Josua 11:12 - O Debleskro Drom 2021 (Sinte)

¹² Ninna kol tsele wawar forja las o Josua dren un das kolen o chareha mulo, kai koi dren his, ninna lengre bare rajen. Kowa kras lo jaake har o Mose, o baro Debleskro budepaskro, leske penas.

O Debleskro Lab 2024 (Sinte-Manouche)

¹² Ninna kol tsele vavar forya las o Yosua dren oun das kolen o rhareha moulo, kay koy dren his, ninna lengre bare rayen. Kova kras lo yaake har o Mose, o baro Debleskro boudepaskro, leske penas.

Josua 11:12 Iomraidhean Croise

5. Mose 7:2

Te dell tumaro baro Dewel len an tumare wasta, un tumer denn len, palle hunte marenn len halauteren. Tumer hunte krenn gar lentsa win, te wenn lengre mala, un hunte sikrenn kek latchepen ap lende.

5. Mose 9:3

Doleske djinenn kau diwes, te djal tumaro baro Dewel glan tumende har i jag, hoi halauter pre chatchrell. Job dell len, te hunte nashenn le penge tumendar. Un tumer tradenn len win un denn len sik mulo. Jaake penas o baro Dewel kowa tumenge.

Josua 10:20

Un o Josua peskre murshentsa maran len jaake phares khetne, te atchan lendar buder gar bud. Un kolla, kai nashan nai penge, nashan an kol forja, kai pre-tchidde barra trul lende his.

Josua 10:28

Un ko diwes las o Josua ninna o foro Makkeda dren. Un o baro rajes un lauteren, kai an ko foro djiwan, das lo mulo, un mukas kekes djido. Un o baro rajeha pral o foro Makkeda, kras lo jaake har lo les ninna o baro rajeha pral o foro Jericho kras.

Josua 10:30

Un o baro Dewel das ninna kolen un lengro baro rajes an o Israeleskro wast. Un i Israelitarja dan len o chareha. Lauteren, kai an ko foro djiwan, dan le mulo, un mukan kekes krik te nashell. Un ko baro rajeha kran le jaake har o baro rajeha pral o foro Jericho.

Josua 10:32

Un o baro Dewel das o foro Lakish an o Israeleskro wast. Un ap o wawar diwes lan le o foro dren, un dan lauteren o chareha mulo, kai kote djiwan. Jaake har kran le an o foro Libna, kran le kate ninna.

Josua 10:35

Un jon lan ko foro gomme kau diwes dren. Un dan les o chareha. Un lauteren, kai dren djiwan, das lo mulo. Jaake har lo kowa o foreha Lakish kras, kras lo kate ninna.

Josua 10:37

un lan o foro dren, un dan o baro rajes un i tsele menshen o chareha mulo, ninna kolen, kai an i forja koi trujel djiwan. Un jon mukan kekes te nashell. Jaake har lo kowa an o foro Eglon kras, kras lo kate ninna.

Josua 11:13

Kal forja his tardo ap tikne berge, un i Israelitarja chatchran len gar pre. O foro Hazor kokres chatchras o Josua pre.

Josua 11:15

Jaake penas o baro Dewel kowa ap o Mose, leskro budepaskro, te krell lo kowa. Un jaake penas o Mose les ap o Josua, te krell lo kowa ninna. Un o Josua rikras pes ap i tsele laba, hoi o baro Dewel o Moseske penas, un kras kowa jaake.

Josua 13:6

un o pralstuno them mank i berge Libanon un o foro Misrefot-Majim. Kol tsele Sidonarja, kai kote djiwenn, kolen tradau me win glan kol Israelitarjen. Witse tu kol barra, hoi sikrenn, hawe Israelitarja hawo kotar them lenna, jaake har me tuke penom, te kress kowa.

Josua 21:44

Un o baro Dewel kras, te well len kek kurepen kol thementsa trul lende, jaake har lo pes glan lengre phurende sowel das, te krell lo kowa. Un kek, kai kamas pes lentsa te kurell, was sorleder har jon. Kolen lauteren das o baro Dewel an lengro wast.

Josua 8:31

Kowa kras lo jaake, har o Mose, o baro Debleskro budepaskro, ap i Israelitarja penas: “dran barra, hoi gar paash his un ap kolende kek sasteha dino was.” Kowa hi jaake tardo an o Moseskro liil, kai tchinlo hi, har i Israelitarja hunte djiwan. Un ap kol barra chatchran le viechen o baro Debleske, sawen, hoi wan tseles chatchedo, un ninna sawen, kai chan le khetne glan o Debleste.

Josua 8:8

Un te lan tumer o foro dren, palle chatchrenn les pre, jaake har o baro Dewel kowa penas. Denn jak, te krenn, hoi penom tumenge!”

Josua 9:24

Un jon penan ap o Josua: “Maro rai, mer shunam, te hi kowa tchatcho, te penas o baro Dewel ap o Mose, koles leskro tchatcho wast his, te dell lo tumen o tselo them, un te hunte wenn halauter mulo dino, hoi dren djiwenn. Doleske his men bari daar maro djipaske, un kram kawa jaake.