Josua 12:7 - O Debleskro Drom 2021 (Sinte)

⁷ Har o Josua o pralstuno pral i Israelitarja his, kuran le pen kol bare rajentsa un lengre lurdentsa an ko them, hoi ap kai rig o panjestar Jordan tchiddo hi, kai o kham tele djal. Un i Israelitarja wan i sorleder, un lan kolengro them dren. Kau them hi tchiddo mank o foro Baal-Gad an i tala Libanon un i berga Halak, hoi pre djal pash i berge Seir. Un kau them, hoi jon dren lan, das o Josua i menshende dran i wawar khera, kai wan o Israeleskre tchawendar, haki familja peskro kotar,

O Debleskro Lab 2024 (Sinte-Manouche)

⁷ Har o Yosua o pralstouno pral i Israelitarya his, kouran le pen kol bare rayentsa oun lengre lourdentsa an ko them, hoy ap kay rig o panyestar Yordan čiddo hi, kay o kham tele djal. Oun i Israelitarya van i zorleder, oun lan kolengro them dren. Kava them hi čiddo mank o foro Baal-Gad an i tala Libanon oun i berga Halak, hoy pre djal pash i berge Seir. Oun kava them, hoy yon dren lan, das o Yosua i menshende dran i vavar khera, kay van o Israeleskre čavendar, haki familya peskro kotar,

Josua 12:7 Iomraidhean Croise

1. Mose 14:6

kol menshentsa ap i berge Seir, – kolla his i Horarja. Un jon dan len bis El-Paran, hoi pash o mulo tato them tchiddo hi.

1. Mose 32:3

Har o Jakob len dikas, penas lo: “Kate hi o Debleskri platsa.” Un das koi platsa ko lab: ‘Mahanajim’.

1. Mose 36:20

Har was o Esau peskre tchawentsa un lengre familje an ko them Edom, djiwan kote i Horarja. Lengro phuro dad his o Seir. Leskre tchawe his i raja pral i Horarja: o Lotan, o Shobal, o Zibon, o Ana, o Dishon, o Ezer un o Dishan.

1. Mose 36:8

Un o Esau, djiwas ap o pralstuno them, hoi kharella Seir. O Esau hi o Edom.

Debleskri gili 135:11

O Sihon, ko baro rai pral i Amorarja, un o Og, ko baro rai pral Bashan, un i tsele bare raja an o them Kanaan.

5. Mose 2:1

Koi pre stam pre un rissram men un djam pale an o mulo tato them ap o drom, hoi djal pash o Baro Lolo Pani, jaake har o baro Dewel kowa mange penas. I rah tsiro nasham trul kol berge Seir.

5. Mose 2:4

Un pen i menshenge Israel: Ap tumaro drom wenn tumer kanna an o them tumare phralendar, kol menshendar, kai wenn pal o Esau, un djiwenn ap i berge Seir. Un jon darenn tumendar. Jaake denn jak,

Josua 11:17

un o tselo them mank i berga Halak pash i berge Seir un o foro Baal-Gad an i tala mank i berge Libanon un i berga Hermon. Un lengre tsele bare rajen tapran le, un dan len mulo.

Josua 11:23

Un jaake har o baro Dewel ap o Mose penas, las o Josua o tselo them dren, un das les i Israelende. Hakeneste kol deesh-te-dui Israeleskre tchawendar das lo peskro kotar them, te wenn le kote khere. Un jon hunte djan buder gar an o kurepen.

Josua 3:17

Un i rashaja, kai o mochton hidjrenn, kai o Debleskre deesh laba dren hi, kolla atchan tardo mashkral an o pani Jordan ap i phub, hoi his buder gar sapeno, bis te djan i tsele Israelitarja ap i wawar rig.

Josua 9:1

Un kowa, hoi i Israelitarja kran, shunan i tsele bare raja, hoi ap i wawar rig o panjestar Jordan djiwan, an o pralstuno them un ninna an o telstuno them un pash o Baro Pani bis pash i berge Libanon. Kal bare raja his i raja pral o them Het, pral o them Amor, pral o them Kanaan, pral o them Peris, pral them Hiw un pral o them Jebus.