Josua 1:7 - O Debleskro Drom 2021 (Sinte)

⁷ Tu, ab soreles un ma traash, un rike tut ap mire tsele laba, hoi penas tuke o Mose, koles miro tchatcho wast his. Ma dja kolendar tele, gar ap i tchatchi rig un witar gar ap i serwi rig, te well halauter mishto, kai tu ninna djah.

O Debleskro Lab 2024 (Sinte-Manouche)

⁷ Tou, ab zoreles oun ma traash, oun rike tout ap mire tsele laba, hoy penas touke o Mose, koles miro čačo vast his. Ma dja kolendar tele, gar ap i čači rig oun vitar gar ap i servi rig, te vell halauter mishto, kay tou ninna djah.

Josua 1:7 Iomraidhean Croise

1. Rajengro liil 2:2

“Djinau, me hunte merap, har hako mensho hunte merell. Ab sorelo! Ab i mursh!

1. Rajengro liil 2:3

Djib tiro djipen glan tiro baro Debleste! Dja ap leskre dromma! Kre, hoi o Dewel tutar kamell, un rike tut ap leskre laba un ap leskro tchatchepen! Djib jaake, har job mende sikras an o Moseskre lila. Palle djal tuke halauter mishto, hoi kreh, un kai tu ninna djah.

2. Rajengro liil 22:2

Un job kras, hoi mishto hi glan o baro Debleskre jaka, un djas o drom, kai leskro phuro dad o David ninna djas, un peras gar kau dromestar tele, gar ap i tchatchi rig un witar gar ap i serwi rig.

1. Familjakro liil 22:13

Te rikreh tut ap kol laba, hoi o baro Dewel o Moseske penas, te djiwell o Israel koi pal, un kreh pal o Debleskro tchatchepen, palle djal tuke tiri budi mishto. Ab sorelo! Un ma traash! Ma dare tchi! Un ma traash kekestar!

2. Familjakro liil 15:7

Tumer, awenn sorelo, ma mukenn tumen daar te krell! O baro Dewel plaissrell tumen koleske, hoi krenn!”

2. Familjakro liil 26:5

Un job rodas o Debles, jaake rah har o Secharja djiwas. Kowa sikras leste, har nai djiwell lo o Debleha. Un jaake rah, har job o baro Debles rodas, mukas leske o Dewel halauter mishto te djal.

Hiob 1:8

Un o baro Dewel putchas o bengestar: “Dal tu ninna jak ap miro budepaskro, o Hiob? Kek wawar hi ap i phub, kai hi jaake har kowa. Job hi an o tchatchepen tardo, un kek doosh hi ap leste. Job mangell man an, un rikrell pes dur krik o tchilatchepastar.”

Debleskri gili 80:19

Jaake kamah mer gar tiri rigjatar te djal. Muk men te djiwell! Un mer dah tiro lab an-gole.

Gosewe laba 4:27

Dja gar tele kau dromestar, gar tchatches un gar serwes. Rike tire herja pale o tchilatcho dromestar!

Gosewe laba 8:20

Kote, kai i menshe ap o tchatcho drom djan, un an o tchatchepen tardo hi, kote hom me ninna,

Daniel 10:19

un penas: “Ma dare gar! Tu hal kutch o Debleske! Lauter te djal tuke mishto! Ab sorelo, ab sorelo!” Un har job mantsa rakras, wom me sorelo, un penom: “Miro rai, rake! Tu dal man soor.”

4. Mose 27:23

un tchiwas peskre wasta ap leste, un tchiwas les an peskri budi dren, jaake har o baro Dewel leske kowa penas.

5. Mose 11:8

Doleske rikrenn tumen ap i tsele laba, hoi tumenge kau diwes penau. Palle han soreles doha, te lenn ko them tumenge dren, an koleste kanna djan.

5. Mose 28:14

Tu tchiwess kek lab ap i rig, hoi tuke kau diwes penau. Tu djas gar tele leskro dromestar, gar tchatches un gar serwes. Un djas gar wawar deblenge palla, te mangess len an.

5. Mose 29:8

Doleske denn jak ap kal laba, hoi tumaro Dewel tumentsa win krell. Djiwenn pal lende, te djal tumenge halauter mishto, hoi tumer krenna.

5. Mose 29:9

Kau diwes han halauter glan tumaro baro Debleste tardo: I pralstune pral tumare bare familjende, tumare phureder un kolla, kai pral tumende penepaske hi, hake mursha,

5. Mose 31:7

O Mose das o Josua gole un penas ap leste glan i tsele Israelitarjen: “Ab sorelo un ma traash! Tu aneh kal menshen an ko them, kowa o baro Dewel pes sowel das glan lengre phurende, te dell lo les lende. Un tu deh halauterenge pengro kotar them.

5. Mose 4:2

Tchiwenn kek lab koi pashel, hoi me penom, te hunte krenn! Lenn ninna tchi kolestar krik, te rikrenn les gar. Rikrenn tumen ap i laba tumaro baro Deblestar, hoi me tumenge penau.

5. Mose 5:32

Kanna denn jak, te krenn halauter jaake, har tumaro baro Dewel kowa tumenge penas. Rikrenn leskre tsele laba. Tchiwenn kek lendar ap i rig.

Josua 1:1

Un har meras o Mose, koles o baro Debleskro tchatcho wast his, rakras o baro Dewel ap o Moseskro budepaskro, o Josua, koleskro dad o Nun his, un penas:

Josua 1:8

Pen tuke kol laba glan, hoi an ko liil tchinlo hi! Ap o diwes, har an i rat, muk len tuke an tiro shero trujel te djal, te rikress un kress halauter, hoi an ko liil tchinlo hi. Palle djal tuke halauter mishto, un kowa, hoi kreh, well mishto.

Josua 1:9

Penau tuke pale: Ab soreles! Un ma traash gar! Ma dare tchi! Un ma traash kekestar! O baro Dewel hi tiro Dewel un hi tuha, kai tu ninna djah.”

Josua 11:15

Jaake penas o baro Dewel kowa ap o Mose, leskro budepaskro, te krell lo kowa. Un jaake penas o Mose les ap o Josua, te krell lo kowa ninna. Un o Josua rikras pes ap i tsele laba, hoi o baro Dewel o Moseske penas, un kras kowa jaake.

Josua 23:6

Doleske rikrenn soreles ap halauter, hoi tchinlo hi an o Moseskre lila! Rikrenn leskre tsele laba! Tchiwenn kek lendar ap i rig!