Ester 8:2 - O Debleskro Drom 2021 (Sinte)

² Un las peskri gustri, hoi job o Hamanestar krik las, un das lat o Mordekai. Un i Ester tchiwas o Mordekajes pral o Hamaneskro tselo kheer.

O Debleskro Lab 2024 (Sinte-Manouche)

² Oun las peskri goustri, hoy yob o Hamanestar krik las, oun das lat o Mordekay. Oun i Ester čivas o Mordekayes pral o Hamaneskro tselo kheer.

Ester 8:2 Iomraidhean Croise

1. Mose 41:42

Un o baro rai las peskri gustri peskro wastestar un tchiwas les ap o Josefeskro wast. Un das les ripja dran shukar laintikro than. Ninna tchiwas lo i sonakaskri werkli trul leskri meen.

Ester 10:2

Ko tselo baro railo koowa, hoi lo kras un leskri soor pral kol bud themma, kowa hi tchinlo an i familjakro liil kol bare rajendar pral o them Media un Persia. Kote hi ninna tchinlo, har o baro rai o Mordekajes hadas un bares kras,

Ester 3:10

O baro rai las peskri gustri o gushto tele. Un das koi gustri an o Hamaneskro wast, kai kamas i bibolden te marell. Koleskro dad his o Hammedata kol menshendar Agag.

Ester 8:3

Un i Ester rakras i wawar kopo o baro rajeha, un witsras pes glan leskre herja tele, un rowas ap leste un mangas lestar, te well ko tchilatchepen gar pral i biboldende, hoi kamas o Haman i menshendar Agag, pral lende te anell.

Debleskri gili 37:34

Dik ap o baro Debleste, te well lo ap tiri rig! Un atch ap leskro drom! Palle hadell lo tut un dell tut ko them. Un tu dikeh, har wenn i tchilatche maredo.

Daniel 2:48

Un o baro rai kras o Danieles baro, un das les bud kutch koowa. Un job tchiwas les pral o tselo them Babilonia, un das les penepaske koi pral un kras, te well lo o pralstuno pral i tsele sikle murshende an o them Babilonia.

Louka 15:22

Koi penas o dad ap peskre budepangre: Anenn sik o feteder ripen, un riwenn kowa leske an! Denn les i gustri un denn les kircha!