Jeremia 5:3 - O Debleskro Drom 2021 (Sinte)

³ Baro Dewel, tire jaka dikenn ap i djipen an o tchatchepen. Tu dal len i phagi. – Jon haiwenn kowa gar. Tu kral len paash mulo. – Un jon atchan, har jon hi. Jon djan pal pengro shero. un kamenn gar pengro tchilatcho drom te mukell.

O Debleskro Lab 2024 (Sinte-Manouche)

³ Baro Devel, tire yaka dikenn ap i djipen an o čačepen. Tou dal len i phagi. – Yon hayvenn kova gar. Tou kral len paash moulo. – Oun yon ačan, har yon hi. Yon djan pal pengro shero. oun kamenn gar pengro čilačo drom te moukell.

Jeremia 5:3 Iomraidhean Croise

1. Mose 19:34

Un o wawar diwes, koi penas i phureder tchai ap o terneder tchate: “Shun, me tchiwom man taissar rati pash miro dadeste. Kai rati dah les pale mool te pijell. Koi tchiweh tut tu pash leste, te well men tchawe maro dadestar, te meras gar win.”

1. Rajengro liil 13:33

Ninna pal kau koowa mukas o Jerobeam gar tele peskro tchilatcho dromestar. Job tchiwas rashajen an pengri budi dren, kai his kol mule deblenge koi. Un kolla wan wawar menshendar har kol menshendar Levi. Hakeno, kai kamas, nai was i rashai, un was dren tchiddo an peskri budi.

2. Rajengro liil 1:13

Koi bitchras o baro rai pale o triinto kopo i pralstuno lurdes, kai his les penepaske pral paash-sheel lurdende. Un kolla wan leha. Har kowa pash o Elija was, djas job glan o Elija ap peskre tchanga, mangas lestar peskro djipen un penas: “Debleskro mursh, muk te well miro djipen kutch glan tire jaka, ninna o djipen kal paash-sheel murshendar.

2. Familjakro liil 16:9

O baro Debleskre jaka dikenn an i tsele themma, te dell lo soor kolenge, kai rikrenn pen pengro tselo djijeha ap leste. Tu rikral tut dineles an kau koowa. Doleske well fun kau tsiro kurepen pral tute.”

2. Familjakro liil 28:22

Ninna te his ko tsiro jaake pharo o baro rajeske Ahas, anas lo i budeder doosh ap peste glan o baro Debleste.

Debleskri gili 51:6

Ap tute kokres krom, hoi tchilatcho hi. Awa me krom, hoi midjak hi glan tire jaka. Doleske hi tut tchatches an tiro rakepen. Tu kreh o tchatchepen, te deh man i phagi.

Debleskri gili 51:8

Tu rodeh o tchatchepen an o mensheskro dji. An miro dji sikreh tu, har te wap gosewo.

Debleskri gili 55:20

O Dewel, kai hako tsiro o Dewel hi, kowa shunell miro mangepen un stakrell len tele, kolen, kai kamenn pal pengro shero te djiwell, un kamenn lestar tchi te djinell.

Gosewe laba 21:29

O tchilatcho stakrell soreles pre i baro mujeha. Kowa, kai o tchatchepaske tardo hi, mukell gar peskro drom.

Gosewe laba 22:12

O baro Dewel dell jak, te well diklo, haweskre laba mishto un tchatcho hi. Un job tchakrell kol laba pre, hoi i phukepaskro rakras.

Gosewe laba 23:35

Palle peneh: “Mange hi, har dans le man, ninna te haiwom kek duk, har te marans le man khetne, ninna te dukell mange tchi. Te hom wi-sodo, palle djau pale koi.”

Gosewe laba 27:22

I kashteha well djob tiknes kerdo an i piri. Ninna te krals jaake i dineleha, perals leskro dinlepen gar lestar tele.

Jesaja 26:11

Baro Dewel, tiro wast hadal dur pre, te dess len trad. Un jon kamenn gar te dikell. Muk len dren te dikell, hawo kamlepen tut tire menshenge hi, te ladjenn le pen. Chatche len pre an tiri jagakri choli, kolen kai kamenn tut gar.

Jesaja 42:25

Kote mukas lo peskri bari choli pral mende te well, un mukas men an i sorelo kurepen te well. Leskri choli his trul mende trujel har i jag, un mer haiwam kowa gar. Ninna har chatchras men leskri choli, lam kowa gar an mare djia.

Jesaja 48:4

Me djinau, te hi tumen barrengre djia, un tumare menja hi sorelo har dran saster, un tumare sherja har dran lolo saster.

Jesaja 9:13

Ap jek diwes las o baro Dewel lendar i pralstunen krik, ninna kol chochene rakepangren, kai penan, kai lengre laba o Deblestar wan. Kowa hi, har te tchinals jek i matchestar o shero un o pori tele, un i rukestar i patria un i telstuno kotar. I phurende un i an-dikle hi o shero. Kol chochene, kai penenn, lengre laba wans o Deblestar, hi o pori.

Jeremia 15:7

An hako foro an o them Juda krom me i menshentsa jaake har jek, kai witsrell o djob pral, te perell o phuss win. Jaake tradom len kate te kote. Un mire menshe mukan gar pengre tchilatche dromma. Koi marom lengre tchawen, un mukom len tele te djal.

Jeremia 17:23

Jon shunan gar ap mande, un dan gar jak ap mire laba, djan pal pengro shero, un rikrenn pen gar ap kowa, hoi lenge penom.

