Josua 10:13 - O Debleskro Drom 2021 (Sinte)

¹³ Kote djas o kham gar dureder un o tchon atchas tardo, jaake rah bis te i Israelitarja kolen lauteren maran, kai kuran pen lentsa. Un kawa hi tchinlo an o liil ‘Jashar’. Un o kham atchas mashkral o bolepen tardo, un djas gar sik tele, un atchas jaake tardo jek tselo diwes.

O Debleskro Lab 2024 (Sinte-Manouche)

¹³ Kote djas o kham gar doureder oun o čon ačas tardo, yaake rah bis te i Israelitarya kolen lauteren maran, kay kouran pen lentsa. Oun kava hi činlo an o liil Yashar. Oun o kham ačas mashkral o bolepen tardo, oun djas gar sik tele, oun ačas yaake tardo yek tselo dives.

Josua 10:13 Iomraidhean Croise

2. Samuel 1:18

Un penas, te well kol menshenge an o them Juda koi gili siklo, te haiwenn le lat giwell. I laba hi dren tchinlo an o liil ‘Jashar’. Un koi gili kharell bogeskri gili.

2. Rajengro liil 20:10

O Hiskija penas: “Hi gar jaake phares, te djal li deesh kotja glan. Kowa kamau me gar. Me kamau te djal li deesh kotja pale.”

Ester 8:13

Un an kol tsele themma hunte wan kal tchinle laba prindjedo kerdo, jaake te djinan i menshe kote, te krenn pen i bibolde soreles ko diweske, te djan le ap kolende, kai kamenn len te marell.

Hiob 9:7

Rakrell lo soreles ap o kham, djal o kham gar pre. Un i bolepangre momelentsa krell lo, te wenn le gar diklo.

Debleskri gili 148:3

Tumer, kham un tchon, sharenn les! Ninna tumer bolepangre momlia, sharenn les!

Debleskri gili 19:4

Kek labentsa rakrenn le. Un lengri gole well gar shunlo.

Jesaja 24:23

Un o tchon well lolo i ladjatar, un o kham ladjell pes un khatrell pes. O baro Dewel, ko rai pral o bolepen un i phub, well o baro rai ap i berga Zion an o foro Jerusalem. Un i phureder dikenn leskro railepen.

Jesaja 38:8

Dik ap i khameskri kambana, hoi mukas o Ahas te krell. O baro Dewel mukell i kambana deesh kotja pale te djal.” Un jaake kras les o kham ninna, un i kambana djas deesh kotja pale pale.

Joel 2:10

I phub un o bolepen trissenna glan lende, o kham un o tchon wenn kalo, un i bolepangre momlia chatchenn buder gar.

Habakuk 3:11

Un o tchon atchas tardo, har dal tire faile karje. Tiri sasterno witsepaskro tchuri was diklo har i jag.

4. Mose 21:14

Doleske hi tchinlo an ko liil, hoi o baro Debleskre lurdendar rakrell: “Ko foro Waheb an o them Sufa un ko pani Arnon,

4. Mose 31:2

“De kol Midianarjen ko tchilatchepen pale, hoi kran le ap i Israelitarjen! Un pal kowa well ko diwes, kai mereh tu.”

Mateo 24:29

Un sik pal kol tchilatche diwessa, well o kham kalo har i rat, un o moonto dikell kek buder. Un i bare momlia ap o bolepen perenn tele. Un i bolepaskri soor perell khetne.

Mateo 5:45

Jaake han tumer tchatchepah tchawe o baro Deblestar, kai hi tumaro dad an o bolepen. Job mukella o kham pre te djal kol tchilatchenge un kol latchenge. Un job dell brishin ap kolende, kai pal o tchatchepen djiwenna, ninna ap kolende, kai tchilatcho koowa krenna.

Louka 18:7

Har bud feteder hi o Dewel! Patsenn tumer gar, te well lo ap i rig peskre wi-rodede menshendar, kai diwes un rati ap leste gole denna? Awa, job well ap lengri rig un dell len lengro tchatchepen. Lell lo pes bud tsiro, te well lo ap lengri rig?

Bičepangre 2:20

O kham well kalo, un o tchon well lolo har o rat. Koi djinenn tumer, te well ko baro diwes sik, kai well o rai Jesus pale.

Josua 10:11

Un har i Amorarja glan i Israelitarja nashan ap o drom, hoi djal tele pash Bet-Horon, kote mukas o baro Dewel brishineskre barra dran o bolepen ap lende te perell ap o tselo drom bis pash Aseka, jaake te wan le i barrendar mulo dino. Un kol brishineskre barra maran budeder lendar har i Israelitarja o chareha mulo dan.

Josua 10:14

Un sawo diwes har kowa diwes das gar glan ko diwes un ninna buder gar pal ko diwes, kai shunas o baro Dewel jaake ap o rakepen jek menshestar. O baro Dewel kras kowa i menshenge Israel!

Debleskro tsiro 21:23

Pral o foro hi buder kek kham un kek tchon. O Debleskro railepen hi har o kham, un o terno bakro hi i momeli o foreske.

Debleskro tsiro 6:10

Un dan soreles gole un penan: “Baro Dewel un tchatcho rai, ab sik un rake i phagi win pral kolende ap i phub, kai maran men. De len ko tchilatchepen pale, hoi jon ap mende kran!”

Debleskro tsiro 6:12

Un me dikom, har o terno bakro i shobti dori pre pandas, hoi ko liil khetne rikras. Koi trissas i phub soreles. Un o kham was kalo har i kalo gono. Un o tselo tchon was lolo har o rat.

Debleskro tsiro 8:12

Un o starto bolepaskro phurdas an peskri phurdepaskri. Un o kham las i dap, un o triinto kotar lestar was kalo. Ninna o tchon un i wawar bolepangre momlia lan i dap. Un o triinto kotar lendar was kalo. Jaake chatchas o kham gar ap o triinto kotar ap o diwes, witar gar chatchan o tchon un i bolepangre momlia ap o triinto kotar an i rat.

Čačepangre 16:28

Kote das o Simson ap o baro Debleste gole un penas: “Baro Dewel, miro rai! Dik gomme jek kopo ap mande, un de man soor, mo Dewel, gomme kau jek kopo, te nai dap kal Filistarjen pale, hoi jon mire jakentsa kran.”

Čačepangre 5:2

Sharas o baro Debles! Tchatche mursha anan o Israel an o kurepen. Pendar win djan i kurepangre lentsa.