Ester 3:1 - O Debleskro Drom 2021 (Sinte)

¹ Pal i tsiro hadas o baro rai Ahasveros i murshes pral i tsele pralstunende, kai pash leste hi. Ko mursh kharas Haman. Leskro dad his o Hammedata i menshendar Agag.

O Debleskro Lab 2024 (Sinte-Manouche)

¹ Pal i tsiro hadas o baro ray Ahasveros i morshes pral i tsele pralstunende, kay pash leste hi. Ko morsh kharas Haman. Leskro dad his o Hammedata i menshendar Agag.

Ester 3:1 Iomraidhean Croise

1. Mose 41:40

Tu wess rai pral miro baro kheer. I tsele menshe an miro them hunte krenn kowa, hoi tu peneh. Me kokres hom bareder har tu un atchau baro rai pral o them Egiptia.”

1. Mose 41:55

Har i bok ninna an o them Egiptia was, dan i Egiptarja gole ap o baro rajeste, te dell job len te chal. Koi penas o baro rai ap lende: “Djan pash o Josefeste! Krenn, hoi job tumenge penella!”

Esra 7:14

O baro rai un leskre efta gosewe mursha bitchrenn tut, te djas an o them Juda un an o foro Jerusalem, te dikess, har rikrenn pen i menshe kote ap tiro Debleskro lab, hoi an tiro wast hi.

Ester 1:14

Mank lende his o Karshena, o Shetar, o Admata, o Tarsis, o Meres, o Marsena, un o Memukan. Kol efta his i raja pral i themma Persia un Media. Un pal o baro rajeste his jon i pralstune an o tselo them. Ap lende rakras lo, te kamell lo tchomone te djinell.

Ester 3:10

O baro rai las peskri gustri o gushto tele. Un das koi gustri an o Hamaneskro wast, kai kamas i bibolden te marell. Koleskro dad his o Hammedata kol menshendar Agag.

Ester 5:11

Glan lende phurdas pes o Haman pre un penas lenge, har baro leskro brawlepen hi, un kitse mursh tchawe les hi, un har hadas les o baro rai un tchiwas les pral i tsele pralstunende un pral i tsele rajeskre budepangre.

Ester 7:6

Un i Ester penas: “Kowa, kai lell men palla un kamell men te marell, kawa hi ko tchilatcho mursh Haman!” Kote tapras o Haman i daar glan o baro rajeste un i ranjate.

Ester 8:3

Un i Ester rakras i wawar kopo o baro rajeha, un witsras pes glan leskre herja tele, un rowas ap leste un mangas lestar, te well ko tchilatchepen gar pral i biboldende, hoi kamas o Haman i menshendar Agag, pral lende te anell.

Debleskri gili 12:8

Tu, mo baro Dewel, rikreh tiro lab, un rikreh tiro wast pral mende hako tsiro, te nai krenn kol menshe menge kek tchilatchepen,

Gosewe laba 29:2

Te hi bud menshe koi, kai an o tchatchepen tardo hi, palle hi i tsele menshe bachtelo. Te hi i tchilatcho o rai pral lende, palle hi i tsele menshenge ropaske.

Sikepaskro 10:6

I dineleske denn le peskri beshepaskri kote, kai i pralstune beshenna, un i brawele hunte beshenn pen ap i telstune beshepangre.

Daniel 6:2

Un an leskre jaka his latcho, te tchiwas lo 120 (sheel-te-biish) pralstunen pral i tsele themma, kai job o rai his.

4. Mose 24:7

An o Israeleskro them hi bud pani, un leskri phub, kai o djob un o gib bares wenna, hi budeder har doha pani. Leskro baro rai well bareder har o Agag. Un leskro them un leskre menshe wenn sorleder har i wawar menshe trul lende.

1. Samuel 15:33

O Samuel penas: “Har tiro charo i djuwjenge lengre tchawen maras, jaake well kowa, te hi tiri dat gomme kek tchawo buder.” Un o Samuel das o Agag an kotja, glan o baro Debleste an o foro Gilgal.

1. Samuel 15:8

Un job las o baro rajes pral o Amalek, o Agag, djides pandlo. I tsele menshen mukas lo o chareha mulo te dell.