Ester 3:4 - O Debleskro Drom 2021 (Sinte)

⁴ Un jaake putchan le les hako diwes. Un job penas lenge: “Me hom i biboldo un nai witsrau man gar tele glan o Haman.” Un har job gar ap lende shunas, djan le koi un penan kowa o Hamaneske. Jon kaman te dikell, hoi o Haman penell, te djinals lo, hoi o Mordekai kras.

O Debleskro Lab 2024 (Sinte-Manouche)

⁴ Oun yaake poučan le les hako dives. Oun yob penas lenge: “Me hom i biboldo oun nay vitsrau man gar tele glan o Haman.” Oun har yob gar ap lende shounas, djan le koy oun penan kova o Hamaneske. Yon kaman te dikell, hoy o Haman penell, te djinals lo, hoy o Mordekay kras.

Ester 3:4 Iomraidhean Croise

1. Mose 39:10

Jek diwes pal o wawar was joi kol labentsa. Un job shunas gar ap late un tchiwas pes gar pash late. Witar gar kamas job pash late te well.

Esra 1:3

Koon kanna mank tumende leskre menshendar hi, koleha te well peskro Dewel! Un job nai djal pral an o foro Jerusalem an o them Juda, un nai tchiwell o baro Debleskro kheer pre! Kowa hi o Israeleskro Dewel. Un job rodas peske o foro Jerusalem win, te well lo kote an-mangedo.

Ester 3:3

Kote putchan lestar i wawar pralstune, kai an o wudar glan o baro rajeskro kheer his: “Hoske kreh tu kowa gar, hoi o baro rai penas?”

Ester 3:5

Un har o Haman dikas, te witsrell o Mordekai pes gar glan leste tele, tapras les i bari choli.

Daniel 3:12

Un kate hi biboldengre mursha, hoi tu dren tchiwal an pengri budi, te wenn le pralstune an o them Babilonia. Kolla krenn gar, hoi tu penal, un sharenn tiro debles gar un mangenn koi figura gar an, hoi tu mukal pre te tchiwell. Kolla hi o Shadrach, o Meshach un o Abed-Nego.”

Daniel 6:13

Un jon djan pash o baro rajeste un rakran leha pral ko lab, hoi mukas lo win gole te dell, un penan: “Maro baro rai, mukal tu gar sawe laba pre te tchinell, un tchiwal tiro lab koi tele, te well hakeno pash i lewe an i gruba witsedo, kai mangell an kal trijanda (30) diwessa, hoi wenn, i wawarestar tchomone un gar tutar, te wals i deblestar har ninna i menshestar?” Un o baro rai penas: “Awa, kowa hi tchatcho. Un ko lab hi gar pale te lell. Jaake hi o tchatchepen pash i Medarja un i Persarja.”

Jona 1:9

Un job penas ap lende: “Me hom i Hebreari un mangau o baro Debles an, ko Dewel pral o bolepen, kowa kai kras o baro pani un ninna o them.”