Josua 1:6 - O Debleskro Drom 2021 (Sinte)

⁶ Ab soreles un ma traash! Tu dess kal menshen pengro them, kai me man sowel dom glan lengre phurende, te dap len kowa!

O Debleskro Lab 2024 (Sinte-Manouche)

⁶ Ab zoreles oun ma traash! Tou dess kal menshen pengro them, kay me man sovel dom glan lengre phourende, te dap len kova!

Josua 1:6 Iomraidhean Croise

1. Mose 12:7

Un o baro Dewel mukas pes o Abramestar te dikell, un penas ap leste: “Tire tchawen un kolengre tchawen un lauteren, kai pal tute wenna, kolen kamau kau them te dell.” Koi kras o Abram i chatchepaskri o baro Debleske, kai wenn vieche leske chatchedo – kote, kai o Dewel mukas pes lestar te dikell.

1. Mose 26:3

Atch i tsiro an kau them. Me hom pash tute, te tchiwap miri soor un miri bacht ap tute. Kalla tsele themma dau me tut un tire tchawen, kai pal tute wenna. Me rikrau miro lab, hoi dom tiro dadeste Abraham, un kai dom miro wast koi pre.

2. Samuel 10:12

Ma dare, te atchas mer gar kol sorleder! Kuras men mare menshenge un kol forjenge maro Deblestar! O baro Dewel krella, hoi mishto hi an leskre jaka.”

1. Rajengro liil 2:2

“Djinau, me hunte merap, har hako mensho hunte merell. Ab sorelo! Ab i mursh!

1. Familjakro liil 22:13

Te rikreh tut ap kol laba, hoi o baro Dewel o Moseske penas, te djiwell o Israel koi pal, un kreh pal o Debleskro tchatchepen, palle djal tuke tiri budi mishto. Ab sorelo! Un ma traash! Ma dare tchi! Un ma traash kekestar!

1. Familjakro liil 28:10

Doleske de tut jak, o baro Dewel rodas tut win, te kress i kheer leske. Ab sorelo, un kre tut ap i budi!”

1. Familjakro liil 28:20

Un o David penas ap peskro tchaweste, o Salomo: “Ab sorelo, ma traash un kre tut ap i budi! Ma dare tchi un ma traash kekestar! O baro Dewel, maro rai, kai miro Dewel hi, hi pash tute un well tuke ap i rig. Un job mukell tut gar, bis te tu kai tseli budi ap o baro Debleskro kheer kral.

2. Familjakro liil 15:7

Tumer, awenn sorelo, ma mukenn tumen daar te krell! O baro Dewel plaissrell tumen koleske, hoi krenn!”

2. Familjakro liil 20:11

Un kanna dik, har jon parkrenn pen pash mende! Jon wenn, te tradenn le men win dran tiro them, hoi mende dal.

2. Familjakro liil 20:7

Maro Dewel hal tu, un tradal kol tsele wawar menshen an kau them win glan mende, tire menshende Israel. Un dal kau them hako tsireske kol menshenge, kai wan o Abrahamestar, kai tiro maal his.

Debleskri gili 27:14

Rike tut ap o baro Debleste tiro tselo djijeha! Ab soreles, un ma traash, un rike tut ap o baro Debleste!

Daniel 10:19

un penas: “Ma dare gar! Tu hal kutch o Debleske! Lauter te djal tuke mishto! Ab sorelo, ab sorelo!” Un har job mantsa rakras, wom me sorelo, un penom: “Miro rai, rake! Tu dal man soor.”

Haggai 2:4

Kanna penell tumenge o baro Dewel: Awenn soreles, tu, Serubbabel, un tu Jeshua, un tumer halauter, un budrenn! Me hom tumentsa, penell o baro Dewel, ko rai pral o bolepen un i phub.

Zakarie 8:9

Kowa penell o baro Dewel, ko rai pral o bolepen un i phub: “Krenn tumare wasta soreles, tumer, kai kanna shunenn kal emlige laba, hoi mire rakepangre penan an ko tsiro, kai i telstune barra pre-tchiddo wan miro newo khereske!

