Jakobo 4:3 - O Debleskro Drom 2021 (Sinte)

³ Te mangell jek tumendar tchomone o Deblestar, mangell lo sawo koowa, hoi gar mishto hi, un hoi dran leskro tchilatcho dji wella. Doleske dell les o Dewel kowa gar.

O Debleskro Lab 2024 (Sinte-Manouche)

³ Te mangell yek t'mendar čomone o Deblestar, mangell lo savo koova, hoy gar mishto hi, oun hoy dran leskro čilačo dji vella. Doleske dell les o Devel kova gar.

Jakobo 4:3 Iomraidhean Croise

1. Rajengro liil 3:11

Un o Dewel penas ap leste: “Tu nai mangals mandar i lengsto djipen un brawlepen un o merepen kolendar, kai kurenn pen tuha. Kowa kral gar. Tu mangal mandar goswepen, te rakress o tchatchepen win pral i menshende.

Hiob 35:12

Te denn i tchilatche palle gole, kolla, kai pen jaake bares kran, penell o Dewel lenge tchi pale.

Debleskri gili 18:41

Tu kral, te hunte nashan le mandar. Jaake nai marom kolen, kai mange tchilatchepen kaman.

Gosewe laba 1:28

Palle denn le pal mande gole, un me mukau tchi mandar te shunell. Palle rodenn le man un hatsenn man gar.

Gosewe laba 15:8

O baro Dewel dikell chojedes ap kowa, hoi o tchilatcho leske anell. Te mangenn les kolla an, kai an o tchatchepen tardo hi, dikell lo latches ap lengro mangepen.

Gosewe laba 21:13

Kowa, kai jaake krell, har te shunell lo gar koi gole ko tchorwelestar, leske djala jaake, kai dell job ninna gole un kek shunell les.

Gosewe laba 21:27

Kowa, hoi anenn i tchilatche o baro Debleske, hi djungeles glan leskre jaka. Har bud budeder, te krenn le kowa dran i tchilatcho dji.

Jeremia 11:11

Doleske penell o baro Dewel: Me anau bibacht pral lende, kolatar nai nashenn le gar krik. Jon denn pal mande gole, un me kamau len gar te shunell.

Jeremia 11:14

Tu Jeremia, mangess gar kal menshenge, un rowess gar kolenge glan mande! Te denn jon gole pal mande an koi pharo tsiro, kamau me len gar te shunell.

Jeremia 14:12

Jon nai rikrenn pen pale o chapastar, un rowenn ap mande jaake bud har kamenn le, me shunau len gar. Ninna te chatchrenn jon mange viechen un chapen, dikau gar latches ap lende. Me marau len an o kurepen, ninna i bok un o nasslepen marenn le.

Micha 3:4

Doleske shunell o baro Dewel gar ap tumende ap ko diwes, kai denn tumer gole ap leste. Job sikrell tumende o dumo ko tselo tchilatchepaske, hoi kran.

Zakarie 7:13

Un djas jaake: Jon shunan gar, hoi lenge penlo was. Doleske kamom witar gar te shunell, har jon gole dan, penas o baro Dewel, ko rai pral o bolepen un i phub.

Mateo 20:22

Penas o Jesus: “Tumer djinenn gar, hoi mangenna mandar. Nai lenn tumer kol duka ap tumende, hoi me hunte lap ap mande?” Penan le: “Awa, ko nai krah mer.”

Markus 10:38

Koi penas o Jesus ap lende: “Tumer djinenn gar, hoi tumer mangenna mandar. Nai lenn tumer kol duka ap tumende, hoi me hunte lap ap mande? Nai djan tumer jaake an o merepen, har me djau?”

Louka 11:10

Koon mangella, kowa lella. Koon rodella, kowa hatsella. Un koon ap o wudar della, koleske well pre kerdo.

Louka 15:13

Pal i tikno tsiro las o terneder tchawo peskro tselo brawlepen, un djas an i wawar them, djiwas i shukar djipen, un das peskro tselo brawlepen win.

Louka 15:30

Tiro tchawo, kai was kanna pale khere, kowa, kai das tire lowe win i lubjentsa, koleske maral i terni thulli grumni.

Jakobo 4:1

Kai well o kurepen un o tchingepen mashkral tumende? Kowa wella dran tumare tchilatche djia. Hakeno kamell o feteder koowa peske kokres.

1. Johanni 3:22

Un lauter, hoi mer lestar mangah, kowa lah mer, te rikrah men ap kowa, hoi job menge penas, un djiwah jaake, har job kamella.

1. Johanni 5:14

Ko jek djinah: Te mangah o Deblestar tchomone, jaake har job kowa kamella, jaake shunell lo men.