Jakobo 1:1 - O Debleskro Drom 2021 (Sinte)

¹ Kau liil tchinau me, o Jakobo, kowa, kai budrell o Jesus Kristeske un o Debleske. Me penau latche laba kolenge, kai patsenn ap o Jesus Kristeste un djiwenn mashkral kolende, kai gar patslo hi.

O Debleskro Lab 2024 (Sinte-Manouche)

¹ Kava liil činau me, o Yakobo, kova, kay boudrell o Yezous Kristeske oun o Debleske. Me penau lače laba kolenge, kay patsenn ap o Yezous Kristeste oun djivenn mashkral kolende, kay gar patslo hi.

Jakobo 1:1 Iomraidhean Croise

1. Rajengro liil 18:31

las deesh-te-dui barra, jek bar hako tchaweske o Jakobestar. Ap koleste penas o baro Dewel glan i rah tsiro: “Tiro lab well kanna Israel.”

Esra 6:17

Koleske anan le an o Debleskro kheer 100 (sheel) gurma, 200 (dui-sheel) bakre, un star-sheel (400) terne bakre, te wenn le maredo o Debleske, ninna deesh-te-dui mursh busja, jek haki bari familjake, hoi well o deesh-te-dui Israeleskre tchawendar. Kol busja wan chatchedo o Debleske, te well i doosh i Israelendar krik lino.

Ester 3:8

Koi pal penas o Haman ap o baro rajeste Ahasveros: “Kate denna menshe, kai djiwenn penge kokres mank i tsele wawar menshende kate te kote an tire tsele themma. Un len hi i wawar tchatchepen har i tsele wawar menshen. Un ap kowa, hoi tu, baro rai, peneh, te well kerdo, shunenn le gar. Kowa hi gar mishto tuke, te mukess len jaake dureder te krell.

2. Mose 24:4

Koi tchinas o Mose hako lab, hoi o baro Dewel penas, an i liil. Un sik taissarlakro stas job pre un kras i chatchepaskri tele glan i berga, kote pre vieche chatchedo wenna o baro Debleske. Ninna tchiwas lo deesh-te-dui barra pre kol deesh-te-dui bare familjenge, kai wan o Israeleskre tchawendar: jek bar haki familjake.

2. Mose 28:21

Un tchin an lende i laba o Israeleskre tchawendar, kolendar i deesh-te-dui bare familje wenn. Tchin an hako bar jek lab.

2. Mose 39:14

An kol barra wan i laba dre-tchinlo kol deesh-te-dui Israeleskre tchawendar, kolendar i deesh-te-dui bare familje wenn. Ap hako bar his jek lab.

Ezekiel 12:15

Palle, te tradom len an wawar themma un mank wawar menshende, dikenn un haiwenn le, te hom me o baro Dewel.

3. Mose 26:33

Tumen tradau me mank i menshende an i wawar themma, un lau tumen o chareha palla. Tumaro them well i mulo them, un tumare forjendar atchell tchi pral har barra.

Mateo 10:3

o Filipo, un o Bartolomeo, o Thomas un o Mateo, kai i biboldendar lowe i Remarjenge dren las, un o Jakobo, – koleskro dad his o Alfeo, un o Tadeo,

Mateo 13:55

Hi kowa gar o tchawo kolestar, kai budrell i kashtentsa. Hi leskri dai gar i Maria? Un hi o Jakobo, o Josef, o Simon, un o Judas gar leskre phrala?

Mateo 19:28

Penas o Jesus ap lende: “Tchatchepah, me penau tumenge: Ko tsiro wella, kai o Dewel lauter newes krella. Ap ko tsiro hi o Mensheskro Tchawo o rai pral lauterende, un job hi beshdo ap peskro rajeskro beshepaskro. Un tumer, kai mantsa djana, tumer wenn ninna raja, un han beshdo ap deesh-te-dui rajeskre beshepangre, un rakrenn o tchatchepen win pral i tsele menshende, kai wenna i deesh-te-dui Israeleskre tchawendar.

