Josua 15:1 - O Debleskro Drom 2021 (Sinte)

¹ Un i barra peran o khereske Juda jaake, te lan le ko kotar them, hoi djas bis pash o them Edom, bis an o mulo them Zin, kote kai o kham pralstunes tardo hi.

O Debleskro Lab 2024 (Sinte-Manouche)

¹ Oun i barra peran o khereske Youda yaake, te lan le ko kotar them, hoy djas bis pash o them Edom, bis an o moulo them Tsin, kote kay o kham pralstounes tardo hi.

Josua 15:1 Iomraidhean Croise

1. Mose 35:23

I tchawe, kolen i Lea ap i phub anas his o Ruben, ko phureder tchawo o Jakobestar. Pal leste was o Simeon, o Levi, o Juda, o Issachar un o Sebulon.

1. Rajengro liil 8:65

Un ap ko tsiro his kol bare diwessa, kai djiwenn i Israelitarja an patjengre khera. Un o Salomo khetne kol tsele Israelentsa rikran kol bare diwessa. His bud menshe kote khetne dran o tselo them, fun Lebo-Hamat bis pash koi tala mank Israel un Egiptia. Efta diwessa his le khetne glan maro baro Debleste, un koi pal pale efta diwessa. Kolla his khetne deesh-te-star diwessa.

Ezekiel 47:19

Un ap koi rig, kai o kham pralstunes tardo hi, djal o them Israel fun o foro Tamar bis pash o pani, hoi kharell Meriba-Kadesh, un dureder langs ko tikno pani, hoi nashell mank Israel un Egiptia, bis pash o Mashkralstuno Baro Pani. Jaake dur djal o them Israel ap koi rig, kai o kham pralstunes tardo hi.

4. Mose 20:16

Un mer dam pal o baro Debleste gole. Kowa shunas men un bitchras i bolepaskres. Un job anas men dran o them Egiptia win. Kanna ham an Kadesh, i foro gar dur tiro themestar.

5. Mose 32:51

Tumer dui nai djan gar an o them dren doleske, kai shunan gar ap mande, har hans pash ko pani, hoi kharell Meriba-Kadesh an o mulo them Zin. Un i Israelitarja dikan, har hadan tumer man gar, un mukan man gar te sikrell, te hom me o tchatcho Dewel.

Josua 14:2

Jaake har o baro Dewel kowa o Moseske penas, witsran le barra, hoi sikrenn, hawo them hakeno kol enja-te-paash bare khera lella.

Josua 15:2

Ap koi rig, kai o kham pralstunes tardo hi, sikras i drom, har dur o them djas. Ko drom djas fun o Londo Baro Pani – fun leskro palstuno kotar kote, kai o kham pralstunes tardo hi –

Josua 18:5

Un jon krenn efta kotja dran ko them, te lell hako kheer jek kotar. Un o kheer Juda atchell ap peskro kotar them, hoi ap koi rig hi, kai o kham pralstunes tardo hi. Un o kheer Josef atchell ap peskro kotar them, kote, kai norden hi.