Josua 10:6 - O Debleskro Drom 2021 (Sinte)

⁶ Koi bitchran i Gibeonarja murshen pash o Josua ap koi platsa pash Gilgal, kai i Israelitarja hi, un mukan leske te penell: “Ma muk men kokres! Mer ham tire budepangre! Ab jaake sik har djala pash mende pre, un ab ap mari rig, te meras gar! I tsele bare raja pral i Amorarja, kai an o pralstuno them djiwenn, tchiwan pen khetne te kurenn le pen mentsa.”

O Debleskro Lab 2024 (Sinte-Manouche)

⁶ Koy bičran i Gibeonarya morshen pash o Yosua ap koy platsa pash Gilgal, kay i Israelitarya hi, oun moukan leske te penell: “Ma mouk men kokres! Mer ham tire boudepangre! Ab yaake sik har djala pash mende pre, oun ab ap mari rig, te meras gar! I tsele bare raya pral i Amorarya, kay an o pralstouno them djivenn, čivan pen khetne te kourenn le pen mentsa.”

Josua 10:6 Iomraidhean Croise

2. Rajengro liil 4:24

Un joi tchiwas i ledertikri plachta ap i burika, beshas pes pre, un penas ap o budepaskro: “Kre, te djal li jaake sik har djala, un muk gar tele, bis te penau les tuke!”

Debleskri gili 125:2

Jaake har i berge trul o foro Jerusalem hi, jaake hi o baro Dewel trul peskre menshende kanna un hako tsiro.

4. Mose 13:29

An o them Negev djiwenn i Amalekarja. An o pralstuno them djiwenn i Hetarja, i Jebusarja un i Amorarja. Pash o baro pani un pash o pani Jordan djiwenn i Kanaanitarja.”

Louka 1:39

Pal i tikno tsiro djas i Maria jaake sik har djala an i foro an o pralstuno them Judea.

5. Mose 1:15

Un me lom i pralstune murshen dran tumare bare familjen, gosewe un an-dikle murshen un tchiwom len pral tumende, te wenn le tumare tchatchepangre mursha. Jon wan pralstune pral 1.000 (jek sero), pral 100 (jek sheel) un pral 50 (i paash-sheel) un pral 10 (deesh).

Josua 10:5

Koi wan kol pantch bare raja pral i Amorarja khetne: kol bare raja pral i forja Jerusalem, Hebron, Jarmut, Lakish, un Eglon. Un lengre tsele lurde wan lentsa. Un jon djan khetne un tchiwan pen trul o foro Gibeon, te lenn le les dren un kuran pen lentsa.

Josua 10:7

Kote djas o Josua dran o foro Gilgal win. Un leskre tsele lurde, ninna i tsele tchatche kurepangre djan leha.

Josua 21:11

Kirjat-Arba, hoi his kharedo pal o mursheste Arba, kolestar i Anakarja wenn, un i phub trul o foro trujel, kai i vieche nai chan; kau foro hi kanna Hebron un hi tchiddo an i berge Juda.

Josua 5:10

Un har i Israelitarja pengre plachtene khera pre tchiwan pash Gilgal an o telstuno them, kai o foro Jericho tchiddo hi, kote chan le ap i rati ko chapen, hoi kharella ‘Passa’. Kowa his ap o deesh-te-starto diwes an ko tchon.

Josua 9:15

Un o Josua kras lentsa win, te well kek kurepen mashkral lende dujende. Un job das peskro wast koi pre, te mukell lo len te djiwell. Un i pralstune pral o Israel dan pen ninna sowel koi pre.

Josua 9:6

Un jaake djan le ap koi platsa an Gilgal, kai i Israelitarja un o Josua his, un penan ap leste un ap i Israelengre murshende: “Dran i them dur katar krik wah mer, te krenn tumer mentsa win, te krenn kek kurepen mentsa.”

Josua 9:8

Un jon penan ap o Josua: “Tire budepangre ham mer!” Un o Josua putchas: “Koon han tumer? Dran hawo them wenn tumer?”