Filemon 1:5 - O Debleskro Drom 2021 (Sinte)

^5-6 Me shunom, kai tu kameh i tsele patslen o djijestar. Un tu patseh ap maro rajeste, o Jesuseste, jaake har mer ap leste patsah. Me mangau o Deblestar, te well tiro patsepen jaake soreles an tute, te haiwess tu bud un budeder har baro o latchepen hi, hoi das men o Jesus Kristo.

O Debleskro Lab 2024 (Sinte-Manouche)

^5-6 Me shounom, kay tou kameh i tsele patslen o djiyestar. Oun tou patseh ap maro rayeste, o Yezouseste, yaake har mer ap leste patsah. Me mangau o Deblestar, te vell tiro patsepen yaake zoreles an toute, te hayvess tou boud oun boudeder har baro o lačepen hi, hoy das men o Yezous Kristo.

Filemon 1:5 Iomraidhean Croise

Debleskri gili 16:3

I Debleskre menshe an o them hi railo. Jon krenn miro dji bachteles.

Bičepangre 20:21

Me penom i biboldenge un kolenge, kai kek bibolde hi, te mukenn le pengro tchilatcho drom, un te djan le ap o Debleskro drom, un te patsenn le ap maro rajeste, o Jesuseste.

Remarja 12:13

Denn kol tchorwele patslende, hoi len hunte well djipaske! Kolla, kai pash tumende wenna, kolen lenn an tumare khera dren, un denn len te chal un te pijell!

1. Korintarja 16:1

Kanna kamau te rakrell pral i lowe, hoi tumer khetne tchiwenn i patslenge. Krenn kowa jaake, har me les ninna penom kol patslenge an o them Galatia.

Galatarja 5:6

O Jesus Kristeske molell tchi, te hi i mursh ap o mass tchinlo, witar gar, te hi lo gar tchinlo. Kowa, hoi hi budeder moldo har lauter, hi o patsepen. Ko patsepen dikah mer ap o kamlepen, kai jekes hi i wawareske.

Efesarja 1:15

Me shunom, har baro hi tumaro patsepen ap maro rajeste, o Jesuseste. Ninna kamenn tumer i tsele patslen o djijestar.

1. Tessalonikarja 3:6

Kanna was o Timoteo pale, un penas latcho koowa pral tumaro patsepen un kamlepen. Lestar djinah, mer ham hako tsiro an tumaro dji. Un tumer kamenn men pale te dikell, jaake har kamah mer tumen pale te dikell.

Filemon 1:7

Miro phraal! Tiro kamlepen, hoi hi tut i patslenge, kowa kras lengre djia soreles. Un kowa, hoi tu lenge kral, kras man ninna bachteles, un das man newi soor.

1. Johanni 3:23

Un kawa kamell o Dewel mendar: te patsas mer ap leskro tchaweste, o Jesus Kristeste, un te kamas men, jek o wawares o djijestar, jaake har o Jesus Kristo les menge penas.