Markus 3:18

Mank kol deesh-te-dujende his ninna o Andreas, un o Filipo, un o Bartolomeo, un o Mateo, un o Thomas, un o Jakobo, koleskro dad hi o Alfeo, un o Tadeo, un o Simon, kai his kol menshendar, kai kharenna Zelotarja,

Louka 22:30

Un tumer chana un pijenna mantsa kote, kai me o baro rai hom, un han beshdo ap rajeskre beshepangre, un penenn o tchatchepen win pral i tsele menshende, kai wenna o deesh-te-dui Israeleskre tchawendar.”

Louka 6:15

o Mateo, o Thomas, o Jakobo, koleskro dad hi o Alfeo, un o Simon, kai hi kol menshendar, kai kharenna Zelotarja

Johanni 12:26

Koon kamell mange koi te well, kowa hunte djal mantsa. Kote, kai me hom, hi ninna kowa, kai mange koi hi. Kowa, kai mange koi hi, well sharedo miro dadestar.

Johanni 7:35

“Kai kamell job te djal, kai hatsah mer les gar?” putchas jek i wawarestar. “Kamell job pash kol biboldende te djal, kai djiwenn an o grichtikro them, te penell lo kote i menshenge o Debleskro lab?

Bičepangre 1:13

An o foro Jerusalem djan le an ko kheer, an koi pralstuni isema, kai jon khetne atchan: O Petro, o Johanni, o Jakobo, o Andreas, o Filipo, un o Thomas, o Bartolomeo, un o Mateo, un o Jakobo, koleskro dad o Alfeo hi, un o Simon, kai hi kol menshendar, kai kharenna Zelotarja, un o Judas, o Jakobeskro tchawo.

Bičepangre 12:17

I wastentsa sikras lo len, te denn le kek gole, un penas lenge, har o rai Jesus les dran o stilepen win las. Un ninna penas o Petro lenge: “Penenn kowa o Jakobeske, un kol wawar phralenge!” Palle djas job win, un djas peske an i wawar foro.

Bičepangre 15:13

Pal lengro rakepen stas o Jakobo pre, un penas: “Mire phrala, shunenn, hoi kamau te penap!

Bičepangre 15:21

Kowa, hoi o Mose penas, kowa well i menshenge an hake forja penlo. Hako Debleskro diwes wenn o Moseskre laba an i biboldengre kangria glan-drawedo.”

Bičepangre 15:23

An ko liil, hoi jon peha lan, his tchinlo: “Kau liil tchinan o Jesuseskre bitchepangre un i phureder mank i patslende. Mer ham tumare phrala un tchinah kau liil ap i patslende, kai kek bibolde hi, un kai djiwenna an kol themma Antiochia, Syria un Cilicia.

Bičepangre 2:5

Ap ko tsiro his an o foro Jerusalem bibolde dran bud themma, kai mangan o Debles an.

Bičepangre 21:18

O wawar diwes djas o Paulo mentsa pash o Jakobeste. Un i tsele phureder mank i patslende wan kote.

Bičepangre 23:26

“Me, o Klaudio Lisias, sharau tut, ko themeskro rajes Felix, un penau tuke: Latcho diwes!

Bičepangre 26:7

Mare menshe, kai wenna i deesh-te-dui Israeleskre tchawendar, kolla mangenn o Debles diwes un rati, te well kowa, hoi job mare phurenge penas. Baro Agrippa, me patsau, kai kowa was, kolestar o Dewel penas, te well job. Doleske kamenn man i bibolde i phagi te dell.

Bičepangre 8:1

His mishto an o Sauleskre jaka, te maran le les. Pal ko diwes lan le i patslen soreles palla an o foro Jerusalem. Un i patsle nashan an o them Judea un an o them Samaria. I Jesuseskre bitchepangre atchan an o foro Jerusalem.

Remarja 1:1

Me, o Paulo, o budepaskro o Jesus Kristestar, tchinau kau liil. Job das man gole, te wap leskro bitchepaskro, un rodas man win, te sikrap i menshende leskro drom.

