Josua 12:1 - O Debleskro Drom 2021 (Sinte)

¹ Un kalla hi kol bare raja, pral kolende i Israelitarja i sorleder wan, un lengre themma dren lan. Dui his i raja pral o them ap koi rig o panjestar Jordan, kai o kham pre djala, mank o pani Arnon un koi berga, hoi kharell Hermon, ninna pral koi tseli tala ap koi rig o panjestar Jordan, kai o kham pre djal.

O Debleskro Lab 2024 (Sinte-Manouche)

¹ Oun kalla hi kol bare raya, pral kolende i Israelitarya i zorleder van, oun lengre themma dren lan. Douy his i raya pral o them ap koy rig o panyestar Yordan, kay o kham pre djala, mank o pani Arnon oun koy berga, hoy kharell Hermon, ninna pral koy tseli tala ap koy rig o panyestar Yordan, kay o kham pre djal.

Josua 12:1 Iomraidhean Croise

1. Rajengro liil 4:19

O Geber, koleskro dad o Uri hi, job his o pralstuno pral o them Gilead, kai glan i tsiro o Sihon o rai his, ko baro rai pral i Amorarja, un o Og o baro rai pral Bashan his. Kokres jek mursh his o pralstuno pral kau them.

Debleskri gili 133:3

Kawa hi jaake har o taissarlakro pani, hoi i berga Hermon tele nashella ap i berge Zion! Kote kamell o baro Dewel peskri bacht te dell, un o djipen, hoi hako tsiro atchella.

Debleskri gili 136:21

Un das lengro them peskre menshende. Leskro latchepen atchella hako tsireske!

Debleskri gili 89:12

O bolepen, tiro hi lo, un i phub, tiri hi li, un tu kral lauter, hoi dren hi.

Jesaja 16:2

I bitchepangre te penenn leske: “I djuwja an Moab hi har tchirkle, kai krik tradedo wan dran lengro kheer. Pash o lengsto pani Arnon nashenn le kate te kote.

4. Mose 21:13

Kotar djan le dureder, un atchan i tsiro an ko mulo tato them pash o pani Arnon ap koi rig, kai o kham tato hi. O pani Arnon nashell mank o them Moab un o them, kai i Amorarja djiwenn.

4. Mose 21:21

Un o Israel bitchras murshen pash o baro rajeste pral i Amorarja, – kowa kharas Sihon, – un mukas leske te penell:

4. Mose 21:24

O Israel his sorleder un das les o chareha un las lestar ko them peske, hoi hi mank o pani Arnon un o pani Jabbok un djal bis pash o them, kai kol Ammonarja djiwenna. Ko them, kai i Ammonarja djiwan, djas bis pash o foro Jaser.

4. Mose 32:19

Mer kamah gar lentsa i kotar them te lell ap i wawar rig o panjestar Jordan. Maro them lah ap kai rig o panjestar Jordan, kai o kham pre djal.”

4. Mose 32:32

Mer lah mare chare un djah glan o baro Debleste an o them Kanaan, te las maro kotar them kate ap kai rig o panjestar Jordan.”

4. Mose 32:33

Jaake das o Mose kol menshen dran o kheer Gad un dran o kheer Ruben un ko paash kol menshendar dran o kheer Manasse, kai o Josefeskro tchawo his, ko them, kai o Sihon o baro rai pral i Amorarja his un ko them, kai o Og o baro rai pral Bashan his. Job das len o tselo them un kol forja koi dren.

5. Mose 2:24

Har djam win dran o them Moab, penas o baro Dewel ap mende: “Krenn tumen ap o drom, un djan pral ko lengsto pani Arnon! An tiro wast dom o baro rajes pral i Amorarja, o Sihon, kai djiwell an o foro Heshbon. Kurenn tumen leha, un lenn leskro them tumenge dren!

5. Mose 2:32

Un o Sihon djas win dran o foro peskre tsele lurdentsa, te kurenn le pen mentsa pash o foro Jahaz.

5. Mose 3:1

Kote rissram un lam o drom, hoi an o them Bashan pre djal. Un o Og, ko baro rai pral Bashan, djas win peskre tsele lurdentsa, te kurenn le pen mentsa pash o foro Edrei.

5. Mose 4:44

O Mose sikras i Israelenge o Debleskro drom.

5. Mose 4:46

An ko tsiro his le ap koi rig o panjestar Jordan, kai o kham pre djal, wergel o foro Bet-Peor an o them, kai his o Sihon o rai pral i Amorarja. Kowa djiwas an o foro Heshbon. Koles maran o Mose un i Israelitarja, har djan le dran o them Egiptia win.

5. Mose 4:48

Kau tselo them djas o forestar Aroer, hoi pash o lengsto pani Arnon tchiddo hi, bis pash i berga Sihon, hoi kharella ninna berga Hermon.

Josua 11:17

un o tselo them mank i berga Halak pash i berge Seir un o foro Baal-Gad an i tala mank i berge Libanon un i berga Hermon. Un lengre tsele bare rajen tapran le, un dan len mulo.

Josua 11:3

Ninna bitchras lo murshen pash i Kanaanitarja, kai djiwenn kote, kai o kham pre djala un kote, kai o kham tele djal pash i Amorarja, pash i Hetarja, pash i Perisarja, pash i Jebusarja ap i berge, pash i Hiwarja tele pash i berge Hermon an o them Mizpa.

Josua 13:8

Ko wawar paash kol familjendar dran o kheer Manasse, ninna kol familje dran i khera Ruben un Gad, jon lan pengro kotar them ap i wawar rig o panjestar Jordan, kote kai o kham pre djal. O Mose, koles o baro Debleskro tchatcho wast his, das len les kote:

Josua 22:4

Kanna kras tumaro baro Dewel, te nai lan tumare phralen lengro them ninna dren, un jon nai djiwenn kote an o latchepen, jaake har lo kowa lenge penas. Doleske rissrenn kanna trujel, un djan pash tumare plachtene khera an ko them, hoi tumenge dino was, te well lo tumenge – ko them, hoi das tumen o Mose, koles o baro Debleskro tchatcho wast his, ap i wawar rig o panjestar Jordan.

Čačepangre 11:18

Palle djan le an o mulo them, un trul o them Edom un o them Moab trujel. Un wan pash o them Moab koi rigjatar, kai o kham pre djala. Un jon tchiwan pengre plachtene khera pre ap i wawar rig o panjestar Arnon. Jaake wan le gar an o Moabengro them. O pani Arnon nashell mank Moab un o mulo them.