4. Mose 26:53

“Tu dess hako khereske, kai well o Jakobeskre deesh-te-dui tchawendar, lengro kotar them pal kowa har bud jon hi, te well ko them lengro.

4. Mose 33:53

Un lenn ko them tumenge, un djiwenn kote dren. Kau them dom me tumende, te lenn kowa tumenge.

1. Korintarja 16:13

Denn garda, te atchenn an o patsepen! Ma trashenn! Atchenn soreles!

Efesarja 6:10

Ninna kamau tumenge te penell: Awenn soreles an o patsepen ap o rajeste, o Jesuseste! Les hi i bari soor tumenge.

5. Mose 1:21

Job das kau them an tumare wasta. Djan koi un lenn les dren, te well lo tumaro, jaake har penas tumenge o baro Dewel, ko Dewel, kones tumare phure an-mangan. Ma trashenn un mukenn tumenge kek daar te krell!”

5. Mose 1:8

Kau tselo them tchiwom me glan tumende, djan tumer koi, un lenn les tumenge dren! Kowa hi ko them, kolestar o baro Dewel tumare phurende, o Abrahameste un o Isaakeste un o Jakobeste pes sowel das, te dell lo les lende un lengre tchawende un kolende, kai pal lende wenna.

5. Mose 11:8

Doleske rikrenn tumen ap i tsele laba, hoi tumenge kau diwes penau. Palle han soreles doha, te lenn ko them tumenge dren, an koleste kanna djan.

5. Mose 31:23

Un o baro Dewel penas ap o Josua, koleskro dad o Nun his: “Ab sorelo un ma traash! Tu aness i Israelitarjen an ko them, koleske me man sowel dom, te anau len koi. Un me kamau tuha te well.”

2. Timoteo 2:1

Tu, miro tchawo Timoteo, wess soreles an o patsepen! O Jesus Kristo dell tut koi soor.

Josua 1:18

Un hakeno, kai gar ap tute shunell, un witar gar ap kol tsele laba, hoi tu menge peneh, te kras mer, kowa well mulo dino! Tu, ab soreles un ma traash!”

Josua 1:7

Tu, ab soreles un ma traash, un rike tut ap mire tsele laba, hoi penas tuke o Mose, koles miro tchatcho wast his. Ma dja kolendar tele, gar ap i tchatchi rig un witar gar ap i serwi rig, te well halauter mishto, kai tu ninna djah.

Josua 1:9

Penau tuke pale: Ab soreles! Un ma traash gar! Ma dare tchi! Un ma traash kekestar! O baro Dewel hi tiro Dewel un hi tuha, kai tu ninna djah.”

Josua 10:25

Un o Josua penas ap i pralstunende: “Ma darenn kekestar un tchi! Awenn soreles un ma trashenn! Jaake har kate dikenn, krell o baro Dewel lauterentsa, kai kurenn pen tumentsa.”

Josua 13:6

un o pralstuno them mank i berge Libanon un o foro Misrefot-Majim. Kol tsele Sidonarja, kai kote djiwenn, kolen tradau me win glan kol Israelitarjen. Witse tu kol barra, hoi sikrenn, hawe Israelitarja hawo kotar them lenna, jaake har me tuke penom, te kress kowa.

Josua 18:3

Kote penas o Josua ap i Israelitarja: “Har rah kamenn tumer kate beshdo atchenn, un djan gar win, te lenn o them dren, hoi das tumen o baro Dewel, kai o Dewel tumare phurendar hi?

Josua 21:43

Un jaake das o baro Dewel i Israelende o tselo them, har das lo pes glan lengre phurende sowel, te krell lo kowa. Un jon lan o them penge dren un djiwan koi.

1. Samuel 4:9

Awenn sorele tumer Filistarja! Kurenn tumen har tchatche mursha, te perenn gar an i Israelengre wasta! Te wenn jon i sorleder pral tumende, hunte budrenn tumer lenge jaake, har jon hunte budran menge. Awenn kanna mursha un kurenn tumen!”