Josua 11:21 - O Debleskro Drom 2021 (Sinte)

²¹ An ko tsiro was o Josua peskre lurdentsa ninna pral i Anakarja, kai djiwan an o pralstuno them an i forja Hebron, Debir, Anab un an o tselo pralstuno them, koles o Juda un o Israel hi. Un job das len halauter mulo un chatchras lengre forja.

O Debleskro Lab 2024 (Sinte-Manouche)

²¹ An ko tsiro vas o Yosua peskre lourdentsa ninna pral i Anakarya, kay djivan an o pralstouno them an i forya Hebron, Debir, Anab oun an o tselo pralstouno them, koles o Youda oun o Israel hi. Oun yob das len halauter moulo oun rhačras lengre forya.

Josua 11:21 Iomraidhean Croise

Jeremia 3:23

Tchatchepah, har dam gole pal kol deblende ap kol berge, wan le gar ap mari rig. Kokres tu, maro baro Dewel, nai leh men tchatchepah win dran mari bibacht.

Jeremia 9:23

Koon kamell pes te sharell, kowa te sharell pes, kai job prindjrell man, un te haiwell job, kai me o baro Dewel hom. Me krau miro dji pre i menshenge, un krau, hoi tchatcho un mishto hi ap i phub. Sawo koowa hi mishto glan mire jaka. Kowa penau me, o baro Dewel.

Amos 2:9

Djinenn tumer gar, mire menshe, his tumenge, kai tradom i Amorarja glan tumende krik, kolen, kai his jaake baro un sorelo har ruka. Tchi atchas lendar pral.

4. Mose 13:33

Mer dikam kote ninna i Nefilim, kai hi bare menshe. Lengro phuro dad hi o Anak. Mer hams an mare jaka har stepangre, un jaake hams ninna an lengre jaka.”

5. Mose 1:28

Kai djas koi? Mare phrala kran mare djia darenes, har penan le ap mende: Kolla menshe hi sorleder un bareder har mer, lengre forja hi baro un lengre massurja djan pre bis pash o bolepen. Un ninna dikam mer o Anakarja kote!’

5. Mose 2:21

Kolla his bud un bare lengste menshe, jaake bares har i Anakarja. Un o baro Dewel tradas len krik dran o them glan i Ammonarja, te lenn kolla ko them un djiwenn palle koi dren.

5. Mose 9:2

I menshe kote hi baro un wenn kharedo ‘riese’. Tumer shunan, har lendar penlo was: Kek nai well sorleder har jon.

Josua 10:42

Un o Israeleskro baro Dewel his ap lengre rig. Jaake las o Josua kol tsele bare rajen un lengre themma ap jek kopo dren.

Debleskro tsiro 6:2

Un me dikom i parno grajes. Un kowa, kai pre beshdo hi, koles hi i bogo an o wast. Un les was i shereskro sonakai dino, hoi sikrella, te hi job sorleder har bud wawar bare raja. Un job djas win an o kurepen, un was sorleder har jon halauter.

Čačepangre 1:20

Un jon dan o foro Hebron o Kaleb, jaake har o Mose kowa lenge penas. Un job tradas kotar kol triin familjen win, kolengro phuro dad o Anak his.