Ester 6:3 - O Debleskro Drom 2021 (Sinte)

³ Kote putchas o baro rai: “Hoi las o Mordekai koleske? Har was lo bares kerdo?” Un kol budepangre, kai leske koi hi, penan: “Leske was tchi kerdo.”

O Debleskro Lab 2024 (Sinte-Manouche)

³ Kote poučas o baro ray: “Hoy las o Mordekay koleske? Har vas lo bares kerdo?” Oun kol boudepangre, kay leske koy hi, penan: “Leske vas či kerdo.”

Ester 6:3 Iomraidhean Croise

1. Mose 40:23

Un o pralstuno pral o pipen bistras o Josefes. Un job was leske buder gar an o shero.

1. Familjakro liil 11:6

Un o David penas: “Koon o ersto hi, kai dell kol Jebusarjen, kowa wella o pralstuno lurdo!” Kote djas o Joab, koleskri dai i Zeruja hi, glan i wawarende pre an o foro, un was o pralstuno lurdo.

Ester 6:2

Un koi hatsas pes dren tchinlo, har kaman kol dui mursha, o Bigtan un o Teresh, o baro rajes mulo te dell. Kol dui his pralstune, kai dan jak glan o wudar o baro rajeskro kherestar. Ninna his kote tchinlo, kai o Mordekai kowa win hatsas un an-sikras.

Ester 6:4

Kote putchas o baro rai: “Koon hi win ap i glanstuni platsa?” Un kote his o Haman ap ko tsiro ap i glanstuni platsa glan o baro rajeskro kheer, te penell lo o baro rajeske, te mukell job o Mordekajes pre te bladell ap ko kasht, hoi lo koleske pre-tchiwas.

Sikepaskro 9:15

Un an ko foro his i tchorwelo, gosewo mursh. Peskro goswepah nai lals kowa ko foro win dran o wawareskro wast. Un kek his koi, kai rakras leha un putchas ko tchorwelo murshes.

Daniel 5:16

Tutar shunom, te nai peneh tu, hoi kowa kamell te penell, un te nai tchakreh tu pre, hoi kek djinell. Haiweh tu kanna kol laba te drawerell, hoi kote tchinlo hi un nai peneh mange, hoi kolla kamenn te penell, palle weh tu rido an rajengre lole koola, un leh koi pashel i sonakaskri werkli trul tiri meen. Un tu weh o triinto pralstuno an miro them.”

Daniel 5:29

Har o Daniel kol laba rakras, penas o Belsazar, te riwenn le les an lole rajengre koola, un tchiwenn leske i sonakaskri werkli trul leskri meen. Un job hadas les, te well lo o triinto pralstuno an o rajeskro them.

Daniel 5:7

Un o baro rai das sorjah gole un penas, te anenn le i drawepangren pash leste, ninna kolen, kai an i bolepangre momlia drawerenn un kolen, kai i mulen putchenn. Un job mukas kol siklenge dran o foro Babilon te penell: “Hakeno, kai nai drawerella, hoi koi tchinlo hi, un mange nai penella, hoi kowa kharella, kowa well rido an rajengre lole koola, un lell koi pashel i sonakaskri werkli trul peskri meen. Un job well o triinto pralstuno an miro them.”