Ester 3:8 - O Debleskro Drom 2021 (Sinte)

⁸ Koi pal penas o Haman ap o baro rajeste Ahasveros: “Kate denna menshe, kai djiwenn penge kokres mank i tsele wawar menshende kate te kote an tire tsele themma. Un len hi i wawar tchatchepen har i tsele wawar menshen. Un ap kowa, hoi tu, baro rai, peneh, te well kerdo, shunenn le gar. Kowa hi gar mishto tuke, te mukess len jaake dureder te krell.

O Debleskro Lab 2024 (Sinte-Manouche)

⁸ Koy pal penas o Haman ap o baro rayeste Ahasveros: “Kate denna menshe, kay djivenn penge kokres mank i tsele vavar menshende kate te kote an tire tsele themma. Oun len hi i vavar čačepen har i tsele vavar menshen. Oun ap kova, hoy tou, baro ray, peneh, te vell kerdo, shounenn le gar. Kova hi gar mishto touke, te moukess len yaake doureder te krell.

Ester 3:8 Iomraidhean Croise

Esra 4:6

Un har o Ahasveros baro rai was, an leskro ersto bersh, tchinan le i fullo liil pral i menshende dran o them Juda un Jerusalem.

Nehemia 1:8

Ma biste tiro lab, hoi dal tu leske, har tu penal: ‘Tumer te phagenn mantsa, palle tradau me tumen dran tumaro them, un tumer hunte djiwenn mank wawar menshende.

Ester 3:9

Miro rai, te kameh, muk i liil te tchinell, kai dren tardo hi, te wenn le maredo. Un me dau deesh-serja kotar rup an i wasta i pralstunendar pral o rajeskro brawlepen.”

Ester 4:1

Un har o Mordekai shunas, hoi djas, kras lo peskre koola paash, hoi ap leste his. Un riwas peske i gono an, un tchiwas jagakri tchik ap peste. Un djas dren mashkral o foro un rowas un das gole.

Jeremia 33:24

Shunal tu, hoi kal menshe rakran: “I menshe dran kol dui khera, dran o kheer Juda un dran o kheer Israel, kolen o baro Dewel peske win rodas, kolendar kamell lo buder tchi te djinell.” Un jon dikenn tele ap mire menshende. An lengre jaka hi jon buder kek natsjona.

Jeremia 50:17

O Israel his har i nashedo bakro, hoi lan i lewe palla. Ko ersto his o baro rai dran o them Assur, kowa chas les. Pal leste was o baro rai pral o them Babilonia, o Nebukadnezar. Kowa dandras ko mass tele, hoi ap leskre kokale atchas.

Ezekiel 11:16

Doleske pen: Kawa penell o baro Dewel, maro rai: Awa, me tradom len dur krik an wawar themma, un mank wawar menshende. Ninna te djiwenn le kate te kote an bud themma, un hi buder gar khetne, hom me pash lende, te nai mangenn le man an, an kol themma, kai le anlo wan.

Ezekiel 6:8

Gar halauter tumendar mukau o chareha mulo te dell. Kolla, kai atchenn djido, mukau pandles krik te anell an wawar themma.

Daniel 3:8

An ko tsiro wan Babilonarja un phukran ap i biboldende.

Daniel 6:13

Un jon djan pash o baro rajeste un rakran leha pral ko lab, hoi mukas lo win gole te dell, un penan: “Maro baro rai, mukal tu gar sawe laba pre te tchinell, un tchiwal tiro lab koi tele, te well hakeno pash i lewe an i gruba witsedo, kai mangell an kal trijanda (30) diwessa, hoi wenn, i wawarestar tchomone un gar tutar, te wals i deblestar har ninna i menshestar?” Un o baro rai penas: “Awa, kowa hi tchatcho. Un ko lab hi gar pale te lell. Jaake hi o tchatchepen pash i Medarja un i Persarja.”

Daniel 6:14

Koi penan le o baro rajeske: “O Daniel, jek kolendar, kai pandles dran o them Juda anlo wan, hadell tut gar un rikrell gar ko lab, hoi mukal tu win gole te dell. Triin kope ap o diwes, mangell job peskro Debles an.”

3. Mose 26:33

Tumen tradau me mank i menshende an i wawar themma, un lau tumen o chareha palla. Tumaro them well i mulo them, un tumare forjendar atchell tchi pral har barra.

Zakarie 7:14

Doleske tradom len an wawar themma, hoi prindjran le gar. Un lengro them was muklo. Kek budras un djiwas buder gar koi. Jaake kran le dran kau latcho them i mulo them.

4. Mose 23:9

Pral ap i berga hom tardo, un dikau tele ap kol menshende. Jon hi menshe, kai djiwenn penge, un djinenn, kai jon gar hi har i wawar menshe.

Johanni 7:35

“Kai kamell job te djal, kai hatsah mer les gar?” putchas jek i wawarestar. “Kamell job pash kol biboldende te djal, kai djiwenn an o grichtikro them, te penell lo kote i menshenge o Debleskro lab?

Bičepangre 24:5

Mer djinah, kai kau mursh tchilatcho hi, un kai job tchingepen krella mashkral kol tsele biboldende, kai ap i tseli phub djiwenna. Job hi i pralstuno rakepaskro kolendar, kai patsenna ap o Jesus dran Nazaret.

Bičepangre 28:22

Mer kamah tutar te shunell, hoi tu peneh menge. Mer djinah, te rakrenn le djungeles pral kau newo drom, hoi tu sikreh.”

5. Mose 30:3

palle krell tumaro baro Dewel peskro dji tumenge pre un lell tumen dran o pandepen win. Un job anell tumen pale khetne un pale pale dran i tsele themma, kai lo tumen tradas.

5. Mose 32:26

Te daroms me gar o sapen kolendar, kai hi chojedo pral lende, penoms me: “Me marau len halauteren, te well lengro lab bistedo ap i phub.” Kowa krau gar, te phurdenn pen kolla gar pre, kai kuran pen lentsa, te nashte penenn jon gar: “Dran mari soor was kowa. O baro Dewel kras kawa gar.”

5. Mose 4:27

O baro Dewel tradell tumen mank i menshende an i tsele themma, jekes kate un ko wawares kote. Gar bud menshe atchenn tumendar djido mank kol menshende an i wawar themma, kai o baro Dewel tumen tradas.

Jakobo 1:1

Kau liil tchinau me, o Jakobo, kowa, kai budrell o Jesus Kristeske un o Debleske. Me penau latche laba kolenge, kai patsenn ap o Jesus Kristeste un djiwenn mashkral kolende, kai gar patslo hi.

1. Petro 1:1

Me, o Petro, tchinau kau liil. Me hom o Jesus Kristeskro bitchepaskro, un tchinau kau liil tumenge, kai djiwenn an i themma Pontus, Galatia, Kappadocia, Asia un Bitinia. Tumer han o Jesuseskre menshe un djiwenn mashkral kolende, kai patsenn gar ap o Jesus Kristeste.