Josua 1:17 - O Debleskro Drom 2021 (Sinte)

¹⁷ Jaake har mer ap o Mose shunam, jaake shunah mer ap tute. Mu well o baro Dewel, kai tiro Dewel hi, jaake tuha, har lo o Moseha his!

O Debleskro Lab 2024 (Sinte-Manouche)

¹⁷ Yaake har mer ap o Mose shounam, yaake shounah mer ap toute. Mou vell o baro Devel, kay tiro Devel hi, yaake touha, har lo o Moseha his!

Josua 1:17 Iomraidhean Croise

2. Samuel 14:17

Tchatchepah, miro rai, me penom mange: Kowa, hoi o baro rai penell, hi mange mishto. Job hi har i Debleskro bolepaskro, kai djinella, hoi latcho un hoi tchilatcho hi. Tiro baro Dewel mu atchell tuha!”

1. Rajengro liil 1:37

Har o baro Dewel miro baro rajeha his, jaake te well job o Salomeha. Mu well o tchawo gomme bareder har leskro dad!”

1. Familjakro liil 28:20

Un o David penas ap peskro tchaweste, o Salomo: “Ab sorelo, ma traash un kre tut ap i budi! Ma dare tchi un ma traash kekestar! O baro Dewel, maro rai, kai miro Dewel hi, hi pash tute un well tuke ap i rig. Un job mukell tut gar, bis te tu kai tseli budi ap o baro Debleskro kheer kral.

Debleskri gili 20:1

I gili o rajeske pral i gipangre. O David kras kai gili.

Debleskri gili 20:4

Mu bistrell lo kek latcho koowa, hoi tu leske anal, un dikell latches ap kol viechen, hoi tu leske chatchral!

Debleskri gili 20:9

Jon hi kolla, kai phagenn khetne un perenn. Mer atchah tardo un dah gar palla.

4. Mose 27:18

Un o baro Dewel penas ap o Moseste: “Le o Josua pash tute, koleskro dad o Nun hi. O Josua hi i mursh, ap koleste miro ducho tchiddo hi. Un tchip tire wasta ap leste,

4. Mose 27:20

Un de les tiro tchatcho wast, te shunenn i tsele Israelitarja ap leste.

Mateo 21:9

Un kol bud menshe, kai djan glan leste un pal leste, dan bari gole: “Sharas o Davideskro tchawes! Sharedo well kowa, koles o Dewel bitchras. Sharas o Debles an o bolepen!”

5. Mose 34:9

Un o Josua, koleskro dad o Nun his, was pherdo goswepen. Kowa was, har tchiwas o Mose peskre wasta ap leste. Un i Israelitarja shunan ap leste un kran jaake har o baro Dewel o Moseske penas, te hunte krenn le.

Josua 1:16

Un jon penan ap o Josua: “Lauter, hoi tu penal te kras, kowa krah mer! Un kai tu men bitchreh, kote djah mer!

Josua 1:18

Un hakeno, kai gar ap tute shunell, un witar gar ap kol tsele laba, hoi tu menge peneh, te kras mer, kowa well mulo dino! Tu, ab soreles un ma traash!”

Josua 1:5

Kek nai well sorleder har tu, jaake rah har tu djiweh. Jaake har me o Moseha homs, jaake wau me tuha. Me mukau tut gar, un me djau gar tutar.

Josua 1:9

Penau tuke pale: Ab soreles! Un ma traash gar! Ma dare tchi! Un ma traash kekestar! O baro Dewel hi tiro Dewel un hi tuha, kai tu ninna djah.”

Josua 4:14

Un ap ko diwes kras o baro Dewel o Josua bares glan i jaka kol tsele menshendar Israel. Un an leskro tselo djipen dikan le pre ap leste, jaake har le kowa ninna o Moseha kran.

1. Samuel 17:37

Un pale penas o David: “O baro Dewel, kai las man win dran o leweskre mussja un dran o bereskre mussja, kowa lell man ninna win dran i wasta kau Filistarestar.” Un o Saul penas ap o David: “Dja koi, o baro Dewel djal tuha!”

1. Samuel 20:13

Te kamals miro dad tuke tchilatchepen te krell, un me penoms tuke kowa gar, palle nai dell man o baro Dewel mulo. Palle mukau me tut te djal, jaake te nai djah tu an o latchepen. Un o baro Dewel mu well jaake ap tiri rig, har job ap miro dadeskri rig his.