Jeremia 1:9 - O Debleskro Drom 2021 (Sinte)

⁹ Un o baro Dewel tchiwas peskro wast ap miro mui, un penas ap mande: Dik, me tchiwau mire laba an tiro mui.

O Debleskro Lab 2024 (Sinte-Manouche)

⁹ Oun o baro Devel čivas peskro vast ap miro mouy, oun penas ap mande: Dik, me čivau mire laba an tiro mouy.

Jeremia 1:9 Iomraidhean Croise

Jesaja 49:2

Job kras miro rakepen har i charo, hoi mishto tchinell, un khatras man tel peskro wast. Un job kras mandar i failo, hoi dell mishto tchurje, un rikrell man khatedo har i faile an lengri possita.

Jesaja 50:4

O baro Dewel, miro rai, das man i tchip har i siklen jek hi, te djinap, har te rakrap latches kolentsa, kai khino hi. Taissarlakro djangrell lo mire kanna pre, te shunap har jek, hoi lestar siklo well.

Jesaja 51:16

Un me tchiwom mire laba an tiro mui, un rikrau mire wasta pral tute. Me hom kowa, kai krom o bolepen buchles pral i phub un tchiwom i phub pre. Un me penau ap i menshende an o foro Zion: Mire menshe han tumer!

Jesaja 59:21

Kawa krau me lentsa win, penell o baro Dewel: Me tchiwom miro ducho ap tumende. Un mire laba, hoi penom tumenge, atchenn pash tumende. Un tumer penenn len dureder ap tumare tchawende, un jon ap pengre tchawende, un kolla ap pengre tchawende. Kowa atchella jaake kanna un hako tsireske. Kowa penau me, o baro Dewel,

Jeremia 15:19

Doleske penell o baro Dewel: Te rikreh tu tut ap mande, rikrau me man ap tute, un tu atcheh miro rakepaskro. Te rakreh tu, hoi mishto hi, un rakreh gar, hoi tchi-moldo hi, hal tu miro mui. Jon hunte wenn pash tute, tu djas gar pash lende!

Jeremia 34:6

Un o Debleskro rakepaskro, o Jeremia, penas kol tsele laba ap o Zedekja, ko rajeste pral o them Juda, an o foro Jerusalem.

Jeremia 36:2

Le i liil un tchin halauter dren, hoi penom tuke pral o Israel un o Juda, un i menshende an kol tsele wawar themma dran ko tsiro, kai o baro rai Josia djiwas bis kau diwes.

Jeremia 5:14

Doleske penell o baro Dewel, ko rai pral o bolepen un i phub: Sawo koowa rakrenn tumer! Doleske kamau me mire laba an tiro mui, Jeremia, har jag te krell, un i menshen har kasht chatchepaske, un koi jag chal kol kashta pre.

Ezekiel 3:10

Un pale penas job ap mande: Tu, mensho, mire tsele laba, hoi me tuke penau, de jak ap lende, un le len an tiro dji!

Daniel 10:10

Un i wast tapras man. Un mire wasta un tchanga trissan.

Daniel 10:16

Koi was ko jek, kai win dikas har i mensho, un tchiwas peskro gushto ap miro mui. Un me krom miro mui pre, un rakrom, un penom ap koleste, kai glan mande tardo his: “Miro rai, har dikom ko dikepen, tapras man sawi daar, te atchas kek soor an mande.

4. Mose 23:5

O baro Dewel tchiwas o Bileameske o lab an o mui un penas: “Dja pale pale pash o Balak un pen jaake!”

Mateo 10:19

Kowa te well, palle ma darenn, hoi tumer hunte penenna! O Dewel sikrell tumende, hoi tumer hunte penenna ap ko diwes.

Markus 7:33

Un job las kol murshes ap i rig, krik kol bud menshendar, un tchiwas peskre gushte an leskre kanda, un tchiwas tchunger ap leskro tchip.

Louka 12:12

O Debleskro Ducho sikrell tumen ap ko tsiro, hoi tumer hunte penenna.

Louka 21:15

Me dau tumen ko goswepen, un penau tumenge, hoi tumer hunte penenn. Un palle djinenn le buder gar, hoi te penenn le.

5. Mose 18:16

Ap ko diwes, kai hans khetne pash i berga Horeb, mangan tumer kowa tumaro baro Deblestar, un penan: ‘Mer kamah buder gar o rakepen maro baro Deblestar te shunell, un kai bari jag kamah witar gar buder te dikell, te hunte meras gar!’

5. Mose 18:17

Un o baro Dewel penas ap mande: Mishto hi, hoi jon rakran.

5. Mose 18:18

I Debleskro rakepaskro har tu jek hal, kai well lendar, koles bitchrau me lenge. Un me kamau leske mire laba an leskro mui te tchiwell. Un job rakrell ap lende halauter, hoi me leske penau.