Joel 1:18 - O Debleskro Drom 2021 (Sinte)

¹⁸ I grumja denn gole i bokatar, un nashenn trujel un hatsenn kek khass. Ninna i bakre bokenna.

O Debleskro Lab 2024 (Sinte-Manouche)

¹⁸ I groumya denn gole i bokatar, oun nashenn trouyel oun hatsenn kek khass. Ninna i bakre bokenna.

Joel 1:18 Iomraidhean Croise

1. Rajengro liil 18:5

Un o Ahab penas ap o Obadja: “Mer djas an o tselo them trujel, pash hake panja, tikne un lengste, un rodas senlepen, te nai atchenn i graja un i maultikre burike djido, un kek vieche merenn hunte.”

1. Rajengro liil 8:5

Un o rai Salomo un i tsele Israelitarja, kai wan khetne pash leste glan ko mochton, maran un chatchran bakren un grumjen o Debleske, jaake bud, kai kek djinas, har bud kolla his.

Jeremia 12:4

I rah tsiro hi kau them kek brishineha, un ko tselo senlepen meras tele. I vieche un i tchirkle meran. Kowa lauter was dran o tchilatchepen kol menshendar, kai kate djiwenn. Jon penenna: O Dewel dikell gar, hoi krah.

Hosea 4:3

Doleske trushell o them, un i menshe merenn; ninna i diwje vieche, i tchirkle un i matche hunte merenn.

Joel 1:20

Ninna i diwje vieche denn gole ap tute. Kek pani nashell un well dran i phub, un i jag chatchras o khass an o diwjo them.

Amos 1:2

O Amos penas: O baro Dewel dell bari gole i berga Zion pral tele. Leskri gole hi har i gole, hoi i lewo della, un well shunlo dran Jerusalem. O bakrengro them well truk, un o khass ap i berga Karmel well djelto.

Habakuk 3:17

O faigetikro ruk hi gomme gar senelo, un ap i drakengre ruka hi kek drake. O djeteskro ruk hidjrell kek djeteskre drake. un ap i hachetikri phub well kek djob baro. Kek bakre hi win, un kek grumja hi tarde an i stanja.

Haggai 1:10

Doleske well dran o bolepen kek pani, un dran i phub well kek senlepen.

Remarja 8:22

Mer djinah, halauter, hoi o Dewel kras, rowell un dell gole i dukatar bis kau diwes.