Ester 9:3 - O Debleskro Drom 2021 (Sinte)

³ I darjatar glan o Mordekai tchiwan pen i pralstune an kol themma ap i rig i biboldendar, ninna i raja, i themeskre raja un i rakepangre o baro rajestar.

O Debleskro Lab 2024 (Sinte-Manouche)

³ I daryatar glan o Mordekay čivan pen i pralstoune an kol themma ap i rig i biboldendar, ninna i raya, i themeskre raya oun i rakepangre o baro rayestar.

Ester 9:3 Iomraidhean Croise

Esra 2:2

Jon wan khetne kol murshentsa: O Serubbabel, o Jeshua, o Nehemja, o Seraja, o Reelaja, o Mordokai, o Bilshan, o Misperet, o Bigwai, o Rehum un o Baana. Kolla hi i laba kol familjendar, kai wan pale an Israel un kitse mursha an lende his:

Esra 8:36

Un jon anan ko liil, hoi o baro rai dran o them Babilonia len lentsa das, pash i pralstunende un i themeskre rajende wergel o panjestar Eufrat. Un kolla wan i Israelenge ap i rig, un dikan ninna, te well o Debleskro kheer pale pre-tchiddo.

Ester 3:12

Ap o 13. (deesh-te-triinto) diwes an o ersto tchon wan kol mursha kharedo, kai o baro rajeskre lila tchinenn. Un kolla tchinan, hoi o Haman lenge penas, an lila ap i pralstunende ko themestar, ap i themeskre rajende un i pralstunende pral hako them. Hako liil his jaake tchinlo, har an ko them tchinlo was, un an ko rakepen, har kote rakedo was. An o lab o baro rajestar Ahasveros wan kol lila tchinlo. Un leskri gustjah was leskro sikepen tel hako liil tchiddo.

Ester 8:17

Un an hako them un an hako foro, kai o baro rajeskro lab was, his bacht un sapen pash i biboldende. Un jon kran baro chapen un wan bachteles khetne. Un bud menshe i wawar menshendar lan daar i biboldendar un wan bibolde.

Ester 8:5

un penas: “Miro baro rai, te hi mishto un tchatcho glan tire jaka, un te hal mange latches un dikeh kamles ap mande, palle le kol lila pale, hoi tchinas o Haman, koleskro dad o Hammedata hi dran o kheer Agag, an kolende tchinlo hi, te wenn i bibolde maredo an hako them, kai tu baro rai hal.

Ester 8:9

Jaake wan kol murshen kharedo, kai o baro rajeskre lila tchinenn. Kowa his an o triinto tchon, – kowa hi o tchon Siwan – ap o biish-te-triinto diwes. Un i lila wan jaake tchinlo, har o Mordekai penas: ap i biboldende, un ap i pralstunende ko themestar, ap i themeskre rajende un i pralstunende pral i tsele themma mank o pani Indus un o pani Nil. Kolla his 127 (jek-sheel-te-biish-te-efta) themma. Un tchinlo was jaake har an hako them tchinlo was, un an o rakepen kol menshendar, kai kote djiwan, un ninna ap i bibolde jaake har jon tchinenn un rakrenn.

Daniel 3:2

Un o baro rai Nebukadnezar bitchras murshen win, te anenn le khetne i tsele pralstunen, bare lurden, themeskre rajen, tchatchepangre murshen, lowengre pralstunen, rakepangre, pralstune kliste un lauteren, kai his penepaske pral wawarende. Kolla te wenn pashel, te well koi figura o ersto kopo an-mangedo.