Galatarja 1:19

Kol wawar bitchepangren, kai o Jesus Kristo glan mande pash i menshende bitchras, kolendar dikom me kekes kote har o Jakobo kokres, o Jesuseskro phraal.

Galatarja 2:9

Kol pralstune mank i patslende his o Jakobo, un o Kefas, un o Johanni. Har jon haiwan, kai o Dewel mange latcho hi un man koi budi das, dan jon man un o Barnabas o tchatcho wast, te dikenn halauter, kai ham mer phrala. Mer kram win, te djas mer pash kolende, kai kek bibolde hi, un jon te djan pash i biboldende.

5. Mose 28:64

Un job tradell tumen mank i menshende an i tsele themma ap kai phub, kolen kate, un kol wawaren kote. Lengre deblen dran kasht un bar mangenn tumer kote an. Kol deblen prindjrenn tumer gar un prindjran witar gar tumare phure.

5. Mose 30:3

palle krell tumaro baro Dewel peskro dji tumenge pre un lell tumen dran o pandepen win. Un job anell tumen pale khetne un pale pale dran i tsele themma, kai lo tumen tradas.

5. Mose 32:26

Te daroms me gar o sapen kolendar, kai hi chojedo pral lende, penoms me: “Me marau len halauteren, te well lengro lab bistedo ap i phub.” Kowa krau gar, te phurdenn pen kolla gar pre, kai kuran pen lentsa, te nashte penenn jon gar: “Dran mari soor was kowa. O baro Dewel kras kawa gar.”

5. Mose 4:27

O baro Dewel tradell tumen mank i menshende an i tsele themma, jekes kate un ko wawares kote. Gar bud menshe atchenn tumendar djido mank kol menshende an i wawar themma, kai o baro Dewel tumen tradas.

Filiparja 1:1

Mer, o Paulo un o Timoteo, tchinah kau liil. Mer budrah o Jesus Kristeske, un tchinah kau liil ap lauterende, kolen o Dewel win gole das an o foro Filipi, te patsenn le ap o Jesus Kristeste. Kau liil hi ninna i pralstunenge, kai denn garda ap i patslende, ninna kolenge, kai krenn o Debleskri budi mashkral i patslende.

2. Timoteo 4:21

Trade tut, te wess glan o wend kai. O Eubulo un o Pudens, o Linus, i Klaudia, un i tsele wawar patsle penenn tuke: “Atch o Debleha!”

Tito 1:1

Me, o Paulo, tchinau kau liil. Me hom o Debleskro budepaskro. Un o Jesus Kristo bitchras man pash kolende, kolen o Dewel peske win rodas, te krap lengro patsepen soreles, te haiwenn le o tselo tchatchepen, un te djan le ap o Debleskro drom.

1. Petro 1:1

Me, o Petro, tchinau kau liil. Me hom o Jesus Kristeskro bitchepaskro, un tchinau kau liil tumenge, kai djiwenn an i themma Pontus, Galatia, Kappadocia, Asia un Bitinia. Tumer han o Jesuseskre menshe un djiwenn mashkral kolende, kai patsenn gar ap o Jesus Kristeste.

2. Petro 1:1

Me, o Simon Petro, tchinau kau liil. Me budrau o Jesus Kristeske un hom leskro bitchepaskro. Me tchinau ap lauterende, kai lan ninna ko patsepen har mer. Ko kutch patsepen, kai tchiwas men an o tchatchepen glan o Debleste, das men maro Dewel un o Jesus Kristo, kai las men dran o tchilatchepen win.

Judas 1:1

Me, o Judas, tchinau kau liil ap tumende, kolen o Dewel peske win rodas. Job hi tumaro dad un kamell tumen o djijestar. Un o Jesus Kristo dell garda ap tumende. Me hom o Jesus Kristeskro budepaskro un o Jakobeskro phraal.

Debleskro tsiro 7:4

Un me shunom kitse menshe ko sikepen lan. Kolla his 144.000 (jek-sheel-te-star-deesh-te-star serja) menshe, kai wan dran i tsele menshende, kai wenna pal o Israeleskre deesh-te-dui tchawende.