Josua 10:21 - O Debleskro Drom 2021 (Sinte)

²¹ Pal kowa djan i tsele Israeleskre lurde pale pale pash o Josua ap lengre platsa pash Makkeda. Un kek lendar his dukedo. Un kek mensho an o tselo them kras buder o mui pre, te rakrell lo djungeles pral o Israel.

O Debleskro Lab 2024 (Sinte-Manouche)

²¹ Pal kova djan i tsele Israeleskre lourde pale pale pash o Yosua ap lengre platsa pash Makkeda. Oun kek lendar his doukedo. Oun kek mensho an o tselo them kras bouder o mouy pre, te rakrell lo djoungeles pral o Israel.

Josua 10:21 Iomraidhean Croise

2. Mose 11:7

Hi wawartchandes pash i Israelitarja. Kote dell kek djuklo gole, gar ap i mensheste, witar gar ap i viecheste. Jaake te dikenn un haiwenn tumer, te djinell o baro Dewel, koon Egiptari hi un koon Israelitari hi.

Jesaja 54:17

Kek charo, hoi kerdo was, te dell lo tut mulo, nai dukrell tut. Un hako kopo, kai jek tchomone ap tute pre anell, nai sikreh tu, kai job chochras. Kowa krau kolenge, kai mange budrenn. Un me sikrau, te hi jon an o tchatchepen, penell o baro Dewel.

Jesaja 57:4

Tumer san pral mande, un krenn tumaro mui bares pre, un sikrenn mange i tchip. Tumer han phukepangre un chochene!

Josua 10:20

Un o Josua peskre murshentsa maran len jaake phares khetne, te atchan lendar buder gar bud. Un kolla, kai nashan nai penge, nashan an kol forja, kai pre-tchidde barra trul lende his.

Josua 10:22

Un o Josua penas: “Lenn i barra krik glan koi grotta, un lenn kol pantch bare rajen win un anenn len pash mande!”