Ester 7:8 - O Debleskro Drom 2021 (Sinte)

⁸ Har was o baro rai dran i baar pale pale an koi isema, kai jon khetne mool pijan, dikas lo o Haman, kai glan i diwana tchiddo his, kai i rani hi. Koi das lo gole: “Kamell lo kanna pash mande an miro kheer i ranjake tchomone te krell?” Kol laba his gomme gar dran o baro rajeskro mui tseles win, koi tchakran i budepangre o Hamaneskro shero.

O Debleskro Lab 2024 (Sinte-Manouche)

⁸ Har vas o baro ray dran i baar pale pale an koy isema, kay yon khetne mool piyan, dikas lo o Haman, kay glan i divana čiddo his, kay i rani hi. Koy das lo gole: “Kamell lo kanna pash mande an miro kheer i ranyake čomone te krell?” Kol laba his gomme gar dran o baro rayeskro mouy tseles vin, koy čakran i boudepangre o Hamaneskro shero.

Ester 7:8 Iomraidhean Croise

Ester 1:5

Har kol diwessa trujel djan, kras o baro rai i baro chapen kolenge lauterenge, kai an peskro sorelo kheer an o foro Susa his, i barenge un i tiknenge. Ko baro chapen djas efta diwessa. Un i menshe wan khetne an i baar pash o baro rajeskro railo kheer.

Ester 1:6

Kote his parne un blauete plachte pandlo ap rupene gustria mank turme dran marmor. Trul kol plachte his laintikre un lole dorja. Beshepangre i herjentsa dran sonakai un rup his kote tardo ap i kutch barrengri phub, hoi senelo, parno, djelto un kalo his.

Ester 6:12

Palle djas o Mordekai pale an o wudar pale glan o baro rajeskro kheer. Un o Haman ladjas pes un khatras peskro shero, un djas sik khere.

Ester 7:10

Jaake bladan le o Hamanes ap ko kasht pre, koles job o Mordekajeske mukas pre te tchiwell. Un i choli o baro rajestar djas pale.

Hiob 9:24

Job das i phub an o wast i tchilatchendar. Un kolla, kai o tchatchepen win krenn, kolen kras lo korelo, te dikenn le tchi. Te his job kowa gar, koon wawar his kowa?

Jesaja 22:17

Tu patseh, te hal i sorelo mursh! Shun, o baro Dewel lell tut un witsrell tut dur krik! Job taprell tut,

Jesaja 49:23

Un bare raja wenn tuke koi un lengre romja denn jak ap tire tikne tchawende. Un bare raja witsrenn pen glan tute ap i phub, un tchumrenn i tchik tire pirendar. Kote haiweh tu palle, te hom me o baro Dewel. Un kolla, kai dikenn ap mande, te wap ap lengri rig, dikenn gar tchitcheske ap mande.

Amos 3:12

Kowa penell o baro Dewel: I bakro, kai an o leweskro mui hi, kolestar nai tserdell o bakrengro gar budeder win har dui herja oder i kotar kand. Jaake djal i Israelenge, kai hi kanna beshdo an Samaria ap shukar beshepangre un ap pernitse dran phar. Lendar atchell gar bud pral.

Markus 14:65

Koi wan mursha un tchungran leske an o mui, pandan leske tchomone trul leskre jaka, dan les un penan ap leste: “Pen menge, koon das tut?” Un i lurde dan les an o mui.