Jeremia 19:15

O baro Dewel, o rai pral o bolepen un i phub, kai o Israeleskro Dewel hi, penell: I menshe an Jerusalem un an i gaba un forja trujel pandan pengre djia, un kamenn mire laba gar te shunell. Doleske anau pral lende koi tseli bibacht, hoi lenge glan-wi penom.

Jeremia 2:30

Koi tseli phagi, hoi dom tumen, his tchitcheske. Tumer mukan tumen gar te tserdell. Mire rakepangren, kai pash tumende bitchrom, maran tumer. Tumaro charo chas len har i chojedo lewo.

Jeremia 3:3

Doleske dell kek brishin an o wend, witar gar an o nijal. Tu dikeh win har i lubni un kameh tut gar te ladjell.

Jeremia 32:19

Tu leh tuke baro koowa glan, un hoi kreh, hi sorelo. Un tire jakentsa dikeh i tsele dromma i menshendar, te dess hakenes pal kowa, har job djiwas un hoi lo kras.

Jeremia 35:13

Kawa penell o baro Dewel, ko rai pral o bolepen un i phub, kai o Israeleskro Dewel hi: Dja un rake i menshentsa dran o them Juda un dran o foro Jerusalem: Har rah kamenn tumer gar ap mire laba te shunell, putchell o baro Dewel tumendar.

Jeremia 44:10

Bis ap kau diwes khaitas tumen tumari doosh gar. Tumer hadenn man gar, un djiwenn gar pal mire laba un pal miro tchatchepen, hoi me tumenge un tumare phurenge dom.

Jeremia 7:26

Tumer shunan gar ap mande, un dan kek garda ap mire laba. Tumer djan pal tumaro shero, un kran budeder tchilatchepen har tumare phure.

Jeremia 7:28

Doleske pen ap lende: tumer han kal menshe, kai shunan gar ap lengro baro Debleste. Un tumer mukenn tumen tchi te penell. O tchatchepen hi mulo. Kek rakrell buder pral o tchatchepen.

Jeremia 8:5

Hoske nashrenn pen kal menshe an o foro Jerusalem pale te pale, un rissrenn gar trujel? Jon atchenn pash kol chochene deblende, un kamenn gar palpale pash mande te well.

Ezekiel 2:4

Jon djan pal pengro shero, un lengro dji hi dran bar. Pash kolende bitchrau tut. Lenge peness: Kawa penell o baro Dewel, maro rai!

Ezekiel 24:13

Jerusalem, kowa, hoi kras tut pale-tchiddo, hi tiro wi-ladjedo koowa. Har kamom me ko pale-tchiddo koowa tutar krik te lell, kamal te atchell har hals. Doleske atcheh pale-tchiddo, jaake rah me miri choli ap tute win mukom!

Daniel 9:13

Jaake har an o Moseskro liil tchinlo hi, jaake was ninna koi bari bibacht pral mende. Un mer mangam men gar tele glan tute, maro baro Debleste, un mukam gar maro tchilatcho drom, un dam gar jak ap tiro tchatchepen.

3. Mose 26:23

Te mukenn tumer tumenge mandar pale ninna gomme tchi te penell, un sikrenn mange o dumo,

Amos 4:10

Me bitchrom sawo pharo nasslepen ap tumende, har bitchrom ap o them Egiptia. Me marom tumare terne murshen an o kurepen, un mukom tumare grajen pandles krik te anell. O khand kol mule lurdendar ap lengri platsa mukom an tumare naka te djal. Ninna palle wan tumer gar pale pash mande, penell o baro Dewel.

Amos 4:11

His sawe forja pash tumende, kai krom jaake paash, har krom i forja Sodom un Gomorra paash. Un tumer hans har i kotar kasht, hoi was win tserdedo dran i jag. Ninna palle wan tumer gar pale pash mande, penell o baro Dewel.

Amos 4:6

Me hom kowa, kai bitchras i bok an tumare tsele forja. Ninna te his tumen gar doha chapen an o tselo them, wan tumer gar pale pash mande, penell o baro Dewel.

Amos 4:8

Un i menshe dran dui, triin forja djan an i wawar foro, te hatsenn le pani. Un kote his gar doha lenge. Ninna palle wan tumer gar pale pash mande, penell o baro Dewel.

Amos 4:9

Me bitchrom i tato phurdepen un i nasslepen ap tumaro djob, jaake te meras o djob tele. Ninna chan i stepangre lauter, hoi bares was an tumari baar un an tumaro drakengro them, ap tumare faigetikre ruka un djeteskre ruka. Ninna palle wan tumer gar pale pash mande, penell o baro Dewel.

Zefanja 3:7

Me penom mange: Te dikenn mire menshe kowa lauter, dikenn le pre ap mande, un mukenn penge mandar tchomone te penell! Palle wals lengro foro gar paash kerdo! Un tchi wals pral lende, hoi me penom, kai kamau te krell. Kanna was wawartchandes: Lauter tchilatchepen krenn le un mukenn gar tele.

Remarja 2:2

Mer djinah, o Dewel djal pal o tchatchepen, te dell lo kolen i phagi, kai sawo tchilatcho koowa krenna.

Hebrearja 12:9

Har tchawe hams, dan men mare dada i phagi. Un mer hunte shunam ap lende. Kitse budeder hunte shunas ap maro dadeste an o bolepen, te djiwas.