Biblia Todo Logo
Bìoball air-loidhne

- Sanasan -




Ester 5:9 - O Debleskro Drom 2021 (Sinte)

9 Har o Haman ko diwes dran o kheer djas, his lo bachtelo un peskro dji sanas. Koi dikas lo o Mordekajes beshdo an o baro wudar glan o baro rajeskro kheer. Un kowa stas gar pre, un witsras pes gar glan leste tele. Koi tapras o Hamanes i bari choli pral o Mordekai.

Faic an caibideil Dèan lethbhreac

O Debleskro Lab 2024 (Sinte-Manouche)

9 Har o Haman ko dives dran o kheer djas, his lo barhtelo oun peskro dji sanas. Koy dikas lo o Mordekayes beshdo an o baro voudar glan o baro rayeskro kheer. Oun kova stas gar pre, oun vitsras pes gar glan leste tele. Koy tapras o Hamanes i bari rholi pral o Mordekay.

Faic an caibideil Dèan lethbhreac




Ester 5:9
19 Iomraidhean Croise  

Kote djas o Ahab an peskro kheer, dukedo un chojedo pral ko lab, hoi o Nabot dran Jesreel ap leste rakras, har penas lo: “Me dau tut kowa gar, hoi mire phurendar lom pal lengro merepen.” Un o Ahab tchiwas pes ap peskro tchiben, un tchiwas peskro mui ap i wawar rig, un chas tchi.


Kote penas job ap late: “Me penom ap o Nabot dran Jesreel: ‘De man tiro kotar phub, kai tire drakengre ruka tardo hi. Me plaissrau les tuke, oder, te kameh, dau tut i wawar kotar phub drakengre rukentsa.’ Job penas mange: ‘Me dau tuke gar miro kotar phub i drakengre rukentsa.’”


His an ko tsiro, har i duito kopo terne tcha khetne anlo wan o baro rajeske. Koi his o Mordekai beshdo an o baro wudar glan o baro rajeskro kheer.


Un o baro rai penas, te djan i tsele pralstune, kai an o baro wudar glan leskro kheer hi, ap i phub glan o Haman un parkrenn les. Un jaake kran le. Kokres o Mordekai kamas gar, un djas gar glan leste tele ap i phub.


Un har o Haman dikas, te witsrell o Mordekai pes gar glan leste tele, tapras les i bari choli.


Kowa lauter hi mange tchi moldo, jaake rah me ko biboldes Mordekai dikau an o baro wudar glan o baro rajeskro kheer.”


well koi bachteli gole kol tchilatchendar kokres i tikno tsiro shunlo. Un koi bacht kolestar, kai kamell tchi o Deblestar te djinell, djal sik trujel.


Na-a, lauter kai pash mande djiwenn, djinenn, hakeno, kai pash mande was, las latches un doha te chal.


Kowa, kai hadell gar kolen, kai kowa krenna, hoi o baro Dewel gar kamella, Na-a, job hadell kolen, kai o baro Debleha djiwenna. Job krell, ap hoi job pes sowel das, ninna te well kowa leske phares.


Ninna te wenn bud lurde trul mande trujel, taprell miro dji kek daar. Ninna te djan le an o kurepen khatar mande, hom me pherdo patsepen ap miro baro Debleste.


Un i bari choli tapras o Nebukadnezar. Un job penas, te anenn le kol triin murshen glan leste. Un i mursha wan glan leste anlo.


Ma trashenn kol menshendar, kai nai marenn tumen! Jon nai marenn gar o djipen an tumende, hoi ninna pal o merepen djiwella. Trashenn o Deblestar, kai nai tchiwell tumen pal o merepen an o bengeskri jag, kai han hako tsiro nashedo!


I gosewe mursha djan ap i wawar drom an pengro them, un wan gar pash o Herodeste pale. Har job kowa haiwas, was i bari choli ap leste. Un job bitchras lurden an o foro Betlehem un an i gaba trujel, te marenn le kol tsele mursh tchawen, kai dui bersha un terneder hi. Kol dui bersha his ko tsiro, kai i gosewe mursha leske penan, te was o tchawo boldo bis ko diwes.


Bibacht well ap tumende, kai kanna tchalo han. Tumer bokenna. Bibacht well ap tumende, kai kanna sana. Tumer rowenna, un denn gole.


Tchatchepah, me penau tumenge: Well i tsiro, kai tumer rowenna, un denn i wasta pral o shero khetne. Un i menshe, kai gar ap mande patsenna, hi bachtelo. Ninna te rowell tumaro dji ap ko diwes, djinenn: Tumaro ropen well tumendar krik lino, un tumer wenna bachtelo.


Har jon kowa shunan, hoi o Stefano lenge penas, djas lenge kowa an o dji, un i bari choli tapras len.


Denn gole pral tumaro tchilatcho djipen! Rowenn koi pral! Ma san gar buder! Awenn bibachtelo un buder gar bachtelo!


Lean sinn:

Sanasan


Sanasan