Ester 2:16 - O Debleskro Drom 2021 (Sinte)

¹⁶ Un jaake was i Ester pash o baro rajeste Ahasveros an leskro rajeskro kheer anlo. Un kowa his an o deshto tchon, har job an o eftato bersh o baro rai his. Kau tchon kharas Tebet.

O Debleskro Lab 2024 (Sinte-Manouche)

¹⁶ Oun yaake vas i Ester pash o baro rayeste Ahasveros an leskro rayeskro kheer anlo. Oun kova his an o deshto čon, har yob an o eftato bersh o baro ray his. Kava čon kharas Tebet.

Ester 2:16 Iomraidhean Croise

Esra 4:6

Un har o Ahasveros baro rai was, an leskro ersto bersh, tchinan le i fullo liil pral i menshende dran o them Juda un Jerusalem.

Esra 7:8

An o pantchto tchon an kau bersh wan le kote an.

Ester 2:1

Un pal ko koowa, har djas i choli o baro rajestar Ahasveros pale, djas leske an o shero trujel, hoi i Wasti kras, un hoi lah kerdo was.

Ester 2:15

Ko tsiro was, te djal i Ester pash o baro rajeste. Lakro dad his o Abichajil un lakro kako o Mordekai, kai lat pash peste las, har well li leskri tchai. Un joi kamas tchi budeder peha te lell, har o Hegai, ko pralstuno pral i djuwjende, lake penas. Un an i jaka lauterendar, kai dikan lat, his li shukar.

Ester 2:17

Un o baro rai kamas lat budeder har i tsele wawar djuwjen. An leskre jaka his li shukeder un feteder har haki wawar terni tchai. Un job tchiwas ko shereskro sonakai ap lakro shero, hoi i rani hidjrell. Un kras latar i newi rani, jaake har i Wasti glan late his.

Ester 2:3

Un bitche murshen an i tsele themma, kai baro rai hal, te anenn le i tsele shukar terne tchen kate an tiro sorelo kheer an o foro Susa, un kote an o djuwjengro kheer. Un de len an o wast ko pralstunestar, o Hegai, kai dell jak ap i djuwjende. Un job mukell lauter ap lende te krell, hoi i djuwjat shukar krell.

Ester 8:9

Jaake wan kol murshen kharedo, kai o baro rajeskre lila tchinenn. Kowa his an o triinto tchon, – kowa hi o tchon Siwan – ap o biish-te-triinto diwes. Un i lila wan jaake tchinlo, har o Mordekai penas: ap i biboldende, un ap i pralstunende ko themestar, ap i themeskre rajende un i pralstunende pral i tsele themma mank o pani Indus un o pani Nil. Kolla his 127 (jek-sheel-te-biish-te-efta) themma. Un tchinlo was jaake har an hako them tchinlo was, un an o rakepen kol menshendar, kai kote djiwan, un ninna ap i bibolde jaake har jon tchinenn un rakrenn.