Josua 11:6 - O Debleskro Drom 2021 (Sinte)

⁶ Kote penas o baro Dewel ap o Josua: “Ma dare gar lendar! Taissar kau tsireske dan tumer len halauter mulo. Un kowa krau me tumenge. Palle tchinenn lengre grajen an i herja jaake te nai nashenn le buder gar! Un lengre wurdja chatchrenn pre!”

O Debleskro Lab 2024 (Sinte-Manouche)

⁶ Kote penas o baro Devel ap o Yosua: “Ma dare gar lendar! Taysar kava tsireske dan t'mer len halauter moulo. Oun kova krau me t'menge. Palle činenn lengre grayen an i herya yaake te nay nashenn le bouder gar! Oun lengre vourdya rhačrenn pre!”

Josua 11:6 Iomraidhean Croise

2. Samuel 8:4

Un pandas 1.700 (jek-sero-efta-sheel) klissepangre, un 20.000 (biish-serja) lurden, un kras i tsele grajen bango. Kokres sheel lendar mukas lo pral.

2. Rajengro liil 6:16

O Elisa penas: “Ma traash! Ap mari rig hi budeder lurde har ap lengri rig.”

2. Familjakro liil 20:16

Taissar djan tele pash lende! Te wenn jon pre ap o pralstuno drom pash Ziz, wenn tumer lentsa khetne kote, kai i tala pre herella, glan o mulo diwjo them Jeruel.

Debleskri gili 46:10

Ap o marepen penell lo: “Muk tele ap i tseli phub!” Kol kashta, kolentsa dan le karje, phagell lo khetne, un lengre chare dell lo paash, i kurepangre wurdja chatchrell lo pre.

Debleskri gili 46:11

“Mukenn tele”, dell lo gole, “un haiwenn, te hom me o Dewel. Me hom o pralstuno pral i menshende an i tsele themma, awa, o pralstuno pral i tseli phub.”

Debleskri gili 46:9

Awenn un dikenn ko baro koowa, hoi o baro Dewel kras! Dareno koowa krell lo ap i phub:

Gosewe laba 20:7

Kowa, kai an o tchatchepen tardo hi un o Debleskro drom gar mukell, bachtelo hi leskre tchawe, kai pal leste wenna.

Jesaja 30:16

Tumer penenn: “Na-a, ap graja kamah sik te klissell. Mare graja hi sik naashepangre.” Awa, tumer nashenn sik tumenge. Un kolla, kai tumen palla lenn, nashenn gomme sikeder.

Jesaja 31:1

Djungeles djal kolenge, kai djan tele pash i Egiptarjen, te mangenn le lendar, te wenn jon lenge ap i rig; un patsenn, kai kolengre graja un bud kurepaskre wurdja un kol sorele klissepangre len win lenn dran i tchilatche wasta. Un ap o Israeleskro Debleste, kai kokres o Dewel hi, dikenn le gar. Awa, pal o baro Debleste putchenn le gar!

Ezekiel 39:9

Un kolla, kai djiwenn an i forja an o them Israel, djan palle win, un lenn kol karmangre kol mule lurdendar khetne, un krenn jag un chatchrenn len, kol tikne un bare shilte, kol boge un faile, kol kashtene depangre un witsepaskre tchurja. Un kolentsa krenn le efta bersha pengri jag.

Hosea 14:3

Lenn kal laba tumentsa, un awenn pale pash o baro Debleste, un penenn leske: Le mari tseli doosh mendar krik, un shun maro mangepen! Palle kamah tut te sharell mare tchipjentsa.

Nahum 2:13

O lewo randas un tapras jaake bud viechen, te wan leskre tchawe un leskre romja tchalo. Leskro khatepen kras lo pherdo koleha, hoi lo randas un maras.

5. Mose 7:16

Tumer hunte marenn i tsele natsjone, hoi tumaro baro Dewel an tumare wasta dell. Jon hunte khaitenn tumen gar, un lengre deblen hunte mangenn gar an. Jon anans tumen an i bibacht.

Josua 10:8

Un o baro Dewel penas ap o Josua: “Ma traash lendar! An tiro wast dom me len. Kek mursh lendar nai atchell glan tute tardo.”

Josua 11:5

Un jon wan halauter khetne ap i platsa pash ko tikno pani, hoi kharella Merom, te kurenn le pen i Israelentsa.

Josua 11:7

Un o Josua peskre tsele lurdentsa was ap jek kopo pral lende, har jon kote pash o tikno pani, hoi Merom kharell, tardo his.

Josua 11:9

Un o Josua kras lentsa jaake har o baro Dewel kowa leske penas: lengre grajenge tchinas lo an i herja jaake te nai nashan le buder gar. Un lengre wurdja chatchras lo pre.

Josua 3:5

Un o Josua penas ap i menshende: “Krenn tumen djudjo o Debleske! Taissar krell o baro Dewel i baro koowa mashkral tumende.”

Čačepangre 7:9

Un an koi rat penas o baro Dewel ap o Gideon: “Ste pre, un dja tele kote, kai i Midianarja tchiddo hi! Me dom len an tiro wast.

1. Samuel 11:9

Un job penas ap kol bitchepangre: “Penenn tumare menshenge an o foro Jabesh: Taissar mashkral o diwes han buder gar dren pandlo.” Un kol bitchepangre djan khere, un penan lauter i murshenge an Jabesh, un kolla wan pale bachteles.