Jeremia 1:8 - O Debleskro Drom 2021 (Sinte)

⁸ Ma traash lendar. Me hom pash tute, un rikrau mire wasta pral tute. Ko penau me, o baro Dewel.

O Debleskro Lab 2024 (Sinte-Manouche)

⁸ Ma traash lendar. Me hom pash toute, oun rikrau mire vasta pral toute. Ko penau me, o baro Devel.

Jeremia 1:8 Iomraidhean Croise

2. Mose 3:12

Koi penas o Dewel: “Me hom pash tute. Te anal tu mire menshen dran o them Egiptia win, palle djan tumer pash kai berga un marenn kate viechen mange. Kowa hi i sikepen, te bitchrom me tut.”

Jesaja 43:2

Te djah tu an o pani, me hom pash tute, te tassenn tut kol sorele panja gar. Un te djah tu an i jag, palle chatchell li tut gar, un nai krell tuke tchi.

Jesaja 51:12

Me hom kowa, kai latches tumentsa rakrella. Un koon hal tu, te dareh i menshendar, kai merenna, awa, kai tele merenn har o khass?

Jesaja 51:7

Shunenn, hoi penau, tumer, kai prindjrenn o tchatchepen, tumer menshe, kai kamenn miro drom te djal. Ma darenn glan ko praassepen, koleha i menshe tumen praassenn! Ma darenn glan lengro baro mui!

Jeremia 1:17

Ab soreles! Un kre tut ap o drom! Un pen lenge halauter, hoi me tuke penau! Ma traash lendar, te krap me gar, te trashess tu glan lende!

Jeremia 1:19

Ninna te tchingrenn le tuha, nai krenn le tuke tchi. Me hom pash tute, te lap tut dran lengre wasta win. Kowa penau me, o baro Dewel.

Jeremia 20:11

O baro Dewel hi pash mande un dell ap mande garda har i sorelo mursh. Doleske perenn kolla, kai man palla lenn un hunte tserdenn pen pale. Kowa, hoi len glan hi, nai krenn jon gar. Un wawar san pral lende. Hako tsiro hi kowa lenge i ladj un well lenge gar bistedo.

Jeremia 30:11

Me, o baro Dewel, hom pash tumende, te wap ap tumari rig. Kol natsjone, mank kolende tradom tumen, kolla hunte djan tele. Tumer djan gar tele. Tumende dau i phagi har tumenge mishto hi. Kek dawentsa nai mukau tumen gar. Wals gar mishto, te dap tumen kek phagi.

Jeremia 39:11

Un o Nebukadnezar, ko rai dran o them Babilonia, rakras o pralstuneha i lurdendar, o Nebusaradan, un penas leske, hoi te krell lo o Jeremijeha:

Jeremia 42:11

Ma trashenn o baro rajestar dran o them Babilonia, glan koleste tumen traash hi, penell o baro Dewel; me hom pash tumende, te wap tumenge ap i rig, un lap tumen dran leskro wast win. Doleske ma trashenn lestar!

Daniel 3:17

Maro Dewel, koles mer an-mangah, te kamell job, palle nai lell lo men win dran i bobeskri jag un dran tiro wast.

Daniel 3:25

Job penas: “Me dikau star murshen, kai an i jag trujel djan. Un jon hi buder gar pandlo, un kek dukepen hi ap lende. Un ko starto dikell win har i bolepaskro.”

Mateo 10:26

Well o diwes, kai well kowa diklo, hoi kanna khatedo hi. Well o diwes, kai djinell hakeno kowa, hoi kanna kek djinella.

Mateo 28:20

Penenn lenge, te rikrenn le ap lauter, hoi me tumenge penom! Tchatchepah, me hom pash tumende hako diwes jaake rah, har i phub koi hi.”

Bičepangre 18:10

Me hom pash tute un kek nai dukrell tut. An kau foro hi bud menshe, kai kamenna ap mande te patsell.”

Bičepangre 26:17

Me bitchrau tut pash i biboldende un pash kolende, kai kek bibolde hi, un me dau garda ap tute.

Bičepangre 4:13

Har jon dikan, har o Petro un o Johanni rakran, kai kek traash an lende his, kran le bare jaka. Un jon haiwan, kai kolla kek bare rakepangre un gosewe mursha hi, un djinan ninna, kai jon o Jesuseha khetne his.

Bičepangre 4:29

Rai, shuneh tu, kai jon men kanna trad denna? Mer ham tire budepangre. De men koi soor, te nai rakras tutar!

Efesarja 6:20

Koi budi das man o Jesus Kristo. Doleske hom me kanna stildo. Awa, mangenn o Debles mange, te darap gar un rakrap jaake, har miri budi hi.

5. Mose 31:6

Awenn soreles un ma trashenn! Ma darenn tchi un trashenn kekestar! Tumaro baro Dewel hi kowa, kai djal tumentsa. Job atchell pash tumende un mukell tumen gar kokres.

5. Mose 31:8

O baro Dewel hi kowa, kai djal glan tute, job hi tuha! Job atchell pash tute un mukell tut gar kokres. Ma dare tchi un ma traash kekestar!”

Josua 1:5

Kek nai well sorleder har tu, jaake rah har tu djiweh. Jaake har me o Moseha homs, jaake wau me tuha. Me mukau tut gar, un me djau gar tutar.

Josua 1:9

Penau tuke pale: Ab soreles! Un ma traash gar! Ma dare tchi! Un ma traash kekestar! O baro Dewel hi tiro Dewel un hi tuha, kai tu ninna djah.”