Jakobo 1:3 - O Debleskro Drom 2021 (Sinte)

³ Te well sawo koowa ap tumende, un tumer mukenn gar tele te patsenn ap o Jesus Kristeste, palle wenn tumer sorleder an o patsepen un denn gar sik pre.

O Debleskro Lab 2024 (Sinte-Manouche)

³ Te vell savo koova ap t'mende, oun t'mer moukenn gar tele te patsenn ap o Yezous Kristeste, palle venn t'mer zorleder an o patsepen oun denn gar sik pre.

Jakobo 1:3 Iomraidhean Croise

Louka 21:19

Atchenn soreles an o patsepen, un tumer lenn ko tchatcho djipen!”

Remarja 15:4

Lauter kowa, hoi an o phuro tsiro an o Debleskro lab tchinlo was, was tchinlo, te las mer newi soor dran o Debleskro lab, un das maro patsepen gar pre, un dikas ap ko latchepen, hoi o Dewel men della, an ko tsiro hoi wella.

Remarja 2:7

Kolen, kai mukan gar tele, te krenn le o latchepen, dell lo o djipen, hoi gar pre-herella. Jon hi kolla, kai tchiwan pengro dji koi pre, te dikell o Dewel kamles ap lende, un te lell lo len pash peste an leskro railepen, kai dell lo len o djipen, hoi gar pre-herella.

Remarja 8:25

Maro dji nashell pal kowa, hoi glan mende hi, un hoi dikah nai gomme gar. Doleske wah mer gar khino an mare djia bis te lah les.

Remarja 8:28

Mer djinah, halauter well mishto kolenge, kai o Debles kamenna. Glan rah tsiro his o Debles an peskro dji, te dell lo menshen gole, te djiwenn le leha khetne.

2. Korintarja 4:17

Ko pharo koowa, hoi mer kanna hidjrah, hi tikno un djal peske. Pal kowa well i baro railepen. Kowa hi shukeder har halauter, hoi kanna djinah, un djal peske gar.

Kolossarja 1:11

Lestar mangah, te dell lo tumen peskri bari soor, te wenn tumare djia soreles, te djan bachteles dureder ap leskro drom, ninna an ko tsiro, kai hi tumaro djipen pharo.

2. Tessalonikarja 1:4

Mer sharah men tumentsa pash i patslende, kai wenn khetne an o Debleskro lab an i wawar forja, un penah lenge, hoi tumer lauter ap tumende lenna, un te mukenn gar tumaro patsepen, ninna te lenn le tumen palla un krenn tumaro djipen phares.

2. Tessalonikarja 3:5

Maro rajestar, o Jesusestar, mangah, te krell lo tumare djia pre, te dikenn tumer, har baro o Debleskro kamlepen tumenge hi. Un lestar mangah ninna, te denn tumaro patsepen gar pre, ninna te well tumaro djipen pharo, jaake har o Jesus Kristo gar pre das.

Hebrearja 10:36

Tumer hunte wenn gar khino an tumare djia, te krenn kowa lauter, hoi o Dewel kamella! Palle dell lo tumen peskro brawlepen jaake, har job penas.

Hebrearja 12:1

Kanna dikah, bud bud menshe patsan, te hi kowa tchatcho, hoi o Dewel penas. Mer ham gar kokres, kai patsah. Doleske hunte kras har jon kran, un mukas gar tele te nashas ap o Debleskro drom, hoi glan mende hi. Te tchiwas lauter tele, hoi kamell men pale te rikrell! Ninna hunte tchiwas o tchilatchepen tele, hoi kamell men te taprell.

Hebrearja 6:12

Ma awenn khino, te krenn o Debleskri budi! Awenn jaake har kolla, kai atchan soreles an o patsepen, un lan kowa, hoi o Dewel lenge penas.

1. Petro 1:7

Kowa wella pral tumende, te well tumaro patsepen sorelo. Jaake har o sonakai an i jag djudjo un kutch kerdo wella, jaake hunte well tumaro patsepen ninna djudjo un kutch kerdo. Tumaro patsepen hi budeder moldo har o sonakai, hoi atchell gar. Te atchell tumaro patsepen sorelo, palle sharell tumen o Dewel un krell tumen bares un railes ap ko diwes, kai well o Jesus Kristo pale.

2. Petro 1:6

Koon haiwas, hoi o Dewel lestar kamella, kowa rikrell pes lauterestar pale, hoi leske gar mishto hi. Koon rikrell pes lauterestar pale, hoi leske gar mishto hi, kowa rikrell soreles ap kowa, hoi latcho hi. Koon kowa krella, kamell o Debles.