Josua 10:16 - O Debleskro Drom 2021 (Sinte)

¹⁶ Har kol pantch bare raja penge nashan, khatran le pen an i grotta pash o foro Makkeda.

O Debleskro Lab 2024 (Sinte-Manouche)

¹⁶ Har kol panč bare raya penge nashan, khatran le pen an i grotta pash o foro Makkeda.

Josua 10:16 Iomraidhean Croise

Debleskri gili 68:12

O baro Dewel penas i lab; un bud djuwja nashan un penan ko shukar koowa, hoi djas:

Debleskri gili 68:13

“I bare raja nashenn penge, lengre lurde hi ap o naashepen, un kowa hoi jon hunte mukan tchiddo, hi budeder har bud. Un khere denn i djuwja hakenes kolestar.

Amos 9:2

Ninna te paskrenn le pen tele pash i mulende, lau len kotar pre. Ninna te djan le pre bis pash o bolepen, anau len tele.

Micha 7:17

Jon hunte tchiwenn pen ap i phub pengre mujentsa an i tchik har i sapa un i kirme. Un trisslepah wenn le win dran pengre sorele khera, un wenn glan tute, maro baro Debleste, bari darjah.

Josua 10:15

Pal kowa djas o Josua peskre tsele lurdentsa pale pash lengre platsa an Gilgal.

Josua 10:17

Koi wan mursha pash o Josua un penan leske: “Mer hatsam kol pantch bare rajen khatedo an i grotta pash Makkeda.”

Josua 10:5

Koi wan kol pantch bare raja pral i Amorarja khetne: kol bare raja pral i forja Jerusalem, Hebron, Jarmut, Lakish, un Eglon. Un lengre tsele lurde wan lentsa. Un jon djan khetne un tchiwan pen trul o foro Gibeon, te lenn le les dren un kuran pen lentsa.

Debleskro tsiro 6:15

Un i tsele menshe khatran pen: i raja pral i themma ap i phub, i bare un i brawele, i lurdengre pralstune un wawar pralstune, ninna i budepangre un lengre raja. Jon khatran pen an i phub, un mashkral i bare barra,

Čačepangre 6:2

Un kolengro wast was jaake soreles pral o Israel, te khatran pen i Israelitarja an i berge un djiwan an i grotte mank i bare barra un an sorele khera, hoi kran pen le an i berge.

1. Samuel 13:6

Har i Israelitarja dikan, har sorelo i Filistarja hi, tapras len i daar, un jon khatran pen an i phub, pal subjengre burra, mank bare barra, an grufte un panjengre chebja.

1. Samuel 24:3

Un o Saul las peske 3.000 (triin-serja) win rodede murshen dran o tselo them Israel, un djas lentsa koi, te rodell lo les. Un o David un leskre mursha his wergel kol bare barra, hoi kharenn busjengre barra.

1. Samuel 24:8

Un kal phare labentsa penas lo lenge, hoi tchatches hi. Un kekes mukas lo ap o Sauleste pre te djal. Un o Saul stas pre un djas win dran koi grotta, te djal lo peskro drom dureder.