Joel 2:19 - O Debleskro Drom 2021 (Sinte)

¹⁹ Job penell lenge: Tchatchepah, me bitchrau tumen djob, mool un djet jaake bud, te nai chan tumen tchalo. Un i menshe dran wawar themma nai praassenn tumen buder gar.

O Debleskro Lab 2024 (Sinte-Manouche)

¹⁹ Yob penell lenge: Čačepah, me bičrau t'men djob, mool oun djet yaake boud, te nay rhan t'men čalo. Oun i menshe dran vavar themma nay praasenn t'men bouder gar.

Joel 2:19 Iomraidhean Croise

Jeremia 31:12

Jon wenna pral ap i berga Zion, un denn gole i bachtjatar, un wenn bachteles pral kowa, hoi o baro Dewel len dell: djob, mool, djet un terne bakre un grumja. Lengre djia wenn sorelo har i garta, kolat hako tsiro doha pani hi. Un lenge hi buder gar ropaske.

Ezekiel 34:29

Me krau lengro them, te well lo i shukar baar, hoi hi prindjedo ko latchepaske, hoi kote baro well. Kek lendar hunte bokell buder gar. Un i menshenge an wawar themma hi le buder gar sapaske.

Ezekiel 36:15

Me krau, te shuness buder gar o praassepen kolendar dran wawar themma, un hunte ladjess tut buder gar glan lende. Tu kreh buder gar, te hi tumare menshen buder kek tchawe. Kawa penell o baro Dewel, maro rai.

Ezekiel 36:29

Un me lau tumen win dran ko tselo koowa, hoi kras tumen pale-tchiddo. Un o djob mukau pale bares un bud te well, un mukau buder kek bok pral tumende te well.

Ezekiel 36:30

Me krau, te anenn i ruka bud rukengre. Un kowa hoi ap i phub pre djal, well bud un budeder. I menshe dran wawar themma nai san buder gar pral tumende, doleske, kai hi tumen tchi te chal.

Ezekiel 39:29

Me tchorau miro ducho win ap o kheer Israel, un mukau len buder gar. Kawa penell o baro Dewel, maro rai.

Hosea 2:15

Me dau lat i phagi hako diweske, kai nashas li peskre pirnenge palla, kol chochene deblenge, un chatchras sungepaskro koowa lenge, un tchiwas kanengre un werklia ap peste; te krell li pes shukar lenge. Un man bistras li! Kowa penell o baro Dewel.

Hosea 2:21

Israel, tu weh miri romni hako tsireske. Me djau tuha trujel, har mishto un tchatcho hi. Me hom latches ap tute, un krau miro dji pre tuke.

Hosea 2:22

Me atchau hako tsiro pash tute. Un tu prindjreh man, o baro Debles.

Joel 1:10

O hachetikri phub hi pherde barra, un tchi well buder baro koi pre. O djob hi paash, i molengre drake un i djetengre drake meran tele.

Joel 2:24

te wenn i djobengre khera pherdo djob, un budeder har doha mool un djet koi hi.

3. Mose 26:5

Ko tsiro kai tumer o djob win denn, djal bis te well ko tsiro, kai tchinenn i drake tele. Un ko tsiro, kai tchinenn i drake tele, djal bis te well ko tsiro, kai witsrenn o djob pale win an i phub. Un tumen well budeder har doha chapen. Kek krell tumenge tchilatchepen.

Zakarie 8:12

Na-a, kanna nai witsrenn le djob an i phub kek darjah. I drakengre ruka hidjrenn drake, i phub anell senlepen win, un o bolepen dell brishin. Un kolenge, kai pral atchan kal menshendar, dau kowa lauter, te atchell kowa lenge.

Mateo 6:33

Mukenn o Debles o rai pral tumende te well, un krenn lauter, hoi job kamella! Un o Dewel dell tumen lauter, hoi tumen hunte well djipaske.

5. Mose 11:14

Palle dell job o brishin ap tumaro them an peskro tsiro, an o nijal un an o wend, te nai anenn tumaro djob dren, ninna tumari mool un djet.

Ruth 1:6

Un joi shunas, te kras o baro Dewel peskro dji pre peskre menshenge an o them Juda, un das len maro. Koi las li peskro koowa khetne, te djal li peskre tchawengre romjentsa dran o them Moab pale pale.