Filemon 1:2 - O Debleskro Drom 2021 (Sinte)

² Mer tchinah ninna ap mari phenjate, i Apfia, un ap o Archippo, kai budrella mentsa o Jesus Kristeske, ninna ap i tsele patslende, kai wenna khetne an tiro kheer.

O Debleskro Lab 2024 (Sinte-Manouche)

² Mer činah ninna ap mari phenyate, i Apfia, oun ap o Arkippo, kay boudrella mentsa o Yezous Kristeske, ninna ap i tsele patslende, kay venna khetne an tiro kheer.

Filemon 1:2 Iomraidhean Croise

Remarja 16:1

Te well mari pheen, i Febe, pash tumende, mangau tumendar, len lat latches pash tumende pre. Joi hi o Debleskri budepaskretsa an o foro Kenchrea. Lenn lat jaake latches pash tumende pre, har maro rai Jesus kowa i patslendar kamella. Denn lat lauter kowa, hoi lat hunte well djipaske! Joi his bud patslenge koi, ninna mange.

Remarja 16:5

Penenn ninna latche laba mandar ap kol patslende, kai an lengro kheer khetne wenna, un ap miro latcho maal, o Epaineto. Job was o ersto patslo an o them Asia.

1. Korintarja 16:19

I tsele patsle an o them Achaja penenn tumenge latche laba. Ninna kol dui, o Akwila un i Priska, un kol wawar patsle, kai khetne wenna an lengro kheer, penenn bud latche laba ap tumende, kai han lengre phrala un phenja an o patsepen.

Filiparja 2:25

Kanna bitchrau maro phrales, o Epafrodito, pash tumende pale. Koles bitchran tumer pash mande, te anas lo man kowa, hoi man hunte well djipaske. Peskri tseli sorjah kras lo mantsa o Debleskri budi.

Kolossarja 4:15

Penenn i patslenge an o foro Laodicea mendar: “Atchenn o Debleha!” Penenn kowa ninna i Nimfa, un kol tsele patslenge, kai wenn khetne an lakro kheer!

Kolossarja 4:17

Penenn ap o Archippo: Kre koi budi, hoi o rai Jesus tut das! Muk gar tele!