Jeremia 3:3 - O Debleskro Drom 2021 (Sinte)

³ Doleske dell kek brishin an o wend, witar gar an o nijal. Tu dikeh win har i lubni un kameh tut gar te ladjell.

O Debleskro Lab 2024 (Sinte-Manouche)

³ Doleske dell kek brishin an o vend, vitar gar an o niyal. Tou dikeh vin har i loubni oun kameh tout gar te ladjell.

Jeremia 3:3 Iomraidhean Croise

1. Mose 19:34

Un o wawar diwes, koi penas i phureder tchai ap o terneder tchate: “Shun, me tchiwom man taissar rati pash miro dadeste. Kai rati dah les pale mool te pijell. Koi tchiweh tut tu pash leste, te well men tchawe maro dadestar, te meras gar win.”

Nehemia 9:17

Un jon kaman gar te krell, hoi tu lenge penal, un bistran ko tselo baro koowa, hoi tu lenge kral, hoi kek wawar nai krella. Jon kran pengre djia pandlo har bar. Un rodan jekes win, te well lo lengro rai, un anell len pale an o them Egiptia, an pengro pandepen. Tu hal i Dewel, kai i doosh krik lell, un hal kamlo un kreh tiro dji pre i menshenge. Tu weh gar sik chojedo un tiro latchepen hi baro. Un tu djal gar lendar.

Gosewe laba 21:29

O tchilatcho stakrell soreles pre i baro mujeha. Kowa, kai o tchatchepaske tardo hi, mukell gar peskro drom.

Jesaja 5:6

Un me mukau ko them tchiddo, har lo hi. I ruka wenn gar pale tchinlo, un i phub gar trujel witsedo. Palle wenna subjengre burra un subjengro senlepen bares koi pre. Un me penau o brishineske, te perell lo gar koi tele.

Jeremia 14:1

O baro Dewel penas ap o Jeremia pral ko them, kai i rah tsiro kek brishin das.

Jeremia 14:22

Kek dewel, koles i menshe an wawar themma an-mangenna, nai bitchrell brishin! Witar gar dell o bolepen dran peste brishin! Na-a, maro baro Dewel, tu hal kowa, kai krell sawo koowa. Doleske dikah ap tute.

Jeremia 14:3

Kol brawele bitchrenn pengre budepangren pal pani. Kolla djan pash i brunna, un hatsenn kek pani. Lengre khore anenn le kek panjeha pale. Lenge hi ropaske, un khatrenn pengro mui i ladjatar.

Jeremia 14:4

I phub hi truk un dell gole pal brishin. Doleske hi kol hachenge ropaske, un khatrenn pengro mui.

Jeremia 36:2

Le i liil un tchin halauter dren, hoi penom tuke pral o Israel un o Juda, un i menshende an kol tsele wawar themma dran ko tsiro, kai o baro rai Josia djiwas bis kau diwes.

Jeremia 5:24

An pengro dji penenn le gar: Mer te dikas pre ap maro baro Debleste! Job bitchrell menge o brishin an o tchatcho tsiro, brishin an o wend un brishin an i nijal, te well men o djob chapaske an ko tchatcho tsiro.

Jeremia 5:25

Tumari doosh, hoi ap tumende anan, un ko tchilatchepen, hoi krenna, rikras ko latchepen tumendar pale, jaake te wan phare tsirja ap tumende.

Jeremia 5:3

Baro Dewel, tire jaka dikenn ap i djipen an o tchatchepen. Tu dal len i phagi. – Jon haiwenn kowa gar. Tu kral len paash mulo. – Un jon atchan, har jon hi. Jon djan pal pengro shero. un kamenn gar pengro tchilatcho drom te mukell.

Jeremia 6:15

Jon hunte ladjans pen ko djungelo koweha, hoi jon kran. Kowa krenn le gar. Jon ladjenn gar. Jon djinenn gar, hoi ladj hi. Doleske wenn jon maredo khetne kol wawarentsa. Te wau me, un dau len i phagi, atchell kek lendar djido, penell o baro Dewel.

Jeremia 8:12

Jon hunte ladjans koleske hoi jon kran, koweha man choiran. Kowa krenn le gar. Jon ladjenn gar. Hoi ladj hi, djinenn le gar. Doleske wenn jon maredo khetne kol wawarentsa. Te wau me, un dau len i phagi, hunte perenn le, penell o baro Dewel.

Jeremia 9:12

O baro Dewel penell koi pre: Me sikrom len miro drom, un jon mukan les, un shunan gar ap mire laba, un djiwan gar koi pal.

Ezekiel 3:7

Kolla dran o kheer Israel kamenn gar ap mande te shunell. Doleske shunenn le witar gar ap tute. Jon lauter djan pal pengro shero. Un lengre djia hi har dran bar.

3. Mose 26:19

Tumaro pre-phurdepen un tumaro pesso shero phagau, un dau tumen buder kek brishin. Ko bolepen pral tumende well har saster, un koi phub tel tumare pire sorelo har barra.

Amos 4:7

Triin tchon glan kowa kai anan tumaro djob dren, rikrom o brishin pale. Un me dom brishin ap jek foro un gar ap i wawar. O brishin peras ap jek hachetikri phub, un koi wawar phub, kai kek brishin das, meras tele.

Amos 4:8

Un i menshe dran dui, triin forja djan an i wawar foro, te hatsenn le pani. Un kote his gar doha lenge. Ninna palle wan tumer gar pale pash mande, penell o baro Dewel.

Zefanja 2:1

Tumer menshe, kai kamenn pen gar te ladjell! Dikenn dren, hoi kran! Un awenn pale pash o baro Debleste,

Zefanja 3:5

Kowa lauter krenn le, ninna te djiwell o baro Dewel mank lende. Job krell kek tchilatchepen. Un leskro tchatchepen atchell soreles tardo. Jaake har hako diwes o kham pre djal, jaake sikrell lo hako diwes, har te djiwenn le an o tchatchepen. Kol tchilatche menshe krenn pale te pale djungelo koowa, un ladjenn gar.

Haggai 1:11

Doleske penom, te well kek brishin pral tumaro them, pral i berge, pral o them, kai o djob, i drake un i djeteskre ruka bares wenna, un pral halauter, hoi dran i phub well, ninna pral i menshende un i viechende. Kowa, hoi tumare wastentsa krenn, djal tumenge buder gar mishto.

5. Mose 28:23

Un dell kek brishin, un i phub tel tumende well jaake sorelo har bar.

Hebrearja 12:25

Denn jak, te shunenn ap o Debleste, kai ap tumende rakrella! Har job ap i phub ap i phure Israelitarja rakras, kaman le gar ap leste te shunell, un leskri choli was pral lende. Kitse budeder well o Debleskri choli pral mende, te shunah gar ap leste, kai dran o bolepen rakrella.