Joel 2:17 - O Debleskro Drom 2021 (Sinte)

¹⁷ Penenn i rashajenge, kai budrenn o baro Debleske, te rowenn le ap i platsa mank o Debleskro kheer un leskri chatchepaskri, un penenn: Baro Dewel, kre tiro dji pre tire menshenge! Ma muk i menshen dran wawar themma men te praassell un sanell pral mende. Hoske te penenn le: ‘Kai hi lengro Dewel?’

O Debleskro Lab 2024 (Sinte-Manouche)

¹⁷ Penenn i rashayenge, kay boudrenn o baro Debleske, te rovenn le ap i platsa mank o Debleskro kheer oun leskri rhačepaskri, oun penenn: Baro Devel, kre tiro dji pre tire menshenge! Ma mouk i menshen dran vavar themma men te praasell oun sanell pral mende. Hoske te penenn le: Kay hi lengro Devel?

Joel 2:17 Iomraidhean Croise

1. Rajengro liil 6:3

Un job mukas i glanstuni halla glan o kheer te krell: Koja his jaake buchlo har ko kheer, deesh metarja, un pantch metarja lengsto.

1. Rajengro liil 9:7

palle tradau me i Israelitarjen win dran lengro them, hoi me len dom. Un ko kheer, hoi mange win rodom, te wap kote an-mangedo, kolestar kamau tchi buder te djinell. Un i menshe an i tsele wawar themma rakrenn un sanenn pral o Israel.

2. Familjakro liil 7:20

palle tradau me i Israelitarjen win dran lengro them, hoi me len dom. Un kau kheer, hoi mange win rodom, te wap kote an-mangedo, kolestar kamau tchi buder te djinell. Un i menshe an i tsele wawar themma rakrenn un sanenn pral leste.

2. Familjakro liil 8:12

Kau tsireha anas o Salomo viechen o baro Debleske, kai wan chatchedo ap koi chatchepaskri, hoi kran leskre budepangre glan o baro Debleskro kheer.

Nehemia 9:36

Dik, men hi kau diwes raja pral mende; an ko them, hoi tu mare phuren dal, te chan le ko tselo latcho koowa, an kau them hi men wawar raja pral mende.

Debleskri gili 115:2

Hoske penenn i wawar menshe: “Kai hi lengro Dewel?”

Debleskri gili 42:10

Me penau ap miro Debleste, kai hi mange har i sorelo kheer, kai nai khatrau man: Hoske bistral tu man? Hoske hunte rowap me? Kolla djan ap mande, kai mange o djipen phares krenna.

Debleskri gili 42:11

Jon sanenn pral mande un putchenn mandar hako diwes: “Kai hi tiro Dewel? Kai atchell lo?” Lengro praassepen hi mange har i merepaskro dukepen an mire kokale.

Debleskri gili 42:3

Awa, man hi trush pal o Debleste, pal ko djido Debleste. Kaana nai wau glan tute an tiro kheer, te dikap tut?

Debleskri gili 42:4

I wawar penenn ap mande hako diwes: “Kai hi tiro Dewel?” Doleske rowau o tselo diwes un haki rati; mire swa wan miro pipen.

Debleskri gili 74:10

Miro Dewel, har rah mukeh tu len pal tute te sal? Mukeh tu len hako tsiro tiro lab te praassell?

Debleskri gili 79:10

Hoske nai penenn i wawar menshe: ‘Kai hi tumaro Dewel?’ Muk men te dikell, har tu len khetne stakreh koleske, kai maran le tire budepangre!

Debleskri gili 79:4

Mer ham praassedo kolenge, kai trul mende djiwenn, ham lenge sapaske, un jon rikrenn men dineleske.

Debleskri gili 89:41

Leskro foro kral tu paash, un kol bare sorele khera dal an kotja paash.

Debleskri gili 89:51

Ma biste koi ladj, hoi hi ap mande, tiro budepaskro! Dik, har hidjrau ko tselo praassepen kolendar, kai tut gar prindjrenna.

2. Mose 34:9

“Miro rai, te dikeh tu latches ap mande, palle dja mentsa, ninna te djan kal menshe pal pengro shero. Biste mari doosh un ko tchilatcho koowa, hoi kram, un muk men pale tire menshe te well.”

Jesaja 22:12

Un ap ko diwes das o baro Dewel, ko rai pral o bolepen un i phub gole: “Rowenn un denn gole, tchinenn tumenge i balla tele, un riwenn tumen an ripja dran gone, te sikrenn, kai khaitell tumen tumari doosh!”

