Filemon 1:16 - O Debleskro Drom 2021 (Sinte)

¹⁶ Kanna hi lo tuke buder gar kokres i budepaskro. Na-a. Job hi budeder har kowa. Job hi i latcho phraal. Kowa hi lo mange, un har bud budeder hi lo kowa kanna tuke: Job hi tiro budepaskro un ninna tiro phraal an o patsepen.

O Debleskro Lab 2024 (Sinte-Manouche)

¹⁶ Kanna hi lo touke bouder gar kokres i boudepaskro. Na-a. Yob hi boudeder har kova. Yob hi i lačo phraal. Kova hi lo mange, oun har boud boudeder hi lo kova kanna touke: Yob hi tiro boudepaskro oun ninna tiro phraal an o patsepen.

Filemon 1:16 Iomraidhean Croise

Mateo 23:8

Tumenge penau me: Ma mukenn tumen te kharell: Mo rai! Tumer han halauter phrala. Jek kokres hi tumaro rai.

Bičepangre 9:17

O Anania djas koi, was an ko kheer, tchiwas i wasta ap o Sauleste un penas: “Miro phraal Saulo, maro rai Jesus bitchras man, kowa, kai mukas pes ap ko drom tutar te dikell. Job kamell, te dikess tu nai pale, un te wess pherdo Debleskro Ducho.”

1. Korintarja 7:22

Koon i pandlo budepaskro his ap ko tsiro, har o Jesus Kristo les gole das, kowa hi glan leste buder kek pandlo budepaskro. Un koon kek pandlo budepaskro his ap ko tsiro, har o Jesus Kristo les gole das, kowa hi kanna o Jesus Kristeskro budepaskro.

Kolossarja 3:22

Tumer budepangre, shunenn hako tsiro ap tumare rajende, kolenge tumer hunte budrenna! Ma krenn tumari budi jaake, te sharenn tumen i menshe! Na-a! Budrenn lenge o tchatcho djijestar, un jaake, har kamell o rai Jesus kowa tumendar.

1. Timoteo 6:2

Kol budepangre, kai hi len patsle raja, hunte dikenn gar tele ap pengre rajende. Na-a, jon hunte budrenn latcheder lenge. Kolla hi lengre phrala. Un o Dewel kamell len o djijestar. Un jon krenn ninna latcho koowa. Kowa pen i patslenge an o dji, te krenn le les!

Hebrearja 3:1

Mire patsle phrala, o Dewel das tumen gole, te djiwenn pash leste an o bolepen. Doleske dikenn ap o Jesuseste, kones o Dewel bitchras, te anell lo i menshen ap leskro drom. Les hi peskro dadeskro wast. Un job hi maro baro rashai. Ap leste patsah mer. Job mangell o Debles menge.

1. Johanni 5:1

Kolla, kai patsenna, kai o Jesus o baro rai hi, kolestar o Dewel penas, te well job, kolla hi o Debleskre tchawe. Un hakeno, kai kamell o dades, kowa kamell ninna leskre tchawen.