Jeremia 10:3 - O Debleskro Drom 2021 (Sinte)

³ Lengro patsepen ap i mule deblende hi tchi moldo. Jon denn i ruk tele an o weesh, te krenn le i figura. Un kowa, kai haiwell o kashteha te budrell, lell peskri tchuri, un krell dran o kasht i figura peskre wastentsa.

O Debleskro Lab 2024 (Sinte-Manouche)

³ Lengro patsepen ap i moule deblende hi či moldo. Yon denn i rouk tele an o veesh, te krenn le i figura. Oun kova, kay hayvell o kashteha te boudrell, lell peskri čouri, oun krell dran o kasht i figura peskre vastentsa.

Jeremia 10:3 Iomraidhean Croise

Debleskri gili 115:4

Lengre debla hi dran rup un sonakai. Menshengre wasta kran len.

Jesaja 45:20

Awenn khetne, tumer, kai nashan tumenge glan o kurepen dran bud themma! Awenn pash mande, te kras o tchatchepen win! Kolla, kai hidjrenn pengre deblen pentsa, haiwan tchi, jon mangenn deblen an, kai nai wenn lenge gar ap i rig.

Jeremia 1:16

Un me dau i menshen an Juda i phagi lengro tchilatchepaske, hoi jon kran. Jon djan krik mandar un anan viechen wawar deblenge un mangan kol figuren an, hoi le pengre wastentsa kran.

Jeremia 10:8

Lauter hi jon dinelo un narwelo, kolla, kai mangenn o kasht an. Kol debla nai sikrenn lende tchi.

Jeremia 14:22

Kek dewel, koles i menshe an wawar themma an-mangenna, nai bitchrell brishin! Witar gar dell o bolepen dran peste brishin! Na-a, maro baro Dewel, tu hal kowa, kai krell sawo koowa. Doleske dikah ap tute.

Jeremia 16:19

Baro Dewel, tu deh man soor un deh garda ap mande. Pash tute nai wau me un khatrau man an i bibacht. Dran i tsele themma ap i phub wenn i menshe pash tute, un penenn: Kol debla mare phurendar hi lauter chochepen, tchi-moldo hi le, un nai wenn gar ap mari rig.

Jeremia 2:5

Kowa penell o baro Dewel: Hawo djungelo koowa hatsan tumare phure ap mande, kai djan jon mandar krik, un mangan figuren an, kai kek dewel hi. Un jaake djan le tele.

3. Mose 18:30

Doleske, djiwenn jaake har me tumenge penom! Ma krenn ko pale-tchiddo koowa, hoi kolla kran, kai glan tumende kate his! Ma krenn tumen sawo koweha pale-tchiddo! Me, o baro Dewel, hom tumaro Dewel.

Mateo 6:7

Tumer te rakrenn o Debleha, palle penenn leske gar bud laba, jaake har kolla krenna, kai prindjrenn o tchatcho Debles gar. Jon patsenna, te rakrenn le bud, palle shunell len lengro dewel.

Bičepangre 19:26

Tumer dikan un shunan, kai o Paulo i menshenge penella: I dewel, kai i wastentsa kerdo wella, hi kek dewel. I menshe an o foro Efesus un an o them Asia shunenn ap o Pauleskro rakepen.

Remarja 1:21

Ninna te djinan le o Deblestar, sharan le les gar, un parkran pen gar pash leste. Na-a, jon djan pal kowa, hoi an lengro shero hi un tchi moldo hi. Un lengre djia haiwan buder gar, hoi mishto hi.

1. Petro 1:18

Tumer djinenna, o Jesus Kristo plaissras kek sonakai un kek rup, – kowa lauter atchell gar, – te lell lo tumen win dran tumaro phuro djipen, hoi tchi moldo his, har djan ap ko drom, kai tumare phure djan.