Ester 2:7 - O Debleskro Drom 2021 (Sinte)

⁷ Un pash o Mordekai djiwas i terni tchai, i Hadassa, kai ninna Ester kharedo was. Joi his leskro kakeskri tchai, un lat his buder kek dad un kek dai. Un joi his i shukar un raili tchai. Un har lakro dad un lakri dai meras, las o Mordekai lat pash peste un was lake har lakro dad.

O Debleskro Lab 2024 (Sinte-Manouche)

⁷ Oun pash o Mordekay djivas i terni čay, i Hadassa, kay ninna Ester kharedo vas. Yoy his leskro kakeskri čay, oun lat his bouder kek dad oun kek day. Oun yoy his i shoukar oun rayli čay. Oun har lakro dad oun lakri day meras, las o Mordekay lat pash peste oun vas lake har lakro dad.

Ester 2:7 Iomraidhean Croise

1. Mose 48:5

Un o Jakob penas dureder ap o Josefeste: “Kanna shun, tire dui tchawe, kai bolde wan glan ko tsiro, kai wom pash tute an o them Egiptia, – o Efrajim un o Manasse – kamau te wenn jon mire, jaake har o Ruben un o Simeon.

Ester 2:15

Ko tsiro was, te djal i Ester pash o baro rajeste. Lakro dad his o Abichajil un lakro kako o Mordekai, kai lat pash peste las, har well li leskri tchai. Un joi kamas tchi budeder peha te lell, har o Hegai, ko pralstuno pral i djuwjende, lake penas. Un an i jaka lauterendar, kai dikan lat, his li shukar.

Ester 2:20

I Ester shunas ap o Mordekai jaake har an ko tsiro, har joi gomme pash leste his. Un jaake har lo lake penas, penas li gar dran hawo them un hawe menshendar joi hi.

Ester 8:1

Ap ko diwes das o baro rai, o Ahasveros, i ranjate Ester ko kheer, hoi his o Hamanes, kai i bibolden kamas te marell. Un i Ester penas o baro rajeske, kai o Mordekai lakro kako hi. Un o baro rai mukas les glan peste te well.

Hiob 31:17

Chom me miro chapen kokres, un dom kolen tchi, kolen buder kek dad his?

Hiob 31:18

Fun tiknes pre dom me ap lende jak, har te woms me lengro dad. Un miro tselo djipen wom kol djuwjenge ap i rig, kolengro rom meras.

2. Korintarja 6:18

Un me kamau tumaro dad te well, un tumer han mire tchawe un mire tcha. Kowa penell o baro Dewel, kai hi o rai pral o bolepen un i phub.

Efesarja 6:4

Tumer dada, ma choirenn tumare tchawen! Penenn lenge, hoi o Dewel lendar kamella, un sikrenn lende, har te djan le ap o Debleskro drom!

1. Johanni 3:1

Dikenn, har baro o Debleskro kamlepen menge hi. O Dewel, maro dad, penell ap mende: “Mire tchawe.” Un tchatchepah, kolla ham mer. Dran kowa haiwenn men kol menshe gar, kai o Debles gar prindjrenna. Jon haiwenn gar, koon job hi.