Joel 2:16 - O Debleskro Drom 2021 (Sinte)

¹⁶ Kharenn i menshen khetne, un thowenn tumen jaake har glan tchinlo hi, te wenn djudjo glan o Debleste. Awenn halauter khetne, tumer phure, tchawe un ternepen! O bijabeskro te djal dran peskri isema, un leskri pirni dran kolakri.

O Debleskro Lab 2024 (Sinte-Manouche)

¹⁶ Kharenn i menshen khetne, oun thovenn t'men yaake har glan činlo hi, te venn djoudjo glan o Debleste. Avenn halauter khetne, t'mer phoure, čave oun ternepen! O biyabeskro te djal dran peskri isema, oun leskri pirni dran kolakri.

Joel 2:16 Iomraidhean Croise

2. Familjakro liil 20:13

Un i tsele mursha dran o them Juda, ninna lengre tchawe un djuwja pengre tikne tchawentsa, halauter his tardo glan o baro Debleste.

2. Familjakro liil 29:5

Un penas ap lende: “Murshale dran o kheer Levi, shunenn mire laba! Krenn tumen kanna djudjo o baro Debleske, un krenn leskro kheer pale djudjo leske, kai o Dewel tumare phurendar hi! Un witsrenn ko tselo koowa win, hoi kras kau kheer pale-tchiddo.

2. Familjakro liil 30:17

Bud kolendar, kai khetne wan, kran pen gar djudjo glan kal diwessa. Jaake nai maran le penge gar i terno bakro. Doleske maran i Levitarja i bakren lenge. Jaake nai dikas o baro Dewel latches ap kol bakre.

2. Familjakro liil 35:6

Te wenn jon pengre bakrentsa, marenn tumer kol terne bakre o chapaske Passa! Krenn tumen djudjo o Debleske! Un krenn o masseha jaake, har glan tchinlo hi, te nai krenn tumare phrala halauter jaake, har o baro Dewel o Moseske penas.”

Hiob 1:5

Un har kol diwessa trujel his, kai le chan un pijan, palle bitchras o Hiob pash lende, te wenn le pash leste. Un job stas sik taissarlakro pre, un maras hakeneske lendar i viecho, un chatchras les o Debleske, te well lengri doosh krik lino. Job penas peske: Nai djals, te lan mire mursh tchawe doosh ap pende, un rakran djungeles pral o Debleste an pengre djia. Un jaake kras o Hiob pal hako baro chapen, hoi leskre mursh tchawe kran.

Debleskri gili 19:5

Lengro rakepen djal an hako them, un well shunlo ap i tseli phub. O Dewel kras i kheer o khameske an o bolepen.

2. Mose 19:10

Un o baro Dewel penas ap o Mose: “Dja pash lende un pen lenge, te krenn le pen djudjo mange kau diwes un taissar, te thowenn le pengre koola.

2. Mose 19:15

Un job penas: “Rikrenn tumen djudjo o triinto diweske! Un kek mursh taprell an kau tsiro peskri romjat an!”

2. Mose 19:22

Ninna i rashaja, hoi wenn glan mande, hunte krenn pen djudjo mange, te merenn le gar!”

Joel 1:14

Denn i menshen khetne gole! Penenn, te chan le tchi, te sikrenn le, kai lengri doosh len khaitell. Mukenn i phureden un i tsele menshen an kau them pash o baro Debleskro kheer te well! Job hi tumaro Dewel. Denn ap leste gole!

Mateo 21:16

un penan ap leste: “Shuneh tu, hoi kol tchawe kote penenna?” “Awa,” penas o Jesus ap lende, “me shunau len. Djinenn tumer gar, hoi an o Debleskro lab tchinlo hi: Tu, o Dewel, kral, te sharenn tut i tchawe un i terne.”

Mateo 9:15

Penas o Jesus ap lende: “Jaake rah har o bijabeskro ap i bijab hi, hi peskre mala bachtelo. Ko tsiro wella, kai well o bijabeskro lendar lino. Ap ko tsiro chan le un pijenn le tchi, te mangenn le o Debles an.

1. Korintarja 7:5

Kek tumendar te rikrell pes kol wawarestar pale! Tumer nai rikrenn tumen i tikno tsiro pale, te kamenn tumer dui kowa, te mangenn o Debles an. Un pal kowa awenn pale khetne har rom un romni! Te krenn tumer kowa gar, palle nai well, te han buder gar o rai pral tumende un perenn an o bengeskro wast.

Josua 7:13

Ste pre, un kre, te wenn i menshe pale erligo glan mande! Pen lenge: Krenn tumen djudjo, te nai wenn glan o Debleste taissarlake! Me, o baro Dewel, hom o Israeleskro Dewel un penau tumenge: Mank tumende, tumer Israelitarja, hi tchomone, hoi miro hi. Doleske nai wenn tumer buder gar sorelo pral kolende, kai kurenn pen tumentsa, jaake rah, har anan tumer ko koowa gar dran tumende krik.

Josua 8:35

Un his kek lab, hoi mukas o Josua gar win te kharell kol tsele labendar, hoi o Mose penas. Un i tsele Israelitarja, ninna i djuwja un tchawe un wi-themarja mank lende shunan kowa.

1. Samuel 16:5

“Awa”, penas lo. “Me hom kai, te anap o baro Debleske i vieches. Krenn kowa, hoi glan tchinlo hi, te wenn djudjo o Debleske! Un awenn mantsa, te chas mer o vieches, hoi anom o Debleske.” Un job kras ap o Isai un leskre tchawende kowa, hoi glan tchinlo hi, te wenn le djudjo o Debleske, un penas: “Awenn mantsa, te chas mer o vieches, hoi dau o Debleske.”