Joel 2:11 - O Debleskro Drom 2021 (Sinte)

¹¹ O baro Dewel dell bari gole glan peskre kurepangre, te penell lo len, hoi te krenn le. Bud bud hi le un len hi bari soor, un krenn, hoi lo lenge penell. Awa, o diwes o baro Deblestar hi baro un pherdi traash. Koon nai rikrell les win?

O Debleskro Lab 2024 (Sinte-Manouche)

¹¹ O baro Devel dell bari gole glan peskre kourepangre, te penell lo len, hoy te krenn le. Boud boud hi le oun len hi bari zoor, oun krenn, hoy lo lenge penell. Ava, o dives o baro Deblestar hi baro oun pherdi traash. Koon nay rikrell les vin?

Joel 2:11 Iomraidhean Croise

Debleskri gili 18:14

Un o baro Dewel mukas o bolepen bari gole te dell, awa, o Dewel pral halauter mukas pes te shunell bari goljah.

Debleskri gili 46:6

O Dewel hi mashkral leste, doleske perell o foro gar khetne. O Dewel well ap leskri rig sik taissarlakro.

Debleskri gili 68:18

Bud serja wurdja hi o Debles. Lentsa was lo ap i berga Sinai, un djal dren an peskro kheer.

Jesaja 13:4

Shunenn i bari gole ap i berge har bud bud menshendar! Shunenn koi bari gole, hoi denn i menshe dran bud themma, kai kate khetne wan. O baro Dewel, ko rai pral o bolepen un i phub, anell peskre lurden o marepaske khetne.

Jesaja 42:13

O baro Dewel djal win an o kurepen har i sorelo mursh; un kurell pes har i kurepaskro, koleskro dji pherdo hi, te djal lo an o marepen. Soreles dell lo o kurepaskri gole, un kek darjah djal lo win ap kolende, kai kurenn pen leha.

Jesaja 7:18

An ko tsiro phurdell o baro Dewel an i tikni phurdepaskri: Un lurde wenna dran o them Egiptia har matsille, un dran o them Assur har biene.

Jeremia 25:30

Tu Jeremia, hunte peness lenge kal tsele laba, hoi penom. Pen lenge ninna: O baro Dewel dell gole dran o bolepen, un mukell peskri soreli gole te shunell dran peskro bolepaskro kheer. Job dell bares gole har i lewo, un well shunlo an peskro tselo them; Job dell gole har ko mursh, kai stakrell ap peskre drake, te well i mool win. Leskri gole well shunlo ap i tseli phub.

Jeremia 30:7

Awa, hawo djungelo diwes wella, i diwes, hoi hi har kek wawar! Ko tsiro hi pherdi daar o Jakobeskre tchawenge; jon nai djinenn, te wenn le win lino dran kowa lauter.

Jeremia 50:34

O diwes well, kai lau len kote win, me hom sorelo. Me, o baro Dewel, ko rai pral o bolepen un i phub, lau lengro koowa an miro wast, un lau o kurepen krik i phubjatar, Pral i menshende an o them Babilonia anau traash.

Ezekiel 22:14

Tchatchepah, an kol diwessa, kai djau khatar tumende, atchenn tumare djia gar soreles, un tumer nai hadenn buder gar tumare wasta! Me, o baro Dewel, rakrom, un hoi penom, krau me ninna.

Joel 1:15

Hawo bibachtelo tsiro! O diwes, kai o baro Debleskri choli well, hi buder gar dur. Ap ko diwes anell o sorelo Dewel bari bibacht pral mende.

Joel 1:6

Bud bud stepangre peran an maro them dren. Len hi danda har lewen hi.

Joel 2:1

Phurdenn an i phurdepangre! Denn bares gole ap miri berga, koi berga Zion! Trashenn, tumer lauter, kai djiwenn an o them Juda! O diwes o baro Deblestar wella sik!

Joel 2:2

Kowa hi i kalo diwes, i tamlo diwes, pherde wolke. Jaake sik har o kham pre djal pral i berge, wenn bud bud lurde pral o them, kolla hi jaake sorelo un jaake bud, har gomme gar koi his, un witar buder gar wella an kek tsiro.

Joel 2:25

Un me dau tumen kol bersha pale, hoi nashran, har i bud stepangre lauter chan. Me homs, kai kolen lauteren mank tumende bitchrom.

Amos 1:2

O Amos penas: O baro Dewel dell bari gole i berga Zion pral tele. Leskri gole hi har i gole, hoi i lewo della, un well shunlo dran Jerusalem. O bakrengro them well truk, un o khass ap i berga Karmel well djelto.

Amos 5:18

Djungeles djal kolenge, kai penenn: O baro Debleskro diwes te well sik! Hoi patsenn tumer, hoi palle well? Ko diwes anell tumenge kali rat un kek momeli!

Amos 5:20

Awa, o baro Debleskro diwes anell tamlepen un kek momlia. I kalo diwes hi lo – kalo har i rat.

Obadja 1:15

O diwes well sik, kai well miri choli pral i tsele themma ap kai phub, penell o baro Dewel. Jaake har tu kral, jaake well tuke kerdo. Kowa hoi tu kral, well ap tiro shero pale.

Nahum 1:6

Koon nai atchell tardo glan leskri choli? Koon nai atchell djido, te well lo chojedo? Leskri choli chatchell har i jag. Ninna i berge phagenn an kotja glan leste.

Maleachi 3:2

Koon tumendar nai rikrell ko diwes win, job te wella? Un koon tumendar nai atchell glan leste tardo, job te mukell pes te dikell? Job hi har i soreli sapuni un har i jag, hoi chatchell i tchik an o saster krik.

4. Mose 24:23

Un job rakras pale un penas kal laba: “Koon atchell djido ap ko tsiro, kai krell o Dewel kowa?

1. Tessalonikarja 4:16

Ap ko diwes, kai well maro rai Jesus tele dran o bolepen, shunah, har jek gole della. O Debleskro pralstuno bolepaskro dell bari gole, un jek phurdell an o Debleskri bashepaskri. Palle stenn kol mule pre, kai patsan ap o Jesus Kristeste.

Debleskro tsiro 18:8

Doleske well i tseli bari bibacht ap jek kopo pral ko foro: merepen, ropen, un bok. Un i jag chatchrella ko foro pre. Sorelo hi o Dewel, maro rai, kai rakrell pral i menshen an o foro o tchatchepen win, un dell len i tchatchi phagi.

Debleskro tsiro 6:17

Ko baro diwes was, kai lengri choli ap mende wella. Un kek nashte nashell lengri choljatar krik.”