Jesaja 37:20

Kanna, maro baro Dewel, le men win dran o wast o baro rajestar pral o them Assur, te nai dikenn un haiwenn i menshe an i tsele themma ap kai phub, kai tu, baro Dewel, kokres o Dewel hal.”

Ezekiel 20:9

Palle krom kowa gar, te nai rakrenn kol wawar menshe gar djungeles pral mande, mank kolende jon his, un glan kolende me penom, te hom o Israeleskro Dewel, un te anap len win dran o them Egiptia.

Ezekiel 8:16

Un job anas man dren ap koi tikni platsa glan o baro Debleskro kheer. Un glan o wudar o kherestar mashkral i glanstuni halla un i sasterni chatchepaskri his 25 (biish-te-pantch) mursha tardo. Kolla rissran pengre dume khatar o baro Debleskro kheer, un dikan ap koi rig, kai o kham pre djal. Un jon mukan pen ap i phub te perell, un mangan o kham an.

Hosea 14:2

Tu Israel, dja pale pash o baro Debleste, ko tiro Dewel hi! Koi doosh, hoi ap tute anal, mukas tut an i bibacht te perell.

Joel 1:13

Tumer rashaja, kai han tardo pash o Debleskri chatchepaskri, riwenn tumen an gone, un denn gole i bibachtjatar! Ninna ratsjake riwenn ko gono gar win, tumer, kai budrenn miro Debleske! Hi kek djob koi un kek mool, hoi nai anans tumaro Debleske an leskro kheer.

Joel 1:9

Djob un mool hi buder gar koi, hoi nai wals dino o baro Debleste an leskro kheer. I rashajenge hi ropaske. Len hi buder tchi, te anenn le o baro Debleske.

Amos 7:2

An miro dikepen dikom, har kaman i stepangre o tselo senlepen te chal an o them. Koi penom: “Baro Dewel, maro rai, ma dik ap mari doosh! Har nai well o Jakobeskro kheer pale ap i herja, kai jaake tikno hi.”

Amos 7:5

Koi penom: “Baro Dewel, maro rai, muk tele! Har nai well o Jakobeskro kheer pale ap i herja, kai jaake tikno hi.”

Micha 7:10

Kolla, kai rikrenn man tele un putchenn mandar ‘kai hi tiro baro Dewel’, jon hunte dikenn kowa, un hunte ladjenn. Un mire jaka dikenn, har le khetne stakedo wenna, har tchik ap i drom.

Maleachi 1:9

Kanna nai mangenn lestar, tumer rashaja, – jaake bud har kamenn, te well lo menge latches! Hoi djal an tumaro shero glan? Sau koowa kran, un tumer patsenn, te well lo tumenge latches! ‘Na-a’, penell o baro Dewel, ko rai pral o bolepen un i phub.

4. Mose 25:6

Un i tsele Israelitarja his tchiddo o ropah glan o Debleskro plachteno kheer. Koi anas i mursh dran Israel i Midianetsa an o plachteno kheer peskri familjatar. Un o Mose un i tsele israelitarja dikan kowa.

Mateo 23:35

Tumer han tchilatcho har tumare phure. Jon maran i latche menshen jaake rah har i phub tardo hi: O latcho mursh Abel was maredo glan i tsele wawar menshende. Pal leste maran le wawar latche menshen bis ap ko tsiro, kai o Zachari maredo was, koleskro dad his o Barachi. O Zachares maran tumer mashkral o Debleskro kheer un i sasterni chatchepaskri, kai i vieche o Debleske chatchedo wenna. Doleske well i phagi ap tumende, kai kanna djiwenna.

Mateo 27:43

Job patsas o Debles, un penas: Me hom o Debleskro tchawo. Te kamell o Dewel les o djijestar, mu well lo, un lell les kanna kau trushelestar tele!”

5. Mose 28:37

Te dikenn i menshe an i themma, hoi trul tumende hi, har tumenge djal, atchell lenge o rakepen krik i trashatar pral kowa. Un jon rakrenn un sanenn pral tumende.

Josua 7:9

I Kanaanitarja un halauter, kai an kau them djiwenn, kolenge penenn le kowa. Un hakeno shunell kowa! Un palle wenn le un denn men mulo. Hoi kameh tu palle te krell, te atchell tiro lab baro?”