Joel 1:14 - O Debleskro Drom 2021 (Sinte)

¹⁴ Denn i menshen khetne gole! Penenn, te chan le tchi, te sikrenn le, kai lengri doosh len khaitell. Mukenn i phureden un i tsele menshen an kau them pash o baro Debleskro kheer te well! Job hi tumaro Dewel. Denn ap leste gole!

O Debleskro Lab 2024 (Sinte-Manouche)

¹⁴ Denn i menshen khetne gole! Penenn, te rhan le či, te sikrenn le, kay lengri doosh len khaytell. Moukenn i phoureden oun i tsele menshen an kava them pash o baro Debleskro kheer te vell! Yob hi t'maro Devel. Denn ap leste gole!

Joel 1:14 Iomraidhean Croise

2. Rajengro liil 10:20

Un o Jehu penas: “Denn win gole, te well i baro diwes, kai wenn vieche maredo o debleske Baal, te well job sharedo!” Un kau lab was win gole dino.

2. Familjakro liil 20:13

Un i tsele mursha dran o them Juda, ninna lengre tchawe un djuwja pengre tikne tchawentsa, halauter his tardo glan o baro Debleste.

Nehemia 8:18

Hako diwes draweras o Esra dran o liil glan, kai o Debleskro drom siklo well, o tselo tsiro, kai jon kol bare diwessa rikran. Un kol bare diwessa djan efta diwessa. Un ap o ochtato diwes wan le lauter jaake khetne, har tchinlo his an i tchatchepaskre laba.

Ester 4:16

“Dja koi un de i tsele bibolden an o foro Susa khetne gole! Chan un pijenn triin diwessa tchi, gar ap o diwes, witar gar an i rati. Krenn kowa mange, te dikell o Dewel latches ap mande! Un me un kol djuwja, kai mange budrenn, mer kamah kowa ninna jaake te krell. Un pal kowa kamau pash o baro rajeste dren te djal, ninna te hi khatar o tchinlo lab. Un te denn le man mulo, palle denn le man mulo.”

Jeremia 14:2

O them Juda hi bibachtelo koi tchiddo. I menshe an i forja merenna i bokatar. Lenge hi ropaske un jon beshenn pen ap i phub. Un an Jerusalem denn le i wasta pral o shero khetne.

Jeremia 36:9

An o pantchto bersh an o enjato tchon, har his o Jojakim, koleskro dad o Josia his, o baro rai pral Juda, was win gole dino, te chan i menshe tchi, te dikell o baro Dewel latches ap lende. Kowa was kolenge penlo, kai an Jerusalem djiwan un an i wawar gaba un forja an Juda un kai wan an Jerusalem khetne.

Joel 1:2

Shunenn, tumer phure, un denn jak tumer halauter, kai djiwenn an kau them! Penenn mange, das sawo koowa jaake rah har tumer djiwenn? Das sawo koowa an tumare phurengro tsiro?

3. Mose 23:36

Efta diwessa anenn viechen o baro Debleske, te wenn le leske maredo un chatchedo. Ap o ochtato diwes awenn pale khetne glan o baro Debleste, un marenn un chatchrenn viechen leske. An kal bare diwessa wenn tumer khetne o baro Debleske, un hunte krenn kek budi.

Jona 3:5

Un kol tsele menshe an o foro Ninive patsan o Debleske, un mukan win te kharell, kai kek te chal tchomone buder. Un halauter, bare un tikne, riwan gone pral pende, te sikrenn le, te khaitell len lengro tchilatcho djipen.

Jona 3:8

Un halauter hunte tchiwenn gone pral pende: i menshe un i vieche. Un hakeno hunte kharell ap o Debleste peskri tseli sorjah. Un hakeno hunte mukell peskro tchilatcho drom un ko tchilatcho koowa, hoi lo kras.

Zefanja 2:1

Tumer menshe, kai kamenn pen gar te ladjell! Dikenn dren, hoi kran! Un awenn pale pash o baro Debleste,