Ester 3:12 - O Debleskro Drom 2021 (Sinte)

¹² Ap o 13. (deesh-te-triinto) diwes an o ersto tchon wan kol mursha kharedo, kai o baro rajeskre lila tchinenn. Un kolla tchinan, hoi o Haman lenge penas, an lila ap i pralstunende ko themestar, ap i themeskre rajende un i pralstunende pral hako them. Hako liil his jaake tchinlo, har an ko them tchinlo was, un an ko rakepen, har kote rakedo was. An o lab o baro rajestar Ahasveros wan kol lila tchinlo. Un leskri gustjah was leskro sikepen tel hako liil tchiddo.

O Debleskro Lab 2024 (Sinte-Manouche)

¹² Ap o 13. (deesh-te-triinto) dives an o ersto čon van kol morsha kharedo, kay o baro rayeskre lila činenn. Oun kolla činan, hoy o Haman lenge penas, an lila ap i pralstunende ko themestar, ap i themeskre rayende oun i pralstunende pral hako them. Hako liil his yaake činlo, har an ko them činlo vas, oun an ko rakepen, har kote rakedo vas. An o lab o baro rayestar Ahasveros van kol lila činlo. Oun leskri goustyah vas leskro sikepen tel hako liil čiddo.

Ester 3:12 Iomraidhean Croise

1. Rajengro liil 21:8

Palle tchinas joi lila an o Ahabeskro lab, tchiwas i sikepen koi pre, hoi sikras, te wan kal lila o Ahabestar, un bitchras len ap i phurende un pralstunende, kai khetne o Naboteha an o foro Jesreel djiwan.

Esra 8:36

Un jon anan ko liil, hoi o baro rai dran o them Babilonia len lentsa das, pash i pralstunende un i themeskre rajende wergel o panjestar Eufrat. Un kolla wan i Israelenge ap i rig, un dikan ninna, te well o Debleskro kheer pale pre-tchiddo.

Ester 1:22

Un bitchras lila an i tsele themma, kai lo baro rai his. Hako liil his jaake tchinlo, har an ko them tchinlo well, un an ko rakepen, har kote rakedo well, kai ko liil bitchedo was. Un an ko liil was penlo, te well hako romes an peskro kheer o penepaske, un te well an hako kheer ko rakepen rakedo, hoi o rom rakrella.

Ester 3:11

Un o baro rai penas ap o Haman: “O rup nai rikreh, ninna wenn tuke kol menshe dino, te nai kress lentsa hoi tu kameh.”

Ester 8:2

Un las peskri gustri, hoi job o Hamanestar krik las, un das lat o Mordekai. Un i Ester tchiwas o Mordekajes pral o Hamaneskro tselo kheer.

Ester 9:27

lan pen i bibolde glan, te rikrenn le kol dui diwessa bares, un mukenn gar tele, te rikrenn le len hako bersh jaake har glan tchinlo was. Un jaake was kowa pash lende kerdo. Un kowa his ninna moldo lengre tchawenge, kai pal lende wenna, un kolenge, kai kek bibolde hi un pash lende rikrenna.

Daniel 3:10

Tu, maro baro rai rakral un penal: ‘Hakeno, kai shunell o phurdepaskro bashepen, o bashepen ap i dorjengre bashepangre un ko wawar bashepen, kowa hunte witsrell pes tele un hunte mangell koi sonakaskri figura an.

Daniel 6:12

Kote nashan kol mursha sik khetne un hatsan o Danieles, har job kote peskro Debles o tselo djijestar mangas.

Daniel 6:15

Un har o baro rai shunas, te rakrenn le pral o Daniel, his kowa leske gar mishto. Un job rodas i drom, har job o Danieles koi pale nai win lell. O tselo diwes rodas lo bis o kham tele djas, te well job gar maredo.

Daniel 6:25

Un o baro rai mukas kol murshen glan peste te anell, kai kowa ap o Daniel pre anan. Un job mukas len an i gruba te witsrell pash i lewe, len un lengre tchawen un romjen ninna. Un har jon gomme gar ap i phub tele wan, tapran i lewe len, un phagan lengre kokale.

Daniel 6:8

Mer, i pralstune tiro themestar, i bare lurde, i themeskre raja, i rakepangre un kol wawar, kai hi len penepaske, mer lauter patsah te wals mishto, te mukess tu, baro rai, win gole te dell, te mangell kek mensho tchomone jek deblestar, ninna i wawar menshestar har tutar kokres an o trijanda (30) diwessa, hoi glan mende hi. Kowa te well i lab, hoi hunte well dre-rikedo. Un ko mensho, kai i wawarestar tchomone mangella, hunte well witsedo an i gruba pash i lewe.