Josua 1:4 - O Debleskro Drom 2021 (Sinte)

⁴ Ko tselo them mank kau mulo tato them un i berge Libanon, un mank o baro lengsto pani Eufrat un o baro pani, hoi kote hi, kai o kham tele djala, kowa well tumaro them. Ninna o them, kai i Hetarja djiwenna, well tumaro.

O Debleskro Lab 2024 (Sinte-Manouche)

⁴ Ko tselo them mank kava moulo tato them oun i berge Libanon, oun mank o baro lengsto pani Eufrat oun o baro pani, hoy kote hi, kay o kham tele djala, kova vell t'maro them. Ninna o them, kay i Hetarya djivenna, vell t'maro.

Josua 1:4 Iomraidhean Croise

1. Rajengro liil 10:29

Un jon anan wurdja dran o them Egiptia, jekeske plaissran le 600 (shob-sheel) rupene beme. Un jek grajeske plaissran le 150 (sheel-te-paash) rupene beme. Un palle bikran le lendar dureder ap i rajende pral i Hetarja un ap i rajende pral o them Syria.

1. Familjakro liil 18:3

O David kuras pes ninna o baro rajeha pral o them Zoba. Leskro lab his Hadad-Eser. Har o Hadad-Eser koi djas, te lell lo o them pash ko pani Eufrat dren, was o David peskre lurdentsa, un das les un leskre lurden pash o foro Hamat.

1. Familjakro liil 5:9

Un kote, kai o kham pre djala djiwan le bis an o mulo them dren, hoi pash o lengsto pani Eufrat tchiddo hi. Len his bud vieche an o tselo them Gilead.

Esra 4:20

Ninna his sorele bare raja an o foro Jerusalem, kai his i raja pral halauter, hoi ap i wawar rig o panjestar Eufrat djiwella, jaake kai was lenge hunte themeskre lowe dino, ninna foreskre lowe un wawar koowa.

2. Mose 23:31

Un me penau, har bares tiro them wella. Job djal fun ko Baro Lolo Pani bis pash ko baro pani, kai i Filistarja djiwenn, un fun o mulo tato them bis pash o lengsto pani Eufrat. Kolla, hoi kote djiwenna, dau an tiro wast, te tradenn tumer len dran o them win.

5. Mose 1:7

Stenn kanna pre un djan dureder pash i berge, kai i Amorarja djiwenn, un kote, kai kol Kanaanitarja djiwenn: an o telstuno them o panjestar Jordan, un an o pralstuno them, un an o diwjo them Shefelah un an o them Negev pash o baro pani bis pash i berge Libanon un o baro lengsto pani Eufrat.

5. Mose 11:24

Hako kotar phub ap koleste tumare pire stakrenn, hi tumenge, o tselo them mank o mulo tato them un i berge Libanon, un mank o lengsto pani Eufrat un o Mashkralstuno Baro Pani.

5. Mose 3:25

Mangau tut, muk man pral o pani Jordan wergel te djal un ko latcho them te dikell, hoi kote hi, kol shukar berge un o Libanon.”

Debleskro tsiro 9:14

Un ko rakepen penas ap ko shobto bolepaskro, kai hi les koi phurdepaskri an o wast: “Muk kol star bolepangre te djal, kai pash o baro pani Eufrat pandlo hi! Kre lengre shelle pre!”