin, Gibea un Timna. Kolla hi deesh forja, un koi pashel lengre gaba.

Josua 19:38

Jiron, Migdal-El, Horem, Bet-Anat un Bet-Shemesh. Kolla his khetne 19 (deesh-te-enja) forja un lengre gaba.

Josua 21:16

Ajin un koi phub trul o foro, kai i vieche nai chan; Jutta un koi phub trul o foro, kai i vieche nai chan; Bet-Shemesh un koi phub trul o foro, kai i vieche nai chan. Kolla his enja forja, hoi i menshe dran kol dui khera Juda un Simeon lenge dan.

Čačepangre 14:1

Un o Simson djas tele an o foro Timna. Un kote dikas lo i rakli i Filistarendar.

Čačepangre 14:5

Un o Simson djas peskro dadeha un peskri dai tele an o foro Timna. Un har wan le pash i drakengre ruka glan o foro Timna, stas i terno lewo bari goljah ap leste.

1. Samuel 6:9

Palle sikrell pes, hawi rigjatar koi bari bibacht pral mende was: Te djan le pre an lengro them, ap o drom an Bet-Shemesh, palle his o baro Dewel, kai sawi bari bibacht ap mende anas. Te djan le ap i wawar rig, palle haiwah, te his gar leskro wast, hoi men das, un kau tselo koowa tchitcheske ap mende was, un kek bitchras les.”