Joel 2:12 - O Debleskro Drom 2021 (Sinte)

¹² “Ninna kanna”, penell o baro Dewel, “nai mukenn tumaro tchilatcho drom un wenn pash mande. Awenn tumaro tselo djijeha, chan tchi un rowenn, denn gole i bibachtjatar!

O Debleskro Lab 2024 (Sinte-Manouche)

¹² “Ninna kanna”, penell o baro Devel, “nay moukenn t'maro čilačo drom oun venn pash mande. Avenn t'maro tselo djiyeha, rhan či oun rovenn, denn gole i bibarhtyatar!

Joel 2:12 Iomraidhean Croise

2. Samuel 24:10

Un o Davideskro dji djas sikeder har job kol tsele murshen an i liil pre-tchinas. Un o David penas ap o baro Debleste: “Kowa his i bari doosh, hoi anom ap mande. Me krom i tchilatcho koowa. Un kanna mangau tut, baro Dewel, le mange koi doosh krik!”

2. Familjakro liil 30:6

Un o baro rai un i pralstune dan i bitchepangren i lila an o wast. Un kolla nashan an o tselo them Israel un Juda, un dan win gole jaake har o baro rai lenge penas: “Tumer Israelitarja, kai pral atchan un win lino wan dran i wasta kol bare rajendar pral o them Assur, awenn pale pash o baro Debleste, ko Dewel tumare phurendar, o Abraham, o Isaak un o Israel! Palle well job pale pash tumende.

2. Familjakro liil 6:27

palle shun tu an o bolepen, un le ko tselo tchilatchepen krik, hoi jon un lengre raja kran. Sike lenge tiro latcho drom, te nai nashenn le ap leste! Un palle de len pale o brishin ap ko them, hoi tu lenge dal, te well lo lengro.

Ester 4:16

“Dja koi un de i tsele bibolden an o foro Susa khetne gole! Chan un pijenn triin diwessa tchi, gar ap o diwes, witar gar an i rati. Krenn kowa mange, te dikell o Dewel latches ap mande! Un me un kol djuwja, kai mange budrenn, mer kamah kowa ninna jaake te krell. Un pal kowa kamau pash o baro rajeste dren te djal, ninna te hi khatar o tchinlo lab. Un te denn le man mulo, palle denn le man mulo.”

2. Mose 33:5

Jaake kran le, hoi o baro Dewel o Moseske penas. Leske penas lo: “Pen ap i Israelitarja: Tumer djiwenn pal tumaro shero un kamenn gar te shunell. Te woms me tumentsa i tikno tsiro ap o drom, doms me tumen mulo. Tchiwenn kanna tumaro sonakai un rup tele! Pal kowa kamau me dikell, hoi tumentsa krau.”

Jesaja 22:12

Un ap ko diwes das o baro Dewel, ko rai pral o bolepen un i phub gole: “Rowenn un denn gole, tchinenn tumenge i balla tele, un riwenn tumen an ripja dran gone, te sikrenn, kai khaitell tumen tumari doosh!”

Jesaja 58:4

Ap ko diwes, kai chan mange tchi, tchingrenn tumen un kurenn tumen, un denn i tchilatcho wasteha dren. An kau tsiro, kai chan mange tchi un krenn sawo tchilatcho koowa, nai wenn tumer gar shunlo an o bolepen.

Jeremia 3:22

Awenn pale pale, tumer kai djan tumenge mandar! Un me kamau lauter bistrell, hoi kran. Dik, mer wah pash tute. Tu hal o baro Dewel, maro rai.

Jeremia 36:7

Nai well, te mukenn le pengro tchilatcho drom un mangenn pen tele glan o baro Debleste un wenn pale ap leskro drom. Palle nai rikrell o baro Dewel peskri bari choli pale, hoi les ap kal menshende hi, un hunte dell len gar koi phari phagi, kolah lo len trad das.

Jeremia 4:1

O baro Dewel penell: Tumer Israelitarja, te kamenn tumaro tchilatcho drom te mukell, palle awenn pash mande! Te lenn tumer kol djungele deblen glan mire jaka krik, hunte nashenn buder gar jek rigjatar ap i wawar.

