Josua 13:3 - O Debleskro Drom 2021 (Sinte)

³ un ko them, kai i Kanaanitarja djiwenn, mank o pani Shihor, hoi glan o them Egiptia nashell, un o foro Ekron, kai kote tchiddo hi, kai norden hi; un kol pantch forja, pral kolende pantch Filistarja i raja hi: Gaza, Ashdod, Ashkelon, Gat un Ekron; koi pashel ko them, kote kai o kham pralstunes hi, un kai i Awarja djiwenn;

O Debleskro Lab 2024 (Sinte-Manouche)

³ oun ko them, kay i Kanaanitarya djivenn, mank o pani Shihor, hoy glan o them Egiptia nashell, oun o foro Ekron, kay kote čiddo hi, kay norden hi; oun kol panč forya, pral kolende panč Filistarya i raya hi: Gaza, Ashdod, Ashkelon, Gat oun Ekron; koy pashel ko them, kote kay o kham pralstounes hi, oun kay i Avarya djivenn;

Josua 13:3 Iomraidhean Croise

1. Mose 10:6

O Ham: Leskre tchawe hi: o Kush, o Mizrajim, o Put un o Kanaan.

1. Mose 15:18

Jaake das o baro Dewel o Abrameste ap ko diwes peskro lab, un penas: “Tire tchawen, kai tutar wenna, dau me kau them mank o lengsto pani o themestar Egiptia un o baro lengsto pani Eufrat.

1. Rajengro liil 8:65

Un ap ko tsiro his kol bare diwessa, kai djiwenn i Israelitarja an patjengre khera. Un o Salomo khetne kol tsele Israelentsa rikran kol bare diwessa. His bud menshe kote khetne dran o tselo them, fun Lebo-Hamat bis pash koi tala mank Israel un Egiptia. Efta diwessa his le khetne glan maro baro Debleste, un koi pal pale efta diwessa. Kolla his khetne deesh-te-star diwessa.

1. Familjakro liil 13:5

Jaake mukas o David i tsele Israelitarjen khetne gole te dell, kotar, kai o pani Sihor hi an o them Egiptia, bis kotar, kai djal pash o foro Lebo-Hamat, te lenn le ko mochton o deesh labentsa o Deblestar dran o foro Kirjat-Jearim.

Jesaja 23:3

te ginenn le o djob un o gib, hoi an i tala Shihor pash o pani Nil bares was. Pral o baro pani anan le kowa pash tumende. O foro Sidon was i parepangro foro i menshenge dran bud themma.

Jeremia 2:18

Hoi hi tut kolestar, te djah an o them Egiptia, un kameh koi dran o pani Nil te pijell? Un hoi hi tut kolestar, te djah tu an o them Assur un kameh dran o pani Eufrat te pijell?

5. Mose 2:23

Un an i gaba pash o Mashkralstuno Baro Pani djiwan menshe, kai his kharedo Awarja. Pral lende wan Filistarja dran Kreta, un dan len mulo, un lan lengro them bis pash o foro Gaza. Un djiwan palle kote.

Josua 13:13

Kol menshen dran Geshur un Maacha tradan i Israelitarja gar krik. Doleske djiwenn jon gomme kau diwes mank i Israelitarjen.

Čačepangre 16:5

Kote djan i raja pral i Filistarja pash late, un penan ap late: “Rake leha shukar un hatse win, kai leskri bari soor wella, un har nai wah sorleder har job, te pandas les un tchiwas les tel maro wast. Un hakeno mendar dell tuke koleske 1.100 (jek-sero-jek-sheel) rupene beme.”

Čačepangre 3:3

I pantch raja pral i Filistarja, i tsele Kanaanitarja un i Sidonarja un i Hiwarja, kai ap i berge Libanon djiwan mank i berga Baal-Hermon un Lebo-Hamat.

1. Samuel 5:1

Un o mochton, kai o Debleskre deesh laba dren hi, his kanna an i wasta kol Filistarendar. Un jon lan les dran Eben-Eser un anan les an o foro Ashdod.

1. Samuel 5:10

Koi bitchran le o mochton, kai o Debleskre laba dren hi, an o foro Ekron. Un har ko mochton an o foro Ekron dren was, dan i menshe kote gole i darjatar un penan: “Jon anan o mochton o Israeleskro Deblestar pash mende, te marell lo men lauteren.”

1. Samuel 5:8

Un jon bitchran murshen an o tselo them Filistia un dan i tsele rajen khetne gole, un putchan lendar: “Hoi kras mer ko mochtoneha o Israeleskro Deblestar, kai leskre laba dren hi?” Kolla penan: “Anenn les an Gat.” Un jon hidjran les an o foro Gat.

1. Samuel 6:4

Un jon putchan: “Hoi hi kowa hoi mer hunte das leste, te well lauter pale mishto?” Jon penan: “Pantch raja hi an o them Filistia. Len un tumen hi o emligo nasslepen. Doleske krenn pantch sonakangre figure, hoi win dikenn har o dukepen, hoi ap tumaro mass was, ninna pantch sonakangre figure, hoi win dikenn har kol kermuse, kai chan tumaro them pre. Denn kolen o Israeleskro Debleste. Jaake sikrenn tumer leste, te djinenn, har baro job hi. Nai well, te lell lo peskro wast tumendar pale, ninna tumare deblendar un tumaro themestar.