Josua 10:2 - O Debleskro Drom 2021 (Sinte)

² Kote tapran i menshe an o foro Jerusalem bari daar. O foro Gibeon his i baro foro, jaake baro har kol forja, kolen i baro rai his, un his bareder har o foro Ai his. Un lengre tsele mursha his tchatche kurepangre.

O Debleskro Lab 2024 (Sinte-Manouche)

² Kote tapran i menshe an o foro Yerusalem bari daar. O foro Gibeon his i baro foro, yaake baro har kol forya, kolen i baro ray his, oun his bareder har o foro Ai his. Oun lengre tsele morsha his čače kourepangre.

Josua 10:2 Iomraidhean Croise

2. Samuel 12:26

Jaake kuras pes o Joab un leskre lurde ko foreha Rabba, ko baro foreha kol Ammonendar, un las ko foro dren, kai lengro baro rai djiwell.

Gosewe laba 10:24

Kolestar i tchilatcho darell, kowa well pral leste. Un kowa, hoi i latche mangenna, kowa well lenge dino.

5. Mose 11:25

Kek nai atchell glan tumende tardo, Traash un daar mukell tumaro baro Dewel ap i menshende an o tselo them te well glan tumende, jaake har job les tumenge penas.

5. Mose 2:25

Kau diwesseha krau te darenn tumendar i menshe an hake themma. Koon tumendar shunella, trashell un trissell i darjatar.”

5. Mose 28:10

Palle dikenn le an i tsele themma ap i phub, te han o baro Debleskre wi-rodede menshe, un jon darenn tumendar.

Hebrearja 10:27

Na-a, job hunte trashell ko diwes, kai well o Debleskri choli pral i phub un i soreli jag pral kolende, kai kaman lestar tchi te djinell.

Hebrearja 10:31

Hawi bari phagi well pral kolende, ap lende o djido Dewel chojedo hi!

Josua 2:24

Un jon penan ap o Josua: “O baro Dewel das o tselo them an maro wast. Ninna halauter kolla, kai koi djiwenn, hi har bango darjatar glan mende.”

Josua 9:24

Un jon penan ap o Josua: “Maro rai, mer shunam, te hi kowa tchatcho, te penas o baro Dewel ap o Mose, koles leskro tchatcho wast his, te dell lo tumen o tselo them, un te hunte wenn halauter mulo dino, hoi dren djiwenn. Doleske his men bari daar maro djipaske, un kram kawa jaake.

Josua 9:3

Har shunan i menshe, kai an o foro Gibeon djiwenn, hoi o Josua kolentsa kras, kai an i forja Jericho un Ai djiwan,

1. Samuel 27:5

O David penas ap o Achish: “Te kameh tu mange latches te well, palle muk man an i foro ap o them te djal, te nai djiwap kote. Kowa hi mange doha. Hoske djiwap me, tiro budepaskro, pash tute an o rajeskro foro?”