Ester 4:8 - O Debleskro Drom 2021 (Sinte)

⁸ Un o Mordekai das les i liil peha, kai kol laba tele tchinlo his, hoi an o foro Susa ap i kasht dino his, kai tardo hi, te wenn i bibolde maredo. Kau liles te sikrell lo i Esterake, un te penell lo lake lauter, un mangell latar, te djal li pash o baro rajeste dren, un mangell les i ropah, te krell lo peskro dji pre lakre menshenge.

O Debleskro Lab 2024 (Sinte-Manouche)

⁸ Oun o Mordekay das les i liil peha, kay kol laba tele činlo his, hoy an o foro Susa ap i kasht dino his, kay tardo hi, te venn i bibolde maredo. Kava liles te sikrell lo i Esterake, oun te penell lo lake lauter, oun mangell latar, te djal li pash o baro rayeste dren, oun mangell les i ropah, te krell lo peskro dji pre lakre menshenge.

Ester 4:8 Iomraidhean Croise

Ester 2:20

I Ester shunas ap o Mordekai jaake har an ko tsiro, har joi gomme pash leste his. Un jaake har lo lake penas, penas li gar dran hawo them un hawe menshendar joi hi.

Ester 4:9

Un o Hatach djas un penas i Esterake, hoi o Mordekai penas.

Ester 8:6

Har nai dikap me sawi bari bibacht, hoi mire menshenge well? Un har nai wap me kote pashel tardo, te denn le mire tsele menshen mulo, un krau tchi?”

Hiob 9:15

Ninna te wals man tchatches, nai rakroms tchi ap leste, hoi job mandar putchas. Me nai mangoms kokres latchepen lestar, kai miro tchatchepaskro rai hi.

Debleskri gili 122:6

Mangenn o Deblestar i bacht pral o foro Jerusalem un penenn: “Kolenge, kai kamenn tut, Jerusalem, mu djal mishto!

Gosewe laba 21:1

O baro rajeskro dji hi har i lengsto pani an o baro Debleskro wast, hoi mukell lo kote te nashell, kai job kamell.

Sikepaskro 10:4

Te well o rajeskri choli pral tute, palle ma dja tutar; jek kai haiwell te rikrell lo pes pale, rakrell jaake, te djal i choli krik.

Bičepangre 12:20

O Herodes was chojemen ap i menshende an i forja Tirus un Sidon. Kolla lan pengro chapen dran o Herodeskro them. Doleske bitchran le khetne murshen pash leste, te well lo pale latcho lenge. Kolla rakran koleha, kai das jak ap o Herodeskro kheer, leskro lab his Blasto, un penan leske, te kamenn le buder kek tchingepen, un mangan lestar, te penell job kowa o Herodeske.

1. Timoteo 6:13

Me penau tuke glan o Debleste, kai krell lauter djido, un glan o Jesus Kristo, kai penas o tchatchepen glan o Pontio Pilato:

1. Timoteo 6:17

Pen kol brawelenge, te rikrenn jon pen gar bareder har wawar, un te tchiwenn jon pengro patsepen gar ap o brawlepen, hoi gar atchella. Mer tchiwas maro patsepen ap o Debleste, kai dell men lauter djipaske, jaake te nai djiwas bachteles.