Josua 11:16 - O Debleskro Drom 2021 (Sinte)

¹⁶ Un o Josua las o tselo them dren: o pralstuno them un halauter, hoi kote tchiddo hi, kai o kham pralstunes tardo hi, ninna o tselo them Gosen, un o telstuno them, un o them pash o pani Jordan,

O Debleskro Lab 2024 (Sinte-Manouche)

¹⁶ Oun o Yosua las o tselo them dren: o pralstouno them oun halauter, hoy kote čiddo hi, kay o kham pralstounes tardo hi, ninna o tselo them Gosen, oun o telstouno them, oun o them pash o pani Yordan,

Josua 11:16 Iomraidhean Croise

Debleskri gili 105:44

Job das len o them wawar menshendar, un halauter, hoi kolen his, das lo lende, te well kowa lengro.

Debleskri gili 78:55

Job tradas i tsele wawar menshen glan lende win, un das lengro them peskre menshende, hakeneste kol deesh-te-dui bare familjendar das lo lengro kotar, te well ko them lengro. An i plachtene khera kol wawar menshendar mukas lo i Israelitarjen te djiwell.

Ezekiel 17:23

Pral ap koi bari berga an o them Israel, kote tchiwau les an i phub. Un job lell bud kashta un hidjrell rukengre, un well i railo zedertikro ruk. Un an leste djiwenn bud tchirkle un hi khere mank leskre kashta.

Ezekiel 36:8

Tumer berge Israel, ap tumende wenn pale ruka baro un senelo, un hidjrenn rukengre mire menshenge Israel. Sik well ko tsiro, kai wenn le pale khere.

5. Mose 1:7

Stenn kanna pre un djan dureder pash i berge, kai i Amorarja djiwenn, un kote, kai kol Kanaanitarja djiwenn: an o telstuno them o panjestar Jordan, un an o pralstuno them, un an o diwjo them Shefelah un an o them Negev pash o baro pani bis pash i berge Libanon un o baro lengsto pani Eufrat.

Josua 10:40

Jaake las o Josua o tselo them dren: o pralstuno them, un o them, kai o kham pralstunes hi, ninna o telstuno them un o them ap i berge, – ko tselo them mank Kadesh-Barnea un Gaza, un mank Gosen un Gibeon. O Josua das i tsele bare rajen mulo, ninna lengre tsele menshen. Un job mukas kekes ap o djipen te atchell, jaake har penas leske o baro Dewel, – o Dewel pral o Israel.

Josua 11:15

Jaake penas o baro Dewel kowa ap o Mose, leskro budepaskro, te krell lo kowa. Un jaake penas o Mose les ap o Josua, te krell lo kowa ninna. Un o Josua rikras pes ap i tsele laba, hoi o baro Dewel o Moseske penas, un kras kowa jaake.

Josua 11:2

kol bare raja, kai djiwenn ap o nordetikro pralstuno them, kol bare raja, kai djiwenn tchatches o baro panjestar Kinneret pash o pani Jordan, kol bare raja, kai djiwenn an o telstuno them un pash o baro pani pash o foro Dor.

Josua 11:21

An ko tsiro was o Josua peskre lurdentsa ninna pral i Anakarja, kai djiwan an o pralstuno them an i forja Hebron, Debir, Anab un an o tselo pralstuno them, koles o Juda un o Israel hi. Un job das len halauter mulo un chatchras lengre forja.

Josua 12:8

an o pralstuno them, un an o telstuno them, an koi tala, kai o pani Jordan nashell, un an o them, hoi langs o panjeste pre djal, ninna an o diwjo them, un an o mulo them Negev. I menshe, kai kote djiwan, his i Hetarja, i Amorarja, i Kanaanitarja, i Perisarja, i Hiwarja un i Jebusarja.

Josua 9:1

Un kowa, hoi i Israelitarja kran, shunan i tsele bare raja, hoi ap i wawar rig o panjestar Jordan djiwan, an o pralstuno them un ninna an o telstuno them un pash o Baro Pani bis pash i berge Libanon. Kal bare raja his i raja pral o them Het, pral o them Amor, pral o them Kanaan, pral o them Peris, pral them Hiw un pral o them Jebus.