Josua 12:6 - O Debleskro Drom 2021 (Sinte)

⁶ Kalla his kol dui bare raja, kolentsa i Israelitarja pen kuran un i sorleder wan. Lengro pralstuno his o Mose, koles o baro Debleskro wast his. Un job das ko them i menshende dran i khera Ruben un Gad un kolen dran o paash kheer Manasse.

O Debleskro Lab 2024 (Sinte-Manouche)

⁶ Kalla his kol douy bare raya, kolentsa i Israelitarya pen kouran oun i zorleder van. Lengro pralstouno his o Mose, koles o baro Debleskro vast his. Oun yob das ko them i menshende dran i khera Ruben oun Gad oun kolen dran o paash kheer Manasse.

Josua 12:6 Iomraidhean Croise

1. Rajengro liil 4:19

O Geber, koleskro dad o Uri hi, job his o pralstuno pral o them Gilead, kai glan i tsiro o Sihon o rai his, ko baro rai pral i Amorarja, un o Og o baro rai pral Bashan his. Kokres jek mursh his o pralstuno pral kau them.

4. Mose 32:29

“Te djan i mursha dran o kheer Gad un dran o kheer Ruben tumentsa wergel o Jordan, un kurenn pen jaake rah glan o baro Debleste, bis te ko them tumenge hi, jaake denn lende ko them Gilead, te well kowa lenge.

4. Mose 32:32

Mer lah mare chare un djah glan o baro Debleste an o them Kanaan, te las maro kotar them kate ap kai rig o panjestar Jordan.”

4. Mose 32:33

Jaake das o Mose kol menshen dran o kheer Gad un dran o kheer Ruben un ko paash kol menshendar dran o kheer Manasse, kai o Josefeskro tchawo his, ko them, kai o Sihon o baro rai pral i Amorarja his un ko them, kai o Og o baro rai pral Bashan his. Job das len o tselo them un kol forja koi dren.

Josua 14:3

Kol menshen dran kol dui-te-paash wawar khera das o Mose pengro kotar them ap i wawar rig o panjestar Jordan. I Levitarjen das lo kek them.

Josua 18:7

I Levitarja lenn kek kotar them mashkral tumende. Lengro kotar hi, te nai wenn le rashaja o baro Debleske. Un i familje Gad un Ruben un i paash familja Manasse lan pengro kotar them ap i wawar rig o panjestar Jordan, ap koi rig, kai o kham pre djala. Kowa das len o Mose, koles o baro Debleskro wast his.”

Josua 22:4

Kanna kras tumaro baro Dewel, te nai lan tumare phralen lengro them ninna dren, un jon nai djiwenn kote an o latchepen, jaake har lo kowa lenge penas. Doleske rissrenn kanna trujel, un djan pash tumare plachtene khera an ko them, hoi tumenge dino was, te well lo tumenge – ko them, hoi das tumen o Mose, koles o baro Debleskro tchatcho wast his, ap i wawar rig o panjestar Jordan.