Jeremia 4:2

Te denn tumen sowel un penenn: Me dau man sowel pash o djido Debleste … un tumer chochenn gar koi pashel, un rikrenn tumaro lab, palle putchenn mandar i menshe an i wawar themma, te tchiwap miri bacht ap lende, un jon sharenn pen, kai prindjrenn jon man.

Ezekiel 33:11

Pen ap lende: O baro Dewel, maro rai penell: Me dau man sowel pash miro djipen: Mange hi gar shukar, te merell o tchilatcho mensho. Na-a me kamaus, te djal lo peskro tchilatcho dromestar tele, un djiwell lo! Doleske, djan tele tumare tchilatche dromendar! Hoske kamenn tumer te merell, tumer dran o kheer Israel?

Daniel 9:3

Un me dikom pre pash o Debleste, miro rajeste, un rodom les un mangom les ropah, chom tchi un riwom man an i gono, un witsrom jagakri tchik pral mande.

Hosea 12:6

job, o rai pral o bolepen un i phub, leskro lab hi ‘baro Dewel’.

Hosea 12:7

Tumer Israelitarja, awenn pale pash tumaro Debleste! Krenn, hoi latcho un tchatcho hi! Hako tsiro rikrenn tumen ap tumaro Debleste!

Hosea 14:1

I menshe an o foro Samaria lenn pengri phagi. Jon mukan pen tchi te penell pengro Deblestar. Doleske wenn le o chareha maredo. Un lengre tikne tchawe wenn mulo dino. Un i djuwja, kai lenn i tchawo, wenn pre tchinle.

Hosea 6:1

Awenn, te djas pale pash o baro Debleste! Job dukas men, un job krell men pale sasto. Job das men dawa, un job pandell men pale khetne.

Joel 1:13

Tumer rashaja, kai han tardo pash o Debleskri chatchepaskri, riwenn tumen an gone, un denn gole i bibachtjatar! Ninna ratsjake riwenn ko gono gar win, tumer, kai budrenn miro Debleske! Hi kek djob koi un kek mool, hoi nai anans tumaro Debleske an leskro kheer.

Zakarie 7:5

“Pen i tsele menshenge an o them un kol rashajenge: Har chan tumer tchi un dan gole ropah an o pantchto tchon un an o eftato tchon an kal efta-deesh bersha, kran tumer kowa mange? Na-a!

Maleachi 1:9

Kanna nai mangenn lestar, tumer rashaja, – jaake bud har kamenn, te well lo menge latches! Hoi djal an tumaro shero glan? Sau koowa kran, un tumer patsenn, te well lo tumenge latches! ‘Na-a’, penell o baro Dewel, ko rai pral o bolepen un i phub.

Bičepangre 26:20

Me djom an o foro Damaskus, un palle an ko foro Jerusalem. Un i tsiro koi pre djom an ko them Judea. Un pal kowa djom pash kolende, kai kek bibolde hi, un penom lauterenge, te mukenn le pengro tchilatcho drom, un te djan le ap o Debleskro drom, un te djiwenn le jaake, kai i wawar dikenna, kai jon pengro phuro djipen mukan.

Čačepangre 2:4

Un har o baro Debleskro bolepaskro kowa lauter ap i Israelitarja penas, koi rowan le soreles.

Čačepangre 20:26

Pale djan i tsele lurde dran Israel pre an o foro Betel, un rowan un dan gole glan o baro Debleste. Un chan tchi un pijan tchi ko tselo diwes bis i rat was. Un jon chatchran viechen o baro Debleske, sawe kai wan tseles chatchedo un sawe, kai chan le khetne glan o baro Debleste.

1. Samuel 7:3

Kote penas o Samuel ap lende: “Te kamenn tumer tumaro tselo djijeha pale ap o baro Debleskro drom te djal, palle tchiwenn i chochene deblen tumendar krik, ninna i debletsa Astarte! Patsenn ap o baro Debleste, un mangenn les kokres an un kek wawares! Palle lell job tumen win dran i wasta i Filistarendar.”

1. Samuel 7:6

Un jon wan khetne an Mizpa. Kote lan le pani, un tchoran les glan o baro Debleste win. Un ap ko diwes chan le tchi, te dikell o baro Dewel ap lende. Un jon penan: “Mer anam doosh ap mende glan o baro Debleste.” Un kote an Mizpa was o Samuel lengro tchatchepaskro rai.