Josua 10:10 - O Debleskro Drom 2021 (Sinte)

¹⁰ Un o baro Dewel kras len jaake dareno, te nai maran len i Israelitarja phares pash o foro Gibeon. Un jon lan len palla ap ko drom tele pash o foro Bet-Horon, un maran len bis pash i forja Aseka un Makkeda.

O Debleskro Lab 2024 (Sinte-Manouche)

¹⁰ Oun o baro Devel kras len yaake dareno, te nay maran len i Israelitarya phares pash o foro Gibeon. Oun yon lan len palla ap ko drom tele pash o foro Bet-Horon, oun maran len bis pash i forya Aseka oun Makkeda.

Josua 10:10 Iomraidhean Croise

2. Samuel 22:15

Un job das jag karje dran o bolepen kate te kote, un tradas i wolke krik.

1. Rajengro liil 9:17

Un o Salomeskre budepangre tchiwan ko foro Geser pale pre, ninna ko telstuno kotar ko forestar, hoi kharas Bet-Horon,

2. Familjakro liil 14:12

Un o Asa un i tsele lurde, kai pash leste his, lan len palla bis pash o foro Gerar. Un i Kusharja wan jaake dino, te nai kurenn le pen buder gar. O baro Dewel kras, te wan le khetne dino leskre lurdendar dran Juda. Un kalla lan lendar bud kutch koowa pentsa.

2. Familjakro liil 25:13

Kol lurde, kolen o Amazja pale pale bitchras, te djan le gar an o kurepen leha un leskre lurdentsa, kolla djan win un peran an kol forja an o them Juda dren, kai hi mank o foro Samaria un o foro Bet-Horon. Un dan 3.000 (triin-serja) murshen temerl, un lan bud un kutch koowa pentsa.

Debleskri gili 18:14

Un o baro Dewel mukas o bolepen bari gole te dell, awa, o Dewel pral halauter mukas pes te shunell bari goljah.

Debleskri gili 44:3

Tu tradal tiro wasteha i wawar menshen win dran lengro them, un dal ko them mare phurende. Kol wawar menshen dal tu paash, te nai djiwan mare phure an ko them.

Debleskri gili 68:14

Kamenn tumer win ap o them pash i bakre te atchell? Kote hi tchomone tchiddo, hoi wi-dikell har i rupene un sonakangre tchirklengre mussja.”

Debleskri gili 78:55

Job tradas i tsele wawar menshen glan lende win, un das lengro them peskre menshende, hakeneste kol deesh-te-dui bare familjendar das lo lengro kotar, te well ko them lengro. An i plachtene khera kol wawar menshendar mukas lo i Israelitarjen te djiwell.

Jesaja 28:21

O baro Dewel stell pre, har kras lo pash i berga Perazim, un well chojedo har an i tala Gibeon, te krell lo lauter, hoi job peske glan las. Un kowa hoi job kanna krell, haiwenn tumer gar. Kowa well tumenge jaake glan, har te wals gar lestar.

Jesaja 30:30

Palle mukell o baro Dewel peskri bari soreli gole te shunell, un i menshe dikenna, har leskri mussi tele dell an i choli. Kote hi jag, hoi trul peste chal, un baro sorelo brishin, un i sorelo phurdepen un brishineskre barra.

Jeremia 34:7

An ko tsiro his i lurde o rajestar dran o them Babilonia tardo trul o foro Jerusalem un trul i forja Lakish un Aseka; kokres kal forja Lakish un Aseka his gomme gar dren lino kol tsele sorele forjendar an o them Juda.

Zakarie 14:3

Palle djal o baro Dewel win, te kurell job pes jaake kol lurdentsa dran i wawar themma, har kuras lo pes peskre menshenge an i phure tsirja.

5. Mose 7:23

Tumaro baro Dewel dell len an tire wasta un krell lenge dineles i darjatar, bis te halauter mulo dino hi.

Josua 10:11

Un har i Amorarja glan i Israelitarja nashan ap o drom, hoi djal tele pash Bet-Horon, kote mukas o baro Dewel brishineskre barra dran o bolepen ap lende te perell ap o tselo drom bis pash Aseka, jaake te wan le i barrendar mulo dino. Un kol brishineskre barra maran budeder lendar har i Israelitarja o chareha mulo dan.

Josua 10:28

Un ko diwes las o Josua ninna o foro Makkeda dren. Un o baro rajes un lauteren, kai an ko foro djiwan, das lo mulo, un mukas kekes djido. Un o baro rajeha pral o foro Makkeda, kras lo jaake har lo les ninna o baro rajeha pral o foro Jericho kras.

Josua 10:9

Un o Josua djas peskre murshentsa dran Gilgal i tseli rat, un was jaake sik pral i Amorarja, te nai haiwas kowa kek lendar.

Josua 11:8

Un o baro Dewel das len an o Israeleskro wast. Un jon dan len, un lan len palla bis pash ko baro foro Sidon un bis pash Misrefot-Majim un bis an ko telstuno them Mizpe kote kai o kham pre djala. Un jon maran len lauteren un mukan kekes krik te nashell.

Josua 12:16

Makkeda, Betel,

Josua 15:35

Jarmut, Adullam, Socho, Aseka,

Josua 15:41

Gederot, Bet-Dagon, Naama un Makkeda. Kolla his 16 (deesh-te-shob) forja, un koi pashel gomme lengre gaba.

Josua 16:3

un dureder ap koi rig, kai o kham tele djal, an ko them, kai i Jafletarja djiwenn, bis pash o telstuno foro Bet-Horon, un dureder bis pash o foro Geser, un fun kotar pash o Baro Pani.

Josua 16:5

Un kawa hi o them, hoi las o kheer Efrajim: Ap koi rig, kai o kham pre djal, djas o drom, hoi sikras, har dur o them djal, fun o forestar Atarot-Addar bis pash o pralstuno foro Bet-Horon,

Josua 21:22

Kibzajim un koi phub trul o foro, kai i vieche nai chan; Bet-Horon un koi phub trul o foro, kai i vieche nai chan.

Čačepangre 4:15

Un har djan le pengre charentsa ap o Sisera un ap leskre tsele wurdja un lurdende pre, kote kras o baro Dewel, te trashenn kolla jaake, te stas o Sisera peskro wurdin tele, un nashas peske.

Čačepangre 4:16

Un o Barak peskre murshentsa las kol wurdja un kol lurden palla bis pash o foro Haroshet-Gojim un das len lauteren mulo o chareha. Kek lendar atchas pral.

Čačepangre 5:20

Ninna i bolepangre momlia djan an o kurepen. Ap lengre dromma djan le ap o Sisera pre.

1. Samuel 13:18

Ap i wawar rig djan le ap o drom, hoi djal pash Bet-Horon, un pale ap i wawar rig djan le ap o drom an o them pal i tala Zebojim, kai o mulo tato them well.

1. Samuel 17:1

Un i Filistarja lan pengre lurden khetne pash o foro Socho an o them Juda. Un kolla tchiwan pengre plachtene khera pre mank o foro Socho un o foro Aseka pash o foro Efes